Bir soghysta eki jenimpaz bolmaydy!

Ótken júma әlem nazary taghy Aq ýige audy. Tramp pen Zelenskiy jolyqty. Qos elding basshylary әueli BAQ aldynda emen-jarqyn әngimelesti. Zelenskiy Trampqa alghys bildirse, Tramp Zelenskiydi «kóp qiyndyqqa shydap kele jatqan myqty liyder» dep maqtady. Onan song kezdesu jabyq esikting arghy jaghynda jalghasty. Úzyn-yrghasy 2,5 saghatqa sozyldy.
Birinshi әngime - Putinmen kezdesu:
Tramp jariya әngime kezinde Putinmen kezdesu turaly: «Putinmen Vengriyada jolyghamyz. Sebebi Viktor Orbandy men de, Putin de jaqsy kóremiz. Ol myqty liyder jәne kezdesuimizdi úiymdastyra alady. Vengriya Putin ýshin de qauipsiz jer bolmaq», - dedi.
Onan son: «Putin soghysty toqtatqysy keledi. Óitpese, ol ony nege aitady. Zelenskiy de soghysty toqtatqysy keledi. Biz ony kórip otyrmyz», - dedi.
Al Zelenskiy kerisinshe: «Biz soghystyng tezirek toqtaghanyn qalaymyz. Al Putin múny qalamaydy. Sondyqtan, Reseyge qysymdy arttyru kerek», - dedi.
Ekinshi әngime - Tomahawk zymyrany turaly:
Tramp: «Ukrainagha kóp qaru beriledi. Biraq, soghysty Tomahawk-syz tәmamdaghan dúrys. Biz soghan jaqyn siyaqtymyz», - dedi.
Zelenskiy Trampqa úsynys jasap, «Tomahawk zymyranyn myndaghan drongha aiyrbastaudy» úsyndy. Tramp búghan qyzyghushylyq bildirip: «Ras, búl tiyimdi úsynys. Biz ózimiz de dron shygharamyz. Ózgelerden de satyp alamyz. Al Ukrainanyng drondary shynymen myqty drondar», - dedi.
Al jabyq esiktegi әngimeden keyin Zelenskiy: «Tomahawk - basy ashyq mәsele. Ázirge AQSh jaghdaydy ushyqtyrghysy kelmeydi. Biraq, búl birjola bermeydi degen sóz emes. Búl zymyrandardy beru mәselesi әli әngime bolady», - dedi.
Ýshinshi әngime - Ukraina territoriyasy turaly:
Ashyq әngime barysynda Tramp: «Ukrainanyng endi 1991 jyldyng shekarasyna shyghuy ekitalay», - dep sóilegen.
Al jalpy kezdesuden son: «Soghysty osy jetken jerde ayaqtau qos tarapqa da tiyimdi bolady», - dep sóiledi.
Al preziydent Zelenskiy: «Ukraina territoriyasyn Ukrainasyz eshkim sheshpeydi. Reseymen kelissózding eng qiyn túsy - territoriya mәselesi. Sóz bolyp otyrghan territoriya - Ukrainaniki, bizdiki. Putin Ukrainany tútas alghysy keldi. Onyng dәp qazir Ukrainany tútas almaghanynyng sebebi niyetining joqtyghy emes, shamasynyng osy bolghany», - dedi.
TRAMPTYNG QORYTYNDY SÓZI:
Tramp: «Zelenskiymen kezdesu mazmúndy, qyzyqty, jaqsy ótti. Men preziydent Putinge aitqanymdy preziydent Zelenskiyge de aittym. Soghysty toqtatyp, kelisimge keletin uaqyt keldi.
Qazirge deyin jetkilikti qan tógildi. Al menshik shekarasyn soghys pen soghystaghy erlik anyqtaydy. Olargha qazirgi jetken jerde toqtaghan dúrys!
Ekeui de ózderin jenimpaz dep jariyalasyn. Qalghanyn tarih ózi anyqtaydy. Atysty, ólimdi, soghysqa qisapsyz júmsalyp jatqan shyghyndy toqtatu kerek!
Eger men 2022 jyly preziydent bolsam, búl soghys mýlde bastalmas edi. Ár apta sayyn myndaghan adam ólip jatyr. Jeter osymen. Beybitshilikti tu etip, otbasylaryna oralyndar», - dedi.
Tramp búl sózderdi ózining әleumettik jelidegi paraqshasynda jazdy.
ZELENSKIYDING JAUABY:
Al búghan preziydent Zelenskiy: «Tramp dúrys aitady. Biz túrghan jerimizde toqtauymyz kerek. Ukraina óte ýlken elge qarsy soghysyp jatyr. Mәsele bizde emes, mәsele Putinde. Ol bizding jerimizge qayta soghys bastap kelmeui ýshin bizge óte senimdi, myghym qauipsizdik kepildigi qajet. Aldymen úrys qimyldary toqtauy qajet, artynsha naqty kelissózder ótui shart», - dedi.
Qosymsha: Zelenskiy: «Putin meni jek kóredi. Men de ony jek kórem. Biraq, әngime mening jeke basymda emes. Olar bizge soghys ashty. Bizdi, bәrimizdi óltirgisi keledi. Demek - ol bizding jauymyz. Olar kýn sayyn bizding adamdarymyzdy óltirude jәne toqtaghysy joq. Demek - ol bizding jauymyz. Jek kóruding sebebi osy. Basqasha boluy mýmkin emes», - dedi.
JER BERUGE QOS TARAP TA KÓNBEYDI!
Týiin: Tramp pen Zelenskiy keler aptada taghy sóilespek. Al territoriya mәselesi – «ayttym - bitti, kestim – ýzildimen» sheshile salatyn mәsele emes. Resey әsker kirgizip, qanqasap jasap jatqan jerler - Donbass (Luganski men Doneski), Herson men Zaporoj Ukrainanyng jeri. Halyqaralyq qauymdastyq moyyndaghan aumaqtar. Búghan taghdyry talaugha erte týsken Qyrymdy da qosynyz. Ukraina soghystyng jetken jerinen úrysty toqtatyp, kelissózge otyrugha kóngenimen, ony Reseydiki dep moyynday salugha kóne qoymaydy. Eger op-onay kóner bolsa, 4 jylgha juyq nege kýresti? Nege soghysty? Jýzdegen myng adamnyng qany nege tógildi? Búl zandyq jaghynan da, moraldyq jaghynan da onay sheshiletin mәsele emes!
Búl jerlerdi Resey de psevdoreferendum ótkizip, óz Konstitusiyasyna qosyp alghan (2014-te). Demek, atalghan 4 oblysty jarym-jartylay Ukrainagha beruge Putin ólse kónbeydi. Reseyding ash-jalanash, jyltyr kóten, jalanbút qoghamy Kremliden: «Alaqanday 4 oblysty 4 jyl soghysyp nege týgel ala almadyn? Biz ózimiz ashqúrsaq qalsaq ta, qazynany soghysqa júmsaghanyna nege kóndik?» degen súraudyng san týrin jaqsylap súraydy. Ázirden múnday sózder aityluda. Tipti, solay bolghan kýni Prigojin sekildiler Mәskeuge qayta joryqqa shyghuy ghajap emes. Óitkeni Resey iydeologiyasy soghys agitasiyasyna negizdelgen. Qoghamy militaristik-imperialistik ýgitpen tәrbiyelengen. Al әskery qúrylymynda týrli toptar men túlghalar soghysty túraqty tabys kózine ainaldyrghan. Olar erteng keshegi Prigojinning «erligin» qaytalap, biylik jýiesin jaghadan alugha әbden dayyn otyr. Sondyqtan, Tramptyng úsynysyna Putinning kóne saluy da ekitalay…
Abai.kz