QR Sauda jәne integrasiya ministri A. Shaqqaliyevting Skopie qalasyna sapary barysynda Qazaqstan men Soltýstik Makedoniya arasynda Iskerlik kenes qúru turaly kelisimge qol qoyyldy.

Memleket basshysynyng tapsyrmalaryn oryndau ayasynda, atap aitqanda 2025 jylghy mamyrda Astana International Forum 2025 alanynda Qazaqstan Respublikasy Preziydenti men Soltýstik Makedoniya Respublikasy Preziydenti arasynda ótken kelissózderding qorytyndysy boyynsha, QR Sauda jәne integrasiya ministri Arman Shaqqaliyev eki el arasyndaghy sauda-ekonomikalyq yntymaqtastyqty damytu maqsatynda Skopie qalasyna júmys saparymen bardy.

Sapar barysynda Soltýstik Makedoniya Respublikasynyng Preziydenti G. Silyanovska-Davkova Qazaqstan Respublikasynyng Sauda jәne integrasiya ministri A. Shaqqaliyevti qabyldady. Kezdesu barysynda Preziydentke sauda-ekonomikalyq yntymaqtastyqtyng damuy jәne ony keneytu perspektivalary turaly aqparat úsynyldy.

G. Silyanovska-Davkova 2025 jylghy mamyrda Astanagha jasaghan saparyn jyly eske alyp, Qazaqstan Preziydenti Qasym-Jomart Toqaevqa jәne Qazaqstan halqyna izgi tilekterin jetkizdi. Sonday-aq memleket basshylarynyng jaqynda Antaliya diplomatiyalyq forumy alanynda ótken kezdesuin atap ótip, halyqaralyq dialogty odan әri damytudyng manyzdylyghyn erekshe aitty.

Sapar baghdarlamasynyng manyzdy bóligi retinde Ministr A. Shaqqaliyevting Syrtqy ister jәne syrtqy sauda ministri Timcho Musunskiymen kelissózderi ótti. Taraptar ekijaqty saudanyng qazirgi jaghdayy men damu perspektivalaryn jan-jaqty talqylady. Tauar ainalymynyng túraqty ósuine jaghday jasau mәselesine erekshe nazar audaryldy.

100-den astam makedoniyalyq jәne birqatar qazaqstandyq kompaniyalar (sonyng ishinde «QazTrade», «KazakhInvest») qatysqan biznes-forum qorytyndysy boyynsha Qazaqstannyng Syrtqy sauda palatasy men Soltýstik Makedoniyanyng Ekonomikalyq palatasy arasynda Iskerlik kenes qúru turaly kelisimge qol qoyyldy. Sonday-aq «QazTrade» sauda sayasatyn damytu ortalyghy» AQ men Soltýstik Makedoniyanyng investisiyalar tartu jәne eksportty ilgeriletu agenttigi arasynda birlesken biznes-jobalardy iske asyrugha baghyttalghan yntymaqtastyq turaly memorandumgha qol qoyyldy.

Búdan bólek, biznes-forum qorytyndysy boyynsha shamamen 500 mln tenge somasyna kommersiyalyq qújattargha qol qoyyldy.

Skopie qalasyna sapar barysynda Ministr A. Shaqqaliyev «Bunardzik» keshenine (TIDZ tehnologiyalyq jәne ónerkәsiptik damu aimaghy) baryp, ekologiyalyq taza óndiris pen ozyq tehnologiyalargha mamandandyrylghan ortalyqtyng júmysymen tanysty.

Sapardyng jalghasy retinde Stambul qalasynda iri týrik biznesining ókilderimen kezdesuler ótti. Olardyng qatarynda Orzax Group (biologiyalyq belsendi qospalar óndirisi), Roz Metal (metallurgiya, aluminiy jәne mys ónimderi) jәne Safi Holding (tamaq ónerkәsibi, sonyng ishinde qant óndirisi) bar. Kelissózder barysynda atalghan kompaniyalar Qazaqstandaghy qatysuyn keneytuge, investisiyalyq jobalardy iske asyrugha, óndiristerdi jergiliktendiruge jәne ónerkәsiptik kooperasiyany damytugha qyzyghushylyq bildirdi.

Abai.kz