Qazirgi zamanda senim qol qoyylghan kelisimsharttan da qymbat. Ásirese, ony jýzdegen myng adam qaraytyn bloger aitsa. Bir viydeo — jay ghana kontent emes. Ol — baghyt. Úsynys. Yqpal. Al keyde — sheshim.

Áleumettik jeli taghy da sot zalymen týiisti. Búl joly mәsele — zansyz qúrylys pen bloger jarnamasy tónireginde.

EGOV.PRESS  telegram arnasynyng jazuynsha: «Jýzdegen myng jazylushysy bar influenserding jarnamasynan keyin 64 adam qarjysynan aiyrylghan. Tergeu materialdary búl isting auqymy әldeqayda keng ekenin kórsetedi».

Suret: Telegram skriyni.

Keybir derekkózderge sәikes, Qazaqstan Respublikasynyng Qarjy monitoringi agenttigi bloger Ashat Niyazovty zansyz salynghan túrghyn ýy keshenin jarnamalaghany ýshin әkimshilik jauapkershilikke tartqan. Oghan 137 000 tenge aiyppúl salynghan, al jarnama ýshin ol 6 million tenge alghan delinedi. Qúrylysshylar qazirgi uaqytta tergeu izolyatorynda.

Mәselening resmy jaghyn naqtylau ýshin biz Qarjy monitoringi agenttigine súrau saldyq.. Agenttik bizding saualymyzgha jauap berdi.

QMA jauaby:

«Qarjy monitoringi agenttigining mәlimetinshe, 361 000-nan astam jazylushysy bar bloger jәne «Obojang» YouTube arnasynyng iyesi Ashat Niyazov zansyz ýlestik qúrylys jobalaryn nasihattaghany ýshin әkimshilik qúqyq búzushylyq jasady dep aiyptalghan.

Tergeu barysynda qúrylys salushy Dala SK Construction LLC kompaniyasynyng enshiles kompaniyasy men «Obojai» jeke kәsipkeri arasynda 6 million tengege jarnama qyzmetteri turaly kelisim jasalghany anyqtalghan.

Agenttik ókilderining sózinshe, bloger qúrylystyng zandylyghyn teksermegen, rúqsat súramaghan jәne jarnamalanghan jobalardyng zandy mәrtebesin belgilemegen. Jariyalanghan beynejazbalarda jobalar zandy jәne senimdi retinde jarnamalanghan, әleuetti investorlardy adastyrghan.

Nәtiyjesinde, Abay audany boyynsha qarjylyq monitoring departamentining materialdaryna sýiene otyryp, jergilikti atqarushy organ A.S. Niyazovqa QR Ákimshilik qúqyq búzushylyq turaly kodeksining 455-babynyng 2-bóligining 8-tarmaghy boyynsha aiyp taqqan. Ayyppúl tolyq tólengen.

Sonymen qatar Qarjy monitoringi agenttigining Abay aimaqtyq departamenti azamattardan ýlestik qúrylys jeleuimen zansyz qarajat súraghan «Dala SK Construction» JShS men birneshe enshiles kompaniyalardyng basshylyghyna qatysty tergeudi ayaqtaghanyn mәlimdedi. Tergeu derekterine sәikes, eki jyl boyy kompaniya basshylyghy qajetti rúqsatsyz túrghyn ýy keshenderin salghan.

Azamattardan qarajat tartu ýshin onlayn resurstarda naryqtyq baghadan tómen jәne payyzsyz bólip tóleu sharttarymen pәterler úsynylghan. Nәtiyjesinde 64 ýleskerden zansyz jinalghan qarajattyng jalpy somasy 1 milliard tengeden asqan», - deydi

Búl is tek bir әkimshilik hattamamen ólshenetin mәsele emes. Búl — sifrlyq dәuirdegi yqpal men jauapkershilikting salmaghy turaly oqigha. Bir tarap tergeu izolyatorynda otyr. Ekinshi tarap aiyppúl tólep shyqty. Al ýshinshi tarap — jinaghan qarajatynan aiyrylghan ondaghan otbasy.

Áleumettik jelide aitylghan bir sóz keyde jarnama ghana emes. Ol — sheshim qabyldaugha týrtki. Al sol sheshimning qúny milliardqa jetse, qogham jauapkershilik turaly súraqty mindetti týrde qoyady.

Abai.kz