Últtyng jany – onyng ónerinde. Kýy men jyrdan, terme men taghylymdy sózden nәr alghan halyqtyng ruhy eshqashan әlsiremeydi. Óitkeni dәstýrli óner – býgingi men bolashaqty jalghap túrghan mәngilik ruhany kópir.

Qazirgi jahandanu dәuirinde óskeleng úrpaqtyng dýniyetanymyn qalyptastyruda últtyq ónerding orny airyqsha. Balanyng jýregine tughan tilding әuezin, dombyranyng qonyr ýnin, halyq әnining tereng maghynasyn siniru – ony óz bolmysyna, óz tamyryna jaqyndatady. Dәstýrli óner arqyly bala tek ónerdi ghana emes, ata-babanyng ómir sýru saltyn, dýniyeni tanu jolyn, adamgershilik pen parasattyng ólshemin tanyp ósedi.

Halyqtyq tәrbie – sóz ben sazgha, ónege men ósiyetke negizdelgen. Ertegi tyndap ósken bala jaqsylyq pen jamandyqty ajyratyp ýirenedi, jyr tyndaghan jas jýrek el men jerdi sýnding ne ekenin sezinedi, al kýy arqyly ol ýnsiz syrdy, ishki jan dýniyening tereng iyirimderin úghyna bastaydy. Osynday ruhany sabaqtastyq úrpaqtyng ishki mәdeniyetin qalyptastyryp, onyng bolashaq túlgha retinde ornyghuyna jol ashady.

Býgingi tanda osy asyl múrany jas buyngha jetkizude mәdeniyet oshaqtarynyng atqaryp otyrghan qyzmeti zor. Sonyng biri – últtyq ónerdi nasihattaudy basty maqsat etken «Alatau dәstýrli óner» teatry. Teatr sahnasynda qoyylatyn balalargha arnalghan ertegi qoyylymdary men últtyq oiyn-sauyq keshteri jas kórermenning jýregine jol tauyp, dәstýrli ónerding tabighy әri әserli tilin úsynady. Ár qoyylym – jay ghana mәdeny shara emes, ol – úrpaq sanasyna sebilgen ruhany dәn.

2026 jyldyng qantar–aqpan ailarynda «Alatau dәstýrli óner» teatry Almaty qalasyndaghy birqatar bilim beru úiymdarynda mәdeni-aghartushylyq baghyttaghy gastrolidik is-sharalaryn ótkizdi. Atap aitqanda, teatr újymy balalargha arnalghan «Águgay men Igigay» ertegi-qoyylymyn jәne jastargha arnalghan «Altybaqan» oiyn-sauyq әn keshin sahnalady. Qoyylymdar: №176 jalpy bilim beretin mektep, №209 mektep-gimnaziya, №154 jalpy bilim beretin mektep, №180 jalpy bilim beretin mektep, №185 mektep-gimnaziyasynda, sonymen qatar, teatr әrtisteri Ál-Faraby atyndaghy Qazaq últtyq uniyversiyteti bazasynda studentterge arnalghan «Altybaqan» oiyn-sauyq әn keshin úiymdastyrdy. Uniyversiytet qabyrghasynda ótken mәdeny sharalar legi ayasynda qazaq poeziyasynyng kórnekti ókili Múqaghaly Maqataevtyng 95 jyldyghyna arnalghan әdebiy-sazdy kesh te kórermenge jol tartty. Atalghan ruhany kesh 9 aqpan kýni uniyversiytette ótken bolatyn.

Teatr újymy qoyghan «Águgay men Igigay» ertegi-qoyylymy balalardyng qiyalyn damytyp, últtyq qúndylyqtargha degen qyzyghushylyghyn arttyrugha baghyttalsa, «Altybaqan» oiyn-sauyq әn keshi jastardy salt-dәstýrge baulyp, qazaqtyng últtyq oiyn-sauyq mәdeniyetin keninen nasihattaugha arnaldy. Teatr әrtisterining ónerin mektep oqushylary men studentter jyly qabyldap, mәdeny sharalar kórermenderding joghary baghasyna ie boldy.

Dәstýrli ónerding tәrbiyelik quaty onyng tabighy tazalyghynda. Onda jasandylyq joq, halyqtyng ómir tәjiriybesinen, ghasyrlar boyy súryptalghan aqyl-oyynan tughan tereng filosofiya bar. Án men kýy balany sabyrgha, sózge toqtaugha, ýlkendi qúrmettep, kishini qadirleuge ýiretedi. Búl – eshbir oqulyqpen tolyq jetkizu mýmkin emes ruhany mektep.

Últtyq ónerdi tanyp ósken úrpaq óz bolmysyna senimdi bolady. Ol jat mәdeniyetting jeteginde ketpey, óz qúndylyghyn qorghay alatyn, elining tarihy men taghdyryn jýregimen sezinetin azamat bolyp qalyptasady. Sondyqtan dәstýrli óner – últty últ etip saqtap túrghan basty tirekterding biri.

Qoryta aitqanda, dәstýrli óner – tek sahnadaghy kórinis emes, ol – úrpaq tәrbiyesining ómirsheng tetigi, ruhany qauipsizdikting qalqany. Býgin óner arqyly balanyng jýregine jol tapsaq, erteng el taghdyryn oilaytyn sanaly, mәdeniyetti, otansýigish úrpaq qalyptasary sózsiz. Úrpaq tәrbiyesinde dәstýrli ónerding orny – mәngilik.

Ardaq Berkimbay,

«Alatau» dәstýrli óner teatrynyng әdebiyet bólimi

Abai.kz