Qazgidromet 2025 jylghy jeltoqsannan 2026 jylghy aqpan-nauryz ailaryna deyingi aua rayyna arnalghan konsulitativtik boljamyn úsyndy.

Mamandardyng aldyn ala derekterine qaraghanda, elimizding basym ónirlerinde qys qonyrjay jyly ótedi. Jauyn-shashyn mólsheri kóbine klimattyq normagha say bolady. Degenmen, key kezenderde búrqasyn, ekpindi jel, kóktayghaq, túman jәne mol jauyn-shashynnyng týsui yqtimal.

Qys ailarynda aua temperaturasy jii qúbylady: jyly kýnder ayazdy tolqyndarmen almasyp otyrady.

Jeltoqsanda ne kýtiledi?

Aldyn ala esep boyynsha jeltoqsan aiy jylyraq bolady, jauyn-shashyn da norma shamasynda.

Aua temperaturasy:

• Elding basym bóliginde – normadan 1-2° joghary;
• Ontýstik-shyghys ónirlerde (Týrkistan, Jambyl, Almaty, Jetisu, Qaraghandy men Abay oblystarynyng ontýstiginde, Qyzylorda jәne Úlytau oblystarynyng ontýstik-shyghysynda) – normagha say.

Jauyn-shashyn:

• Respublikanyng kóp bóliginde – norma shamasynda;
• Qyzylorda oblysynyng basym aumaghynda, Aqtóbe oblysynyng ontýstik-shyghysynda, Qostanay oblysynyng ontýstik-batysynda jәne Úlytau oblysynyng batysynda – normadan az.

Key kýnderi qar, janbyr aralas jauyn-shashyn týsip, búrqasyn men qatty jel túruy mýmkin. Sonday-aq kóktayghaq pen túman jiyileydi.

Antisiklondardyng әserinen key ónirlerde jauyn-shashyn toqtap, ashyq ayazdy kýnder ornaydy.

Aydaghy eng suyq kezen:

• Jeltoqsannyng birinshi onkýndigining sonynda elding soltýstigi, shyghysy jәne ortalyghynda týnde 23-28°, kýndiz 13-18° ayazgha deyin tómendeydi.
• Ekinshi jәne ýshinshi onkýndikterde sol ónirlerde týngi temperatura 15-20° ayazdan 5-10° ayazgha deyin qúbylady. Shyghysta key kýnderi týnde 25-35°, kýndiz 15-20° ayazgha deyin kýsheyedi.

Batys jәne ontýstik ónirlerde:

• Ay basynda kýn jyly – kýndiz 5-10° jyly;
• Onkýndik sonynda 12-17° ayazgha deyin suytady;
• Odan keyin týnde 0-5° ayaz ben 7-12° ayaz aralyghynda auytqu bolady, kýndiz 0-8° jyly saqtalady.

Qantardaghy aua rayy

• Elding kóp bóliginde aua temperaturasy – norma shamasynda;
• Shyghys aimaqtarda (Abay, Jetisu, Almaty oblystary, sonday-aq Qaraghandy men Pavlodar oblystarynyng shyghysy) – normadan 1° tómen.

Jauyn-shashyn:

• Kóp ónirde – normagha say;
• Ontýstik pen ontýstik-shyghystyng tauly jәne tau bókteri aimaqtarynda – normadan kóp.

Aqpan jәne nauryz qanday bolady?

2026 jyldyng aqpan-nauryz ailary jylyraq ótedi degen boljam bar. Jauyn-shashyn mólsheri kóbine qalypty bolady.

Tek nauryzda ontýstik jәne ontýstik-shyghys ónirlerding tauly jәne tau bókterindegi audandarynda jauyn-shashyn normadan kóp týsui mýmkin.

Qazgidromet mamandary qatty jauyn-shashyn, jii eriytin qar jәne ayazdyng almasuy topyraq pen qar qabatynda múz qatuy mýmkin ekenin eskertedi.

Búl qúbylystar 2026 jylghy su tasqyny kezenining ótuine keri әser etui mýmkin, sondyqtan mamandar jaghdaydy jiti baqylap otyrmaq.

Abai.kz