قازاق ءتىلى مەن ورىس ءتىلىنىڭ قولدانىلۋ مارتەبەسىنە قاتىستى ەنگىزىلگەن وزگەرىستەر قوعامدا ۇلكەن تالقىلاۋ تۋدىردى. وسى ورايدا جۋرناليستەر ءماجىلىس دەپۋتاتى رينات زايىتتان «ورىس ءتىلى ەندى تەڭ ەمەس، قاتار قولدانىلادى» دەگەن نورمانىڭ استارىندا نە جاتقانىن سۇراعان بولاتىن، دەپ حابارلايدى Qaz365.kz.

حالىقتىڭ قالاۋى جانە رەفورما

دەپۋتات بۇل وزگەرىستى وتە جاقسى قابىلداعانىن جەتكىزدى. ونىڭ پايىمداۋىنشا، بۇل – بيلىكتىڭ حالىق ۇنىنە قۇلاق اسقاندىعىنىڭ كورىنىسى.

«بۇل وزگەرىستى وتە جاقسى قابىلدادىم. سەبەبى بۇل – وسى رەفورمانىڭ ىشىندەگى حالىقتىڭ قالاۋىمەن بولعان جالعىز شەگىنىس. وزگەرىستى ەنگىزۋدىڭ ءوزى – حالىقپەن ساناسۋ»، — دەدى رينات زايىت.

«تەڭ» مەن «قاتاردىڭ» ايىرماشىلىعى نەدە؟

ءجۋرناليستىڭ «بۇل ەكى ءسوز سينونيم ەمەس پە؟ مانيپۋلياتسيا ەمەس پە؟» دەگەن سۇراعىنا دەپۋتات قاراپايىم مىسالدارمەن جاۋاپ بەردى. ول تىلدەردىڭ قاتار قولدانىلۋى ولاردىڭ مىندەتتى تۇردە تەڭ قۇقىلى ەكەنىن بىلدىرمەيتىنىن مەڭزەدى.

«ەكەۋمىز قازىر وسى تۇرعاندا قالاي تۇرمىز؟ قاتار تۇرمىز با؟ تەڭ تۇرمىز با؟ تەڭ تۇرعان جوقپىز. ءسىز سۇراق الۋشى، مەن جاۋاپ بەرۋشىمىن. بىراق قاتار تۇرمىز. دومبىرادا ەكى ىشەك بار، ەكەۋى تەڭ تۇرمايدى عوي. قاتار تۇر»، — دەپ ءتۇسىندىردى دەپۋتات.

Abai.kz