Qazaqstangha Armeniya premier-ministri Nikol Pashinyan keldi. Memleket basshysy Armeniya Premier-ministrin Aqordada qabyldap, kelissóz jýrgizdi.

Qasym-Jomart TOQAEV:

– Asa qúrmetti Nikol Vovaevich, Qazaqstangha qosh keldiniz! Sizding saparynyz óte manyzdy. Eki elding strategiyalyq seriktestik dengeyindegi qarym-qatynasynyng damuyna ýlken serpin beredi dep senemiz. Búl – Qazaqstangha alghashqy saparynyz. Shyn mәninde, qazaq halqy Armeniya júrtyna, tarihyna, salt-dәstýrine, mәdeniyetine zor qúrmetpen qaraydy. Sapar barysynda birqatar manyzdy kelisimge qol qoyylady, - dedi.

Nikol PAShINYaN:

– Asa qúrmetti Preziydent myrza, meni Qazaqstangha resmy saparmen shaqyryp, Astanada qonaqjaylyq tanytqanynyz ýshin alghys aitamyn. Búl sapar bizding ekijaqty qarym-qatynasymyzgha tyng serpin beredi. Qos memleket arasyndaghy yntymaqtastyqtyng jana kezeni Sizding byltyr Armeniyagha jasaghan resmy saparynyzdan bastau aldy. Sonyng nәtiyjesinde manyzdy kelisimderge qol qoyyldy. Onyng keybiri jýzege asyryldy, qalghan bóligi oryndalu ýstinde. Qazaqstangha resmy saparmen kelu – men ýshin zor mәrtebe, - dedi.

Onan song Qazaqstan preziydenti men Armeniya premier-ministri keneytilgen qúramda kelissóz jýrgizdi. Memleket basshysy Qasym-Jomart Toqaev qazaq pen armyan dostyghy berik, syilastyghy jarasqan halyqtar ekenin atap ótti.

– Armeniya – Qazaqstannyng Ontýstik Kavkazdaghy basty sayasy jәne sauda-ekonomikalyq seriktesining biri. Qazaq júrty armyan halqyn erekshe qadirleydi. Onyng tereng tarihyna, bay mәdeniyeti men salt-dәstýrine qúrmetpen qaraydy. Qazir Armeniya Qazaqstan azamattary kóp baratyn turistik elding birine ainaldy. Biyl qos halyqty jaqyndastyra týsken aituly oqighalar boldy: Armeniyada alghash ret Qazaqstannyng mәdeniyet kýnderi ótti. Erevanda úly aqyn jәne aghartushy Abay Qúnanbayúlynyng qúrmetine sayabaq ashyldy. Osy manyzdy bastamalargha qoldau kórsetkeniniz ýshin Sizge, qúrmetti Nikol Vovaevich, zor alghys bildiremin. Múny qazaq eline degen erekshe iltipatynyz dep baghalaymyz, – dedi Memleket basshysy.

Preziydentting aituynsha, Astana men Erevan arasynda barlyq dengeyde ashyq әri senimdi sayasy dialog qalyptasqan. Halyqaralyq jәne ónirlik úiymdar ayasynda tyghyz, nәtiyjeli yntymaqtastyq jolgha qoyylghan.

Qasym-Jomart Toqaev eki elding sauda-ekonomikalyq, mәdeniy-gumanitarlyq jәne ghylym-bilim salasyndaghy yqpaldastyghy dәiekti týrde damyp kele jatqanyna toqtaldy.

Sonday-aq memleketaralyq baylanystar konstruktivti sipat alghanyn әri ony jaq-jaqty keneytuge aitarlyqtay әleuet bar ekenin jetkizdi. Memleket basshysy býgin Qazaqstan men Armeniya arasyndaghy yntymaqtastyqty strategiyalyq seriktestik dengeyine shygharatyn tarihy qújatqa qol qoyylatynyn mәlimdedi.

Armeniya Premier-ministri búl sapar ekijaqty qarym-qatynasty terendetuge jәne yntymaqtastyqty strategiyalyq seriktestik dengeyine kóteruge ontayly sәt ekenin atap ótti.

– Qazaqstan bizding elimiz ýshin óte jaqsy ýlgi dep sanaymyz. Biz qazaq halqyn qúrmetteymiz. Osy qúrmet ekijaqty yntymaqtastyghymyzdy odan әri damytugha negiz bolady. Býgin Preziydent Qasym-Jomart Toqaevpen ózara yqpaldastyghymyzdyng basty baghyttaryn ilgeriletu jaghdayyn jan-jaqty talqyladyq. Ónirdegi ózgeristerdi eskersek, ekonomikalyq jәne kólik salasyndaghy qatynastarymyzdyng jana mýmkindikterine jol ashylady. Kólik baghytyndaghy әleuetti tolyq jýzege asyru manyzdy. Onyng nәtiyjeli bolatynyna senimdimin, – dedi Nikol Pashinyan.

Kezdesu barysynda sauda-ekonomika, kólik-tranziyt, investisiyalyq yqpaldastyq, tau-ken, auyl sharuashylyghy, sifrlandyru jәne jasandy intellektini engizu, densaulyq saqtau, sonday-aq mәdeniy-gumanitarlyq salalardaghy yntymaqtastyq mәseleleri talqylandy.

Sonymen qatar Qasym-Jomart Toqaev pen Nikol Pashinyan ónirlik jәne halyqaralyq kýn tәrtibindegi ózekti mәseleler jóninde pikir almasty.

Memleket basshysy Armeniya Premier-ministrin «Altyn Qyran» ordenimen marapattady. Qasym-Jomart Toqaev saltanatty is-sharada qazaqstandyqtar Nikol Pashinyandy Armeniyanyng damuyna jana lep әkelgen, memlekettik qúrylymnyng barlyq salada qayta janghyruyna tyng serpin bergen jalpyúlttyq kóshbasshy dep biletinin jetkizdi.

– Sizding kóregen basshylyghynyzdyng arqasynda Armeniya ornyqty damu jolyna týsip, halyqaralyq arenadaghy pozisiyasyn nyghaytty. Sonday-aq ishki jәne syrtqy sayasatta parasatty, jauapty ústanymymen ýlgi kórsetip otyr. Siz óte kýrdeli geosayasy ahualda qalyptan tys әri batyl sheshim qabyldadynyz. Týpting týbinde búl armyan halqyna paydasyn tiygizetin óte qúndy sheshim boldy. Dostas, bauyrlas Armeniya beybitshilik, ornyqty damu jolyn tandaghany anyq. Búl iste Sizding tarihy enbeginiz zor. Vashingtonda qabyldanghan Armeniya men Ázerbayjan arasyndaghy beybit kelisimdi ilgeriletude eleuli ról atqarghanynyzdy atap ótkim keledi, – dedi Qazaqstan Preziydenti.

Qasym-Jomart Toqaev býginde qazaq-armyan memleketaralyq baylanysy strategiyalyq seriktestikting jana dengeyine kóterilgenin mәlimdedi.

– Búl iske Sizding elderimiz arasyndaghy san qyrly yntymaqtastyqty damytugha belsendi atsalysuynyz aitarlyqtay yqpal etti. Qazaq-armyan qarym-qatynasyn damytudaghy ýlken ýlesiniz ben airyqsha enbeginizdi eskere otyryp, býgin Sizdi Qazaqstan Respublikasynyng eng joghary memlekettik nagradasy – «Altyn Qyran» ordenimen marapattau turaly sheshim qabyldadym. Búl – myzghymas bauyrlastyghymyzdyn, ózara berik senimning jәne halyqtarymyzdyng keleshegi jolyndaghy ortaq úmtylystarymyzdyng jarqyn simvoly, – dedi Preziydent.

Nikol Pashinyan Qazaqstannyng eng joghary nagradasymen marapattaghany ýshin Qasym-Jomart Toqaevqa jәne barsha qazaq halqyna alghys aityp, múny otandastaryna kórsetilgen erekshe qúrmetting belgisi retinde qabyldaytynyn jetkizdi

– Men ýshin bauyrlas Qazaqstan Respublikasynyng eng joghary nagradasyna ie bolu jәne ony Sizding qolynyzdan alu – zor mәrtebe. Sizdi óte tәjiriybeli sayasatker, memleket qayratkeri, diplomat retinde bilemiz. Sondyqtan Sizding bergen baghanyz men ýshin qúndy. Búl marapat ekijaqty qarym-qatynasymyzdy ghana emes, tútas ónirding damuyna septigin tiygizedi dep senemin, – dedi Armeniya Premier-ministri.

Abai.kz