Jetisu oblysynda balyq sharuashylyghy keshenining qúrylysy jýrip jatyr. Búl jobagha jeke investor 1 mlrd. tengege juyq investisiya saluda. Eskeldi audanyna barghan júmys sapary barysynda oblys әkimi Beybit Isabaev atalghan nysannyng qúrylysymen tanysty, - dep habarlaydy Jetisu oblysy әkimining baspasóz qyzmeti.  

Sharuashylyq diyrektory Ruslan Safargaliyev ónir basshysyna jobanyng iske asyru barysy turaly bayandap berdi. Onyng aituynsha, sharuashylyq balyqtyng baghaly týrlerin jasandy ósirumen ainalysady. Múnda tolyq óndiristik–inkubasiyalyq sikl atqarylady, yaghny uyldyryqtan nemese shabaqtan bastap dayyn tauar týrindegi balyqqa deyin ósirilip shygharylady.    Nysannyng qúrylysy ótken jyldan bastalghan, biyl kýzde ayaqtalady dep josparlanyp otyr.

- Uyldyryqty arnayy Polishadan әkeldik. Sharuashylyqta uyldyryqtan bastap ózimiz ósirip dayyn balyqty tauar týrinde úsynamyz. Múnan song konservileumen de, qaqtaumen de ainalysatyn bolamyz. Bir sózben aitqanda, barlyq óndiristik prosesti ózimiz atqaramyz. Qazirgi kezde bir ghimaratty salyp, iske qostyq, múnda birkelki temperaturada hanbalyq uyldyryqtarynan shabaq ósirilip otyr. Múndaghy 1 mln 200 myng dana shabaq kýzge qaray tauarly salmaghyn jinap ýlgeredi. Juyrda basqa da ghimarattardy salyp, túqy men bekire túqymdas balyqtardy ósiruge kirisemiz, - dedi R.Safargaliyev.

Atalghan  sharuashylyqta balyqqa arnalghan 93 basseyn, sol siyaqty 63 sotyq jerde toghan jasalady. Múnda jylyna 80 tonnadan 1 myng tonnagha deyin ónim shygharylady dep kýtilude. Dayyn ónimdi aldymen oblys kóleminde, keyin elding basqa ónirlerine de shygharu josparlanghan.

Sharuashylyqta qazir on eki adam júmysqa qabyldanghan, sonyng 3-eui ihtiolog, 2-eui tehnolog maman. Nysan tolyq iske qosylghanda júmyspen qamtylghandar sany 30-gha jetedi. Solardyng biri Dias Ruslanúly әkesine sharuashylyqta qolghabys etu ýshin ihtiolog mamandyghyna oqyp kelgen.

- Balyq sharuashylyghynda júmys isteudi maqsat etip, osy mamandyqta arnayy oqydym. Múnda qazir sudyng tazalyghyn, temperaturasyn, kislorodyn baqylaymyz. Odan bólek balyqtyng azyqtyq koefiysentin qadaghalap, kýndelikti jem beremiz, - dedi D. Ruslanúly.

Jalpy Jetisu oblysynda 20-dan astam balyq ósiretin sharuashylyq  júmys isteydi. Búl sharuashylyqtar ótken jyly jalpy kólemi 700 tonnadan astam ónim shygharghan.

Jetisu oblysy әkimining baspasóz qyzmeti.   

Abai.kz