Resey Bayqonyrda «Sonz MS-28» zymyranyn úshyrdy. Ol ýsh gharyshkerdi alyp úshqan. Zymyranda reseylik gharyshker Sergeya Kudi-Sverchkov, Sergey Mikaev pen NASA gharshykeri Djonatan Kim boldy. Olar halyqaralyq gharysh stansiyasyna sәtti jetip, zymyrandy týiistire bildi. Alayda zymyrandy úshyrghan gharysh ailaghynda kýtpegen jaghday bolyp, úshu alany zaqymdaldy. Búl turaly Mezgil.kz aqparattyq portaly jazdy. 

27 qarashada «Sonz MS-28» gharysh kemesin Halyqaralyq gharysh stansiyasyna (HGhS) úshyru kezinde Bayqonyrda qyzmet kórsetu kabinasy zaqymdalghan. Búl turaly «Roskosmos» translyasiyasyndaghy kadrlardan da kóruge bolady. The Insider basylymy әngime starttyq qúrylymnyng astyndaghy, zymyrannyng artqy bóliginde júmys isteuge arnalghan jyljymaly jinalmaly konstruksiya turaly bolyp otyr deydi.

«Roskosmos» búl turaly ózining telegramdaghy resmy arnasynda jazdy. Bylay deydi: «Gharyshtyq maqsattaghy zymyran esh kedergisiz, shtattyq rejimde úshyryldy. Zymyran Halyqaralyq gharysh stansiyasyna sәtti týiisti. Ekipaj qazirgi sәtte stansiyanyng bortynda, jaghdaylary jaqsy. Zymyran úshyrylghannan keyin, úshu alany múqiyat qaraldy. Búl әr zymyrandy úshyrghan song iske asatyn mindetti әreket. Úshyru alanynda zaqymdalghan birneshe elementti anyqtadyq. Zymyran úshyrylghan son, qanday da bir zaqymdanu bolyp túrady. Sol ýshin de әlemdik tәjiriybe kórsetkendey mindetti týrde úshyru alany múqiyat tekseriledi. Qazir úshyru alanynyng jay-kýii baghalanyp jatyr. Zaqymdalghan aimaqty qalpyna keltiruge barlyq qajetti zattar bar. Jaqyn aralyqta barlyghyn qalpyna keltiremiz», - deydi.

Zymyran úshyrularyn taldaushy Georgiy Trishkinning aituynsha, qyzmet kórsetu kabinasy 31-shi alanda qúlaghan. Reseyding Halyqaralyq gharysh stansiyasyna jiberetin missiyalary osy alannan attanady. Endigi tanda Resey úshyru alanynyng zaqymdanuyna baylanysty «Soyz» ben «Progress» gharysh kemelerin úshyrudy belgisiz uaqytqa keyinge shegerui mýmkin. Sarapshy solay deydi.

Zymyrandy úshyrghannan keyingi tekseris barysynda starttyq keshenning bir bóligin birinshi satyly zymyran qozghaltqyshynyng gaz aghyny júlyp ketkeni anyqtaldy. Múnday aqparatty «yra, prosti» arnasy jazdy. Búl oqys oqighadan gharyshkerler zardap shekpegen, alayda keshenge jóndeu júmystary jýrgizilui tiyis.

Gharysh salasyn nasihattaushy Vitaliy Egorov zymyrannyng úshu viydeosyn qarap shyghyp, «1961 jyldan keyin Resey alghash ret gharyshqa adam úshyru mýmkindiginen aiyryluda» dep jazdy. Jóndeu júmystary birneshe apta, ay nemese jylgha sozyluy yqtimal.

Egorovtyng sózinshe Resey 64 jyldyng ishinde búl úshu alanynan bes jýzge juyq zymyrandy gharyshqa jibergen. 2018 jyldan bastap dәl osy alannan Reseyding gharyshkerleri Halyqaralyq gharysh stansiyasyna attanuda. Basqa alang joq. Sarapshylar gharyshqa adam úshyrudyng taghy bir alanyn úsynuda. Ol ýshin №1 Gagarin alanyn modernizasiyalap, janartu kerek. Alayda búl alandy Resey jaramsyz dep sanap, tizimnen alyp tastaghan jәne ol býginde gharysh múrajayy retinde túr.

«Gagarin alanyn» 2018 jyly BAÁ-ning qarjysyn tarta otyryp modernizasiyalau úsynyldy. Taraptar kelisim jasasty. Biraq keyin búl jospar iske aspady. BAÁ jobany iske asyrudan bas tartty.

Abai.kz