Bir ghasyr búryn Europa dalasyn shayqaghan soghys pen býgingi Ukrainanyng aspanynda zulaghan drondardyng arasynda ýndestik bar. Qansha jerden zaman ózgerdi degenmen, memleketterding kýireu sebepteri sol kýii qaldy. Ruh pen resurs sarqylghanda, qaru ýnsiz qalady.

Germaniya Birinshi dýniyejýzilik soghysta aldynghy shepti ústap túryp, tútas ekonomikalyq jýiesi kýiregennen keyin tize býkti. Artilleriyasy Parijdi atqylap túrghanda, kóshelerinde tolqu bastalghanyn tarihtan bilemiz. Sebebi soghystyng songhy sheshushi maydany syrtta emes, ishte ótti. Sarbaz emes, ash-jalanash halyq Germaniyanyng taghdyrdy sheshti.

Sol siyaqty Resey de soghystyng tórtinshi jylynda ishki jaghday syr bere bastaghanday... Budjet bos, ónirler jútap otyr. Tipti, keybir aimaqtarda sheneunikter qarapayym budjet qyzmetkerlerine jalaqyny keshiktirip bere bastaghan.

Qorghanys ónerkәsibi kýsheygen sayyn azyq-týlik baghasy ósip, janarmay tapshylyghy kýsheye týsken. Soghysqa tek tehnika ghana emes, qyruar qarjy da júmsaluda. Qoldaghy bardyng bәri oq-dәri men tank jasaugha júmsalyp, qarapayym azamattyng kýndelikti tirshiligi qiyndap barady.

Germaniyanyng soghysta jeniluining basty sebebi soghysqa júmsalghan aqshanyng saldarynan halyqtyng túrmysy qúrdymgha ketti. Sol ýrdis Mәskeuge de jetkendey.

Sanksiya qazirgi zamannyng teniz blokadasyna ainalyp otyr. Reseyding iri kompaniyalary halyqaralyq naryqtan shettetildi. Jana tehnologiyalargha qoly jetpeydi, qarjy arnalary shetinen jabylyp jatyr.

Býginde Resey aqparattyq maydanda jenip jatqanday kóringenimen, shyndyq basqasha. Ishki әleuet sarqylghan sayyn, propaganda shyndyqty býrkemeleuge tyrysatyny belgili.

Bir ghasyr búryn nemister de gazetterden jenis turaly kóp oqyp, kóshede ashtyqqa tap boldy. Aqyry, "bizdi satty" degen anyz tarady. Ol anyz keyingi fashizmge jol ashty. Al qazirgi Resey de dәl osy joldyng shetinde túr. Mif pen shyndyqtyng arpalysy kezinde әdilet saltanat qúruy tiyis.

Tarihtyng salmaghy men bolashaqtyng baghytyn týsinetin uaqyt jetti. Auylyna su apara almaghan memleket, armiyasyn saqtay almaydy. Zymyranmen emes, jauapkershilikpen útqan júrttar ghana jana dәuirge ótedi.

Núrlan Júmaqanov

Abai.kz