Astanada «Ádilet» partiyasynyng II Sezi ótip, onda partiya qyzmetin jetildiru, ónirlerdegi filialdar jelisin keneytu, úiymdyq әleuetti kýsheytu jәne elding órkendeui jolyndaghy ortaq maqsattargha sayasy kýshterding basyn biriktiru mәseleleri talqylandy.

Sezd qarsanynda ótken strategiyalyq sessiya barysynda delegattar partiyanyng aldaghy kezendegi qyzmetining negizgi basymdyqtaryn aiqyndady.

Sezd barysynda sóz alghan partiya tóraghasy Aybek Dәdebay Qazaqstannyng jana damu belesine qadam basqanyn atap ótti. Onyng aituynsha, qazirgi jaghdayda sayasy úiymdardan reformalardy qoldaumen shektelmey, halyqpen túraqty әri mazmúndy baylanys ornatyp, azamattardyng ózekti mәseleleri men súranystaryna naqty sheshim úsynu talap etiledi.

Is-sharagha qúrylys, densaulyq saqtau, bilim beru, kólik, telekommunikasiya, turizm, kәsipkerlik, energetika, sifrlyq tehnologiyalar jәne múnay-servis salalaryndaghy iri birlestikterdin, kәsiby qauymdastyqtar men sarapshylyq úiymdardyng basshylary qatysty.

Olardyng birqatary «Ádilet» partiyasynyng qataryna qosylyp, býginde úiymnyng institusionaldyq әleuetin arttyrugha jәne partiya baghdarlamasynda belgilengen mindetterdi jýzege asyrugha ýles qosyp keledi. Atap aitqanda, olardyng qatarynda «PARYZ» júmys berushilerding últtyq konfederasiyasy, Qazaqstannyng Azamattyq aliyansy, Qazaqstannyng múnay servistik kompaniyalar odaghy, Qazaqstan investorlary qauymdastyghy, Qazaqstan baylanys operatorlary qauymdastyghy, Qazaqstan avtomobili odaghy jәne ózge de úiymdar bar.

Sezd barysynda «Ádilet» partiyasynyng tóraghasy Aybek Dәdebay AMANAT partiyasyna qatysty pikir bildirip, eki sayasy úiymdy bir-birine qarsy qoidyng orynsyz ekenin aitty.

Onyng sózinshe, AMANAT partiyasynyng ókilderi men mýsheleri elding qoghamdyq-sayasy ómirine úzaq jyldar boyy belsendi aralasyp, ónirlerde auqymdy júmys atqaru arqyly eleuli sayasy jәne úiymdastyrushylyq tәjiriybe jinaqtaghan. Búl tәjiriybe endi ortaq últtyq maqsattargha qyzmet etetin manyzdy resursqa ainalmaq.

Aybek Dәdebaydyng aituynsha, eki partiyany myqty memlekettik instituttardy qalyptastyru, tiyimdi memlekettik basqaru jýiesin ornyqtyru, bәsekege qabiletti ekonomikany damytu, әleumettik әdilettilikti qamtamasyz etu jәne zamanauy sayasy mәdeniyetti nyghaytu sekildi ortaq qúndylyqtar biriktiredi. Onyng pikirinshe, AMANAT partiyasynyng «Ádilet» partiyasyna qosyluy – tar partiyalyq mýddeden joghary túrghan, últtyq jauapkershilikke negizdelgen bayypty qadam.

Sonday-aq ol AMANAT partiyasynyng qyzmetine bagha berude birjaqty kózqarastan aulaq bolu kerektigin atap ótti.

– AMANAT partiyasy óz qyzmeti barysynda halyqtyng talap-tilegi men mún-múqtajyn biylikke jetkizu ýshin bar kýsh-jigerin júmsady. Sondyqtan býgin olardyng neni dúrys, neni búrys istegenin tarazylap, aiyrmashylyq izdeu orynsyz. Qazir eng manyzdysy – ortaq maqsat jolynda kýsh biriktiru, – dedi partiya tóraghasy.

Abai.kz