Almatyda qalta úrlyghymen ainalysqan kýdiktiler - syghan últynyng ókilderinen qúralghan otbasylyq toptyng zansyz әreketining joly kesildi.

Bir otbasynyng ýsh kelini kelisip, úiymdasqan týrde úrlyqpen ainalysqan.

«Kriminaldyq polisiya qyzmetkerleri qylmystyq shemanyng songhy, ýshinshi qatysushysyn ústady. Búghan deyin onyng taghy eki sybaylasy qolgha týsken bolatyn. Qazirgi uaqytta ýsheui de qamaugha alyndy», - dep habarlady Almaty qalasynyng PD baspasóz qyzmeti.

Tergeu mәlimetinshe, әielder aldyn ala ózara rólderdi bólisip, adam kóp jinalatyn oryndardy tandaghan. Negizgi nysandary – bazarlar, qoghamdyq kólik jәne halyq kóp shoghyrlanatyn ózge de oryndar bolghan. Olar osy jerlerde úyaly telefondardy, aqsha jәne altyn búiymdardy úrlaghan.

«Kriminaldyq polisiya qyzmetkerleri jedel-izdestiru is-sharalaryn jýrgizip, dәleldemeler bazasyn jinaqtap, qylmystyq toptyng barlyq qatysushylaryn kezen-kezenimen anyqtady. Aldyn ala mәlimet boyynsha, ústalghandardyng Almaty qalasy aumaghynda jasalghan ondaghan mýliktik qylmysqa qatysy boluy mýmkin. Qazirgi uaqytta sotqa deyingi tergep-tekseru jalghasuda. Poliyseyler olardyng osyghan úqsas basqa da qylmystargha qatystylyghyn tekserip jatyr», - dedi polisiya ókilderi.

Abai.kz