Almaty oblysynda Jyr alyby Jambyl Jabaevtyng 180 jyldyq mereytoyy Kókbastau atyrabyn dumangha bólep, dýrkirep ótude. Tau baurayynda 50-ge juyq aqshanqay kiyiz ýy tigilip, ónerpazdar últtyq aspaptardan jyr tógiltip, salt-dәstýrdi aishyqtaytyn kórinister jinalghan qauymnyng ruhyn oyatty. Kórkemónerpazdar men qolóner sheberlerinin, asyltúqymdy jylqy men tazynyng kórmesi úiymdastyrylyp, sportshylar últtyq sport týrlerinen syngha týsip jatyr. Sarqylmas jyr búlaghyna ainalghan úly túlghanyng shygharmashylyq múrasy keninen nasihattalyp, aitys ónerining mәn-manyzy keninen dәriptelude. Abdolla Qarsaqbaevtyng 100 jyldyq mereytoyy da nazardan tys qalmay, kinorejisserding tuyndylarynan ýzindiler qoyylyp, teatrlandyrylghan kórinis kórermen nazaryna úsynyldy, – dep habarlaydy Almaty oblysy әkimining baspasóz qyzmeti.

Dumandy merekege mәdeniyet jәne qogham qayratkerleri, jyrshy-termeshiler, aitysker aqyndar, oblys basshylyghy, elimizding әr ónirinen kelgen qonaqtar men jergilikti túrghyndar qatysty.

Alghash bolyp sóz alghan QR Preziydentining kenesshisi Mәlik Otarbaev toygha jinalghan halyqqa Memleket basshysy Qasym-Jomart Toqaevtyng qúttyqtau hatyn oqyp berdi.

«Jambyl Jabaev – últ mәdeniyetinde erekshe orny bar tarihy túlgha, qazaq әdebiyetining asa kórnekti ókili. Áygili jyrshy shoqtyghy biyik shygharmalary arqyly otanshyldyq pen yntymaq, erlik pen eldik, adaldyq pen әdildik sekildi myzghymas qúndylyqtardy keninen dәriptedi. Halqymyzdyng birtuar perzenti aitys ónerining órisin keneytuge, epikalyq dәstýrdi janghyrtugha, qazaq-qyrghyz әdeby baylanysyn nyghaytugha ólsheusiz ýles qosty. Óz dәuirining tynys-tirshiligin asqan sheberlikpen surettep, júrttyng ystyq yqylasyna bólendi. «HH ghasyrdyng Gomeri» atanghan úly aqynnyng tuyndylary kóptegen shet tiline audarylyp, barsha adamzatqa ortaq qazynagha ainaldy. Qos ghasyrdyng kuәsi bolghan jyr alybynyng mol múrasy әli talay úrpaqqa ruhany azyq bolary sózsiz», – delingen hatta.

Almaty oblysynyng әkimi Shynghys Árinov óz sózinde Jambyl Jabaevtyng qazaq ruhaniyaty men aqyndyq ónerinde alatyn ornyna toqtaldy.

«Jambyl – qazaqtyng sóz ónerinde airyqsha orny bar dara túlgha. Ataqty Sýiinbay Aronúlynan bata alghan aqyn ghasyrgha juyq ghúmyrynda elding múnyn múndap, joghyn joqtap, últ múratyn jyryna arqau etti. Jambyl babamyzdyng esimi uaqyt ótken sayyn halyqpen birge jasay beretin ruhany qúndylyq. Uaqyt ótedi, úrpaq almasady. Biraq elge qyzmet etken, halyqtyng sózin sóilegen túlghalardyng orny әrqashan joghary. «Tau alystaghan sayyn biyiktey týsedi» demekshi, jyldar ótken sayyn Jambyldyng túlghasy da terenirek tanyla týsetini sózsiz. Al siz ben bizding paryzymyz – babadan qalghan asyl múrany kózding qarashyghynday saqtap, keler úrpaqqa jetkizu.Jambyl múrasy – últ ruhaniyatynyng asyl qazynasy. Jyr alybynyng ósiyeti men ónegesi úrpaq sanasynda janghyryp, mәngilik jasay bersin», – dedi Shynghys Sayranúly.

Ayta keteyik, Jambyl Jabaevtyng mereytoyyna arnalghan sharalar legi jyl basynan beri tolastaghan joq. Elimizding týkpir-týkpirindegi, halyqaralyq dengeydegi taghylymdy keshterde aqynnyng ómiri men shygharmashylyghy keninen nasihattaldy. Mәselen, Beyjinde «Jambyl – ghasyr aqyny» atty taghylymdy shara ótse, Sýiinbay atyndaghy memlekettik akademiyalyq filarmoniyasynda «Ata tolghauy» atty saltanatty konsert úiymdastyryldy. Kýni keshe Úzynaghash auylyndaghy halyqaralyq aqyndar aitysynda sóz zergerleri bәsekege týsti. Jýirikterding ónerin Qazaqstannyng Halyq jazushysy, «Qúrmet», «Parasat», «Otan» ordenderining iyegeri Jýrsin Erman bastaghan qazylar alqasy baghamdap, suyrypsalmalyq sheberligine tórelik etti. Jarys qorytyndysynda bas jýldeni qyzylordalyq Meyirbek Súltanhan jenip alyp, sujana avtokólikting iyesi atandy.  Birinshi oryndy Qyrghyz elinen kelgen Kutman Sadybakasov enshiledi. Ekinshi oryn Qazyret Berdihan men Núrbol Jauynbaevqa búiyrsa, ýshinshi oryndy Bolat Ahmetov pen Úlarbek Minathan ózara bólisti. Al býgin mereytoy Jambyl audanyndaghy Kókbastau auylynda eng auqymdy sharamen jalghasyn tapty. Dýbirli toygha 25 myngha juyq halyq jinaldy.

Abai.kz