Qazaq tili men orys tilining qoldanylu mәrtebesine qatysty engizilgen ózgerister qoghamda ýlken talqylau tudyrdy. Osy orayda jurnalister Mәjilis deputaty Rinat Zayyttan «orys tili endi teng emes, qatar qoldanylady» degen normanyng astarynda ne jatqanyn súraghan bolatyn, dep habarlaydy Qaz365.kz.

Halyqtyng qalauy jәne reforma

Deputat búl ózgeristi óte jaqsy qabyldaghanyn jetkizdi. Onyng payymdauynsha, búl – biylikting halyq ýnine qúlaq asqandyghynyng kórinisi.

«Búl ózgeristi óte jaqsy qabyldadym. Sebebi búl – osy reformanyng ishindegi halyqtyng qalauymen bolghan jalghyz sheginis. Ózgeristi engizuding ózi – halyqpen sanasu», — dedi Rinat Zayyt.

«Ten» men «qatardyn» aiyrmashylyghy nede?

Jurnalisting «Búl eki sóz sinonim emes pe? Manipulyasiya emes pe?» degen súraghyna deputat qarapayym mysaldarmen jauap berdi. Ol tilderding qatar qoldanyluy olardyng mindetti týrde teng qúqyly ekenin bildirmeytinin menzedi.

«Ekeumiz qazir osy túrghanda qalay túrmyz? Qatar túrmyz ba? Teng túrmyz ba? Teng túrghan joqpyz. Siz súraq alushy, men jauap berushimin. Biraq qatar túrmyz. Dombyrada eki ishek bar, ekeui teng túrmaydy ghoy. Qatar túr», — dep týsindirdi deputat.

Abai.kz