Jana atau beru turaly mәsele qalalyq mәslihattyng otyrysynda qaraldy.

Otyrysta Astanadaghy jenil relisti kólik jýiesining (LRT) atauyn ózgertu úsynyldy. Búl turaly Astana qalasynyng Tilderdi damytu jәne múraghat isi basqarmasy basshysynyng mindetin atqarushy Dosjan Isabek mәlim etti.

LRT-gha «Tarlan Astana» atauyn beru úsynyldy. 

Onyng aituynsha, jenil relisti kólik jýiesine atau beru jóninde qala túrghyndarynan, qoghamdyq úiymdardan jәne Qazaqstan Jazushylar odaghynan týrli úsynystar týsken.

«Qazirgi tanda LRT elordanyng negizgi qoghamdyq kólik jýielerining birine ainalyp keledi. Sondyqtan joba tek injenerlik nemese tehnikalyq nysan retinde ghana emes, túrghyndargha jenil aitylatyn, este saqtalatyn әri zamanauy brend retinde qarastyryluy qajet», – dedi ol.

Onyng sózinshe, halyqaralyq tәjiriybede múnday kólik jýielerine qala mәdeniyeti men ereksheligin aiqyndaytyn qysqa әri biregey ataular beriledi. Osyghan baylanysty jana atau últtyq bolmysqa say, halyqaralyq formatqa beyimdelgen jәne navigasiya jýielerinde, mobilidi qosymshalar men resmy aqparattyq resurstarda qoldanugha ynghayly boluy kerek.

Mәsele 2026 jylghy 3 mausymda ótken qalalyq onomastika komissiyasynyng otyrysynda qaralghan. Komissiya mýsheleri birneshe atau núsqasyn talqylaghan. Olardyng qatarynda «Qyran», «Qúlan», «Aspan», «Tarlan» jәne basqa da ataular bolghan.

Talqylau qorytyndysy boyynsha komissiya mýsheleri jenil relisti kólik jýiesine «Tarlan Astana» atauyn beru turaly úsynysty birauyzdan qoldady.

Dosjan Isabekting aituynsha, «Tarlan» atauy qazaqtyng tarihiy-mәdeny múrasymen tyghyz baylanysty. Ol qazaq dýniyetanymyndaghy erkindik, jyldamdyq, kýsh-quat, tektilik jәne senimdilik sekildi qasiyetterdi bildiredi.

«Tarlan Astana» atauy aityluy jenil, este saqtaugha onay jәne zamanauy kólik jýiesining serpindi sipatyn kórsetedi. Sonymen qatar halyqaralyq formatqa beyimdelgendikten, sheteldik qonaqtar men turister ýshin de qolayly bolmaq, – dedi basqarma ókili.

Abai.kz