Astanada «AMANAT» partiyasynyng kezekti Sezi ótti. Onyng qorytyndysy boyynsha partiya mýsheleri memleketti damytu baghytynda atqarylghan júmys nәtiyjesin qorytyndylap, «Ádilet» partiyasyna qosylu iydeyasyn qoldady. Búl sheshim Memleket basshysynyng el damuynyng jana kezeninde barlyq progressivti qoghamdyq-sayasy kýshterdi jalpyúlttyq qúndylyqtar men maqsattar tónireginde toptastyru turaly ýndeuine qoldau kórsetu maqsatynda qabyldandy.

Suret: Ály Ghalym.

Sezd júmysyna Qazaqstannyng barlyq ónirinen kelgen delegattar, Sayasy kenes mýsheleri, Parlament deputattary, «Jastar Ruhy» jastar qanatynyng belsendileri qatysty. Jalpy sany 1500-den astam adam bas qosty.

Suret: Ály Ghalym.

Suret: Ály Ghalym.

Óz sózinde, Mәjilis Spiykeri, «AMANAT» partiyasynyng Tóraghasy Erlan Qoshanov Preziydent Qasym-Jomart Toqaevtyng tabysty jýzege asyrylyp jatqan reformalary býginde jana qoghamnyng irgetasy men memleketting jana kelbetin qalyptastyryp jatqanyn atap ótti. Onyng aituynsha, qazirgi tanda tәuelsizdikti nyghaytu, halyqtyng әl-auqaty men birligi, últ tútastyghy sekildi basty qúndylyqtar aldynghy qatargha shyqty. Memleket basshysynyng batyl sheshimderi arqyly biylikting barlyq instituty týbegeyli janghyryp, sayasy bәsekelestik kýsheydi, al qogham naqty sheshimder qabyldau ýderisine yqpal etetin senimdi dauysqa ie boldy.

Mәjilis Tóraghasy búl ýderisterding sharyqtau shegi әri Preziydent Qasym-Jomart Toqaev ústanghan sayasattyng shynayy jenisi retinde jalpyúlttyq referendumda qazaqstandyqtardyng basym kópshiligi qoldaghan jana Konstitusiyanyng qabyldanuyn atady. Býginde elimiz jana tarihy dәuirge qadam basty. Onyng negizinde adam, әdildik, zang jәne progress qaghidattary jatyr.

Suret: Ály Ghalym.

«Qazir biz uaqyt talabyna, memleket mýddesine jәne qogham súranysyna say keletin qadam jasauymyz kerek. Býginde elimiz bólinuge emes, biriguge úmtyluy qajet. Sondyqtan osy jauapty kezende óz resurstarymyzdy jana sayasy kýsh – «Ádilet»partiyasyna qosuymyz kerek. Osylaysha, birtútas preziydenttik baghyttaghy sayasy kýsh qúramynda Ádiletti әri Progressivti Qazaqstandy birge qúrudy jalghastyramyz. Biz óz qaghidattarymyzdan, ústanymdarymyzdan jәne iydeyalarymyzdan bas tartpaymyz. Kerisinshe, olardy odan әri kýsheytip, mýmkindikterin keneytip, jana damu dengeyine kóteremiz», – dedi Erlan Qoshanov.

«AMANAT» Tóraghasy búl sheshimdi partiyanyng barlyq dengeydegi mýsheleri qoldaghan tabighy әri kemel sayasy ýderis dep atady.

«AMANAT – babalar amanaty әri bolashaq úrpaq aldyndaghy jauapkershilik. Ádilet – quatty әri zamanauy memleketting negizi sanalatyn әdildik. Osy qúndylyqtardy biriktire otyryp, qoghamdyq birlikti nyghaytamyz. Týptep kelgende, bәrimizding maqsatymyz ortaq – quatty Qazaqstan, gýldengen memleket jәne әrbir azamattyng әl-auqaty. Biz dәl osy maqsat jolynda qabyldap otyrghan sheshimimizdi joldyng sony emes, ortaq tarihymyzdyng jana tarauynyng bastauy dep bilemiz», – dedi Erlan Qoshanov.

Sezde Memleket basshysynyng sayasy baghytyna qoldau kórsetuboyynsha partiya tarapynan atqarylghan auqymdy júmysqorytyndylandy.

Reformalardy zannamalyq túrghydan qoldau mәselesi turaly Mәjilis deputaty, «AMANAT» partiyasy parlamenttik fraksiyasynyng jetekshisi Aydos Sarym bayandady. Osy shaqyrylym barysynda bastamashylyq etilgen 118 zang jobasynyng 104-in «AMANAT» fraksiyasynyng deputattary әzirledi. Búl – barlyq zannamalyq bastamalardyng 88 payyzy. Atalghan zang jobalary el damuynyng eng ózekti mәselelerin sheshuge baghyttaldy. Sonymen qatar deputattar kóptegen deputattyq saualdar joldap, jýzdegen myng azamatty qamtyghan myndaghan kezdesu ótkizdi.

Preziydent sayasatynyng negizgi qozghaushy kýshining biri retinde partiya әleumettik jobalar arqyly qoghamdaghy eng ózekti mәselelerdi jýieli týrde sheship keldi. Mәselen, «Qaryzsyz qogham» jobasy 1,5 mln adamnyn shamadan tys qaryz jýktemesimen kýresuine kómektesti. «Auyl amanaty» baghdarlamasy 2,5 payyz mólsherlemesimen mikronesiyeler beru arqyly auyldyq jerlerde ondaghan myng jana júmys ornyn ashugha mýmkindik berdi. «Jer amanaty» jobasy ayasynda 15 million gektar jer memleket pen halyqqa qaytaryldy. «Sifrlyq qogham» jobasy memlekettik organdardy, IT-qoghamdastyqty jәne eriktilerdi biriktirip, barlyq ónirde sifrlyq sauattylyqty arttyrugha yqpal etti. Al «TURGYNDAR AMANATY» túrghyndar men memlekettik organdar arasynda túrghyn ýi-kommunaldyq sharuashylyq salasyndaghy mәselelerdi sheshuge baghyttalghan tikeley dialog ornatty.

Ýsh jyl ishinde «Halyqpen birge!» saylaualdy baghdarlamasynyng 70 payyzy oryndaldy. Atap aitqanda, 600 jana mektep salyndy, memlekettik qyzmetshilerdin, dәrigerler men mәdeniyet salasy qyzmetkerlerining jalaqysy kóterildi, insulittik jәne kardiologiyalyq ortalyqtar ashyldy, tegin skrining baghdarlamalary iske qosyldy. Kәsiby qauymdastyqtarmen jýrgizilgen tikeley dialogtyng nәtiyjesinde múghalimder ózderine tәn emes mindetterden zannamalyq túrghydan bosatylyp, auyldyq jerlerge júmysqa baratyn dәrigerler ýshin 10 million tengege deyin kóterme jәrdemaqy engizildi.

Suret: Ály Ghalym.

«AMANAT» partiyasynyng qazirgi qyzmetin qorytyndylau ayasynda delegattar aldynda ónirlerdin, әielder jәne jastar qanattarynyng ókilderi sóz sóiledi.

Áyelder qanatynyng teng tóraghasy, Mәjilis deputaty Ýnzila Shapaq partiyanyng jana Konstitusiyany ilgeriletu isine atsalysughajәne memlekettik basqarudaghy әielderding rólin kýsheytuge erekshe nazar audardy. Mәjilis deputaty Núrsúltan Baytilesov Preziydenttik jastar kadr rezervining tiyimdiligin jәne jas parlamentariylerding IT-saladaghy zang shygharu júmysyna qosqan ýlesin atap ótti.

«Onkoortalyq» BPÚ jetekshisi Gýlmira Saghidullina auyl túrghyndaryna arnalghan «AMANAT Kerueni» kóshpeli medisinalyq ekspedisiyasynyng iske qosylghany turaly bayandady. Pavlodar oblystyq mәslihatynyng tóraghasy Iliya Terenchenko Preziydent baghytyn qoldaytynyn jәne jergilikti jerlerde kýsh-jigerdi biriktiruding manyzyn atap ótti. Al Ortalyq baqylau-tekseru komissiyasynyng mýshesi Álibek Qadyrbekov partiyanyng ishki janghyru júmysyn qorytyndylap, partiyaishilik ýderister sifrlandyrylghanyn habarlady.

Sezd júmysyn qorytyndylay kele, delegattar «Ádilet» partiyasyna qosylu turaly strategiyalyq sheshimdi birauyzdan qoldap dauys berdi. Sezd maqúldaghan búl bastama partiya qauymy elding jasampaz damu baghyty men Preziydentting strategiyalyq sayasatyn qoldau ýshin birtútas әri toptasqan alang retinde әreket etuge dayyn ekenin kórsetti.

«AMANAT» partiyasynyng baspasóz qyzmeti

Abai.kz