Shyghys Qazaqstan oblysynyng Úlan audandyq prokuraturasy memlekettik satyp alu salasyna jýrgizilgen taldau barysynda jergilikti atqarushy organdardyng qyzmetinen birqatar zang búzushylyqty anyqtaghan.

Tekseru barysynda bes auyldyq okrug әkimdigi 2026 jylgha arnalghan satyp alu josparyna jalpy qúny 44 mln tenge bolatyn balalar jәne sport alandaryn abattandyru jobalaryn engizgeni belgili boldy. Qújattarda búl júmystar "aghymdaghy jóndeu" retinde kórsetilgen.

Alayda smetalyq qújattamany zerdeleu kezinde is jýzinde jana qúrylys júmystary josparlanghany anyqtaldy. Atap aitqanda, negiz dayyndau, beton tósemderin tóseu jәne jana oiyn keshenderin ornatu kózdelgen.

Zang talaptaryna sәikes múnday júmystargha jobalau-smetalyq qújattama әzirlenip, memlekettik saraptamadan ótui tiyis bolghan. Biraq búl talaptar oryndalmaghan.

Sonymen qatar prokuratura lottardy jasandy týrde bólshekteu faktisin de anyqtady. Ákimdik shekti somadan aspau ýshin satyp alulardy birneshe bólikke bólip, ónim berushilerdi óz betinshe tandaugha mýmkindik jasaghan. Múnday lottardyng jalpy somasy 45,1 mln tengeni qúraghan.

Prokurorlyq qadaghalau aktisi negizinde barlyq joba qújattary zang talaptaryna sәikestendirilgenge deyin satyp alu josparlarynan alynyp tastaldy.

Nәtiyjesinde prokuraturanyng aralasuymen 90 mln tengeden astam budjet qarajatynyng negizsiz júmsaluyna jol berilmedi.

Abai.kz