Mamyrdyng 16-synda Memleket basshysy Qasym-Jomart Toqaev «Kitap oqu mәdeniyetin damytu jәne zerdeli últ qalyptastyru jónindegi sharalar turaly» jarlyqqa qol qoydy.

Osyghan baylanysty QR Premier-ministrining orynbasary – Mәdeniyet jәne aqparat ministri Aida Ghalymqyzy Balaeva kitap oqu mәdeniyetin qalyptastyru boyynsha elimizde atqarylyp jatqan júmystar jayly bayandady.

«Búl – el bolashaghyna baghyttalghan strategiyalyq sheshim. Sebebi kitap oqu mәdeniyeti – últtyng oi-órisin keneytetin, bilimge qúshtarlyghyn arttyratyn, qoghamnyng intellektualdyq әleuetin kýsheytetin manyzdy qúndylyq.

Preziydentimiz kitap pen bilimning adam ómirindegi, últ damuyndaghy airyqsha rólin ýnemi aityp keledi. Osy jarlyq arqyly kitap oqu mәdeniyetin damytu memlekettik sayasattyng manyzdy baghyttarynyng biri retinde jana dengeyge kóterilip otyr», - dedi Aida Ghalymqyzy.

Býginde elimizde 12 mynnan astam kitaphana júmys isteydi eken. Olardyng qyzmetin jyl sayyn milliondaghan azamat paydalanady.

«Keyingi jyldary kitaphanalardyng sifrlyq mýmkindikteri de artyp keledi. Elektrondy kitaphana resurstaryn paydalanushylar sany 30 payyz ósip, 718 myng adamgha jetti. Al keyingi bes jylda elektrondy formattaghy kitaptardy 9 millionnan astam adam paydalanghan.

Eng bastysy, qoghamda kitapqa degen qyzyghushylyq artyp kele jatqany bәrimizdi quantady. Ásirese balalar әdebiyetine súranys eselene týsti. Tek songhy jyldyng ózinde búl kórsetkish 75 payyz ósti. Qazaq klassikasyna jәne qazaq tiline audarylghan әlem әdebiyetining tandauly tuyndylaryna degen súranys ta 50 payyz ósti. Endigi mindet – osy ong ýrdisti jýieli týrde qoldau jәne odan әri damytu», - deydi Balaeva hanym.

Memleket basshysynyng tapsyrmalaryn oryndau ayasynda jana formattaghy kitaphanalar qúru, olardy kópfunksionaldy qoghamdyq kenistik retinde damytu, sifrlyq qúraldardy keninen engizu jәne azamattardyng sapaly bilim men aqparatqa qoljetimdiligin arttyru júmystary jalghasauda.

«Preziydentting «Kitap oqityn últ» tújyrymdamasy ayasynda elimizde 36 qalalyq jәne auyldyq kitaphana janghyrtyldy. 2026 jyly taghy 30 kitaphanany janghyrtu josparlanyp otyr.

Búl baghyttaghy manyzdy jobalardyng biri – jalpygha qoljetimdi Últtyq sifrlyq kitaphana platformasyn qúru. Atalghan platforma elimizdegi kitaphana qorlaryn bir jýiege biriktirip, ónirlerdegi oqyrmandargha qajetti әdebiyet pen bilim resurstaryna erkin qol jetkizuge mýmkindik beredi.

Sonymen qatar otandyq jazushylar men aqyndardy qoldau, kitap shygharu isin damytu, baspalar men kitap taratushylardyng júmysyn yntalandyru, últtyq әdeby múramyzdy el ishinde jәne shetelde keninen nasihattau mәselelerine erekshe kónil bólinedi», - deydi Aida Balaeva.

Ministrding aituynsha, aldaghy uaqytta «Kitaphana jәne baspa isi turaly» Qazaqstan Respublikasynyng jana Zany әzirlenedi. Kitap oqu mәdeniyetin damytugha ýles qosqan azamattar men úiymdargha arnalghan Últtyq syilyq taghayyndalady. Sonymen birge «Jyldyng 10 oqyrmany» respublikalyq jobasy iske qosylyp, jasandy intellekt dәuirindegi kitap pen kitap oqu mәdeniyetining jana baghyttaryn aiqyndaytyn 2027-2031 jyldargha arnalghan «Zerdeli últ» tújyrymdamasy bekitiledi.

«Memleket basshysynyng jarlyghy kitaphana men kitap isi salasyna tyng serpin beredi dep senemin. Eng bastysy, búl kitap oqityn, oilanatyn, izdenetin, bilimdi әri jasampaz últ qalyptastyru jolyndaghy naqty qadam bolmaq. Ýkimet Memleket basshysy Jarlyghynda belgilengen mindetterdi sapaly oryndaugha atsalysady», - deydi Balaeva.

Abai.kz