Jahan júrty kóz tikken Italiyanyng Milan jәne Kortina-d’Ampesso qalalarynda ótken XXV qysqy Olimpiya oiyndary mәresine jetti. Tórt jyldyqtyng basty dodasyna әlemning 94 elinen 2917 sportshy qatysyp, 16 dissiplina boyynsha 116 jýlde jiyntyghyn sarapqa saldy.

Qazaqstan últtyq qúramasy qysqy Olimpiadagha 10 dissiplina boyynsha 36 sportshymen (18 er, 18 әiel) qatysty. Atap aitqanda, mәnerlep syrghanau, konikiymen jýgiru, short-trek, fristayl-akrobatika, fristayl-mogul, shanghymen túghyrdan sekiru, tau shanghysy, shanghy jarysy, biatlon jәne shanghy qossayysy sport týrlerinen syngha týsti. Otandastarymyz 49 medali jiyntyghy sarapqa salynghan bәsekelerde baq synady.

Medal sany jaghynan әdettegidey Soltýstik Europa sanlaghy Norvegiya kósh bastady. Biz 19-shy oryngha taban tiredik. Klimaty bizge jaqyn Belgiya men Finlandiyany artta qaldyrghanymyzdy, alghashqy jiyrmalyqqa engenimizdi qanaghat túttyq. Bizdi 94 elding ishinen aldygha shygharghan jalghyz altyn. Búl joly Qazaqstan qúramasynyng mandayyna jazghany osy jolghyz altyn medal boldy. Basqa kýmis te joq, qola da joq.

Otandyq sport ýshin biylghy Olimpiadanyng eng iri jetistigi 13 aqpanda tirkeldi. Sol kýni otandasymyz Mihail Shaydorov mәnerlep syrghanaudan Olimpiada chempiony atandy. Búl – Qazaqstannyng qysqy Olimpiadada keyingi 32 jylda jenip alghan túnghysh altyn medali әri mәnerlep syrghanaudan el tarihyndaghy alghashqy Olimpiada chempiony. Búghan deyin búl sport týrinen Qazaqstan qorjynynda tek qola jýlde bolghan. 2014 jylghy qysqy Olimpiadada Denis Ten ýshinshi orynnan kóringen edi. Al 2022 jylghy Olimpiadada atalghan dissiplinada otandyq sportshylar qatysqan joq. Qazaqstannyng qysqy Olimpiadadaghy búghan deyingi alghashqy әri әzirge eng keyingi altyn jýldesi 1994 jyly tirkelgen bolatyn. Sol jyly shanghyshy Vladimir Smirnov Olimpiada chempiony atanghan edi.

Olimpiada barysynda otandyq sportshylar birqatar tәuir nәtiyjelerge qol jetkizdi. Mәnerlep syrghanaudan 19 jastaghy Sofiya Samodelkina Olimpiadadaghy debutinde 207,46 úpay jinap, jeke rekordyn janartyp, 10-oryn iyelendi. Búl – Qazaqstan tarihyndaghy әielder arasyndaghy mәnerlep syrghanaudan Olimpiadadaghy eng joghary nәtiyje.

Konikiymen jýgiruden Nadejda Morozova 3000 metr qashyqtyqta 6-oryn, 5000 metrde 10-oryn alyp, 1998 jyldan bergi otandyq konikiyshilerding eng ýzdik kórsetkishin tirkedi. Elizaveta Golubeva 1500 metrde 7-nәtiyje kórsetip, 3000 metrde ýzdik ondyqqa endi. Sonymen qatar әielder qúramasy komandalyq jarysta Olimpiadanyng eng ýzdik segiz komandasynyng qataryna qosyldy.

Ózge sport týrlerinde de aitarlyqtay ilgerileu bayqaldy. Shanghymen túghyrdan sekiruden 19 jastaghy Iliya Miyzernyh ýlken tramplinde 8-oryn alyp, osy sport týri boyynsha Qazaqstannyng Olimpiada tarihyndaghy eng ýzdik nәtiyjesin kórsetti. Short-trekte Denis Nikisha 500 metr qashyqtyqta 7-oryngha ie bolyp, aldynghy Olimpiadadaghy nәtiyjesin jaqsartty. Fristayl-mogulda birden eki sportshymyz ýzdik ondyqqa endi: Anastasiya Gorodko 8-oryn, Pavel Kolmakov 9-oryn aldy. Sonday-aq konikiymen jýgiru sayysynda Evgeniy Koshkin 500 metr qashyqtyqta 9-oryn, fristayl-akrobatikadan (mikst) komandalyq bәsekede jerlesterimiz 7-oryn aldy.

Búqaralyq aqparat qúraldarynda Ministrlikting Milanda ótetin qysqy Olimpiada oiyndaryna dayyndyq ayasynda sportshylardy tórt jyl boyy dayarlaugha 13,3 mlrd tenge bólgeni aitylghan edi. Negizgi qarjylyq jýktemeni ónirler kótergen. Mәselen, jalpy somanyng 50%-y (6,65 mlrd tenge) jergilikti budjetterden bólingen. Respublikalyq budjet shyghyndardyng 35%-yn qamtamasyz etse, qalghan 15%-y budjetten tys jәne demeushilik qarajat esebinen týsken.

Jogharydaghy joyqyn somagha qarap el ýmitining aqtalghan-aqtalmaghanyn óziniz payymday beriniz. Ministrlik bir ghana altyn medal iyegeri Mihail Shaydorov pen  onyng komandasynyng dayyndyghyna 2025 jyly 263 394 581 tenge júmsalghanyn jariyalaghan edi. Búghan basqa emes, chempionnyng ózi narazy boldy.

«2025 jyly tolyqqandy jaghday jasaldy, pikirime qúlaq asty jәne men múny baghalaymyn. Biraq olimpiadalyq sikl alty aimen shektelmeydi. Sebebi búl qoldau tek olimpiadalyq mausymgha beriletinin bildim jәne ony barynsha tiyimdi paydalanugha tyrystym.

Ministrlik altyn medali ýshin maghan shot úsynghanday kórindi. Ol dúrys emes. Aqshagha emes, nәtiyjege nazar audarylghanyn qalaymyn. Mәnerlep syrghanau qymbat sport ekenin bәri biledi. Shyny kerek, naqty qansha tólengenin de eseptep kórgen joqpyn. Biraq berilgen qarjynyng barlyghy tek dayyndyqqa júmsaldy. Búghan eshkimning kýmәn bolmauy tiyis», – dedi chempion.

Búl jolghy qysqy alamangha elimizden sportshylar ghana emes, Nadejda Pareskaya  esimdi tóreshi de qatysqan eken. «Auyldaghynyng auzy sasyq» degendey ol Shaydorov bastaghan otandyq mәnerlep syrghanaushylargha tómen bagha qoyyp, reseylik mәnerleushiler múz aidynda birneshe mәrte aunap túrsa da joghary bal qoyghan. Búl jayt júrt nazarynan tys qalmaghan. Áleumettik jelilerde keybir belsendiler Qazaqstan Últtyq Olimpiadalyq komiytetinen resmy týsinikteme talap etude. Sonymen qatar, ne sebepti Olimpiadagha tóreshi retinde 2019 jylghy әlem chempionatynyng kýmis jýldegeri Elizabet Tursynbaeva jiberilmegeni jóninde de súraqtar qoida.

Milan Olimpiadasyndaghy tóreshiler sheshimi mәnerlep syrghanauda kezekti daugha sebep boldy. Qazaqstandyq tóreshining baghasy jankýierler arasynda qyzu pikirtalas tudyryp otyr. Al resmy organdar tarapynan әzirge naqty týsinikteme berilgen joq.

Qysqy dodanyng ayaqtaluyna baylanysty Shaydorovtyng tarihy altynynyng buy basylyp, syngha auysty.

Elimizdi búl jolghy jahandyq alamannyng bas jýldegeri Norvegiyamen salystyryp jatqandar da tabylyp jatyr. Olar eki elding de múnaygha bay, qysy úzaq bolghanymen, nәtiyjening eki bólek boluynyng sebebin óz túrghysynan payymdap jatyr. Sayasy qúrylymyn salystyryp jatqandar da bar. Qalay desek te, Norvegiyadan ýirenerimiz kóp ekeni anyq. Qysqy oiyndardy kónil kóteru ýshin emes, mausymdyq daghdygha, búqaralyq sportqa ainaldyrsaq, jalghyz altyn emes, qysqy sporttyng barlyq týrinen chempiondar shyghatyny anyq.

Abai.kz