Juyrda «Jas Alash» gazetinde jariyalanghan bir materialgha kózim týsti. Taqyryby – «Kitap oqymaytyn qogham: Jalghan statistikagha jasyrynghan shyndyq». Talqygha baspager Shynghys Múqan, jazushy-baspager Arman Álmenbet, kitaphana qyzmetkeri Aydos Bektúrsyn ýn qosypty.

Kóterilgen mәsele shynynda da ózekti. Júrtshylyqty, әsirese jas jetkinshekterdi әleumettik jelining jetegine jibermey, kitap oqugha baulu – bәrimizge ortaq is, ortaq jauapkershilik. Sondyqtan búl baghyttaghy kez-kelgen iydeya, kez-kelgen bastama qoldaugha layyqty.

Kitap oqu mәdeniyetin damytu, kitapqúmar qoghamgha, oqu-bilimge qúshtar últqa ainalu – býgingi kýnning basty talaby. Memleket basshysy aitqanday, «Ozyq oily últ boludyng tóte joly – kitap oqu». Búl – dәleldeudi qajet etpeytin aksioma. Biraq...

Biraq memleket eshkimdi kitap oqugha mindettey almaydy. Memleketting mindeti – osyghan negiz bolatyn alghysharttardy jasau. Yaghni, oqyrmannyng qajettiligin óteytin kitaptar basyp shygharu, shetelding ýzdik tuyndylaryn audaru, oqugha qolayly jaghday jasau, oqu-bilimdi nasihattau, yntalandyru. Sóitip jalghasa beredi.

Songhy uaqytta jýrgizilgen jýieli júmystar osy maqsatqa arnalghanyn atap ótken jón. Mәselen, Preziydent bastamasymen 23 sәuir Últtyq kitap kýni bolyp bekitildi. Árbir qazaqstandyq oqugha tiyis 100 kitaptyng tizimi aiqyndaldy. «Balalar kitaphanasy» jobasy qolgha alyndy. Amanat partiyasy «Kitap-Amanat» jobasyn jýzege asyryp jatyr. Almatydaghy birneshe kitaphananyng oqu zaly 24/7 júmys rejiymine kóshirildi. Preziydent iydeyasy boyynsha tәulik boyy júmys isteytin zamanauy kitaphananyng qúrylysy bastalmaq.

Qazir kópshilikke arnalghan kitaphanalardyng qorynda 72 millionnan astam qújat bar. Biyldyng ózinde olardyng qory janadan 1 029 568 baspa ónimimen tolyqty. Sifrlyq formattaghy kitaptardyng qory da molaya týsti. Býginde kitaphanalardyng qorynda 2,2 millionnan astam elektrondy ónim tirkelgen. Búghan qosa onlayn oqugha arnalghan týrli platformalar júmys isteydi.

Qysqasy, oqimyn degen jangha mýmkindik mol, tiyisti jaghday jasalghan. Endi jappay kitap oqu mәdeniyetin qalyptastyrsaq núr ýstine núr bolar edi. Sondyqtan qoghamdyq dengeyde kitapqa degen qoljetimdilik pen qyzyghushylyqty arttyru, kópshilikke ýlgi bolatyn oqyrmandar ortasyn qalyptastyru manyzdy. Búl – bәrimizge ortaq is.

Erlan Qariyn,

Qazaqstan Respublikasynyng Memlekettik kenesshisi

Abai.kz