Qazaqstanda alghash ret Astana AI Film Festival ótip, birden әlemdik auqymdaghy sharagha ainaldy. 125 elden týsken 8 067 ótinim ony jasandy intellekt kómegimen jasalghan kino tuyndylary arasyndaghy eng iri halyqaralyq bayqaugha ainaldyrdy.

Býgin elordada jenimpazdar jariyalandy.

Gran-pry men $450 myndy Latviyadan kelgen Nikolay Shestak «The First Honest Day» filimi ýshin iyelendi. Is-әreketteriniz syrtqy kelbetinizdi tikeley ózgertetin әlemdi elestetip kóriniz: jamandyq jasasanyz – ajarsyzdanasyz, jaqsylyq jasasanyz – qúlpyra týsesiz. Jenimpaz múnday marapatty kýtpegenin, al jýlde qarjysyn jana filimder týsiruge júmsamaq ekenin aitty.

Qazaqstandyq Myrzahan Júmahan «Ýzdik keyipker» nominasiyasynda jeniske jetti. Onyng «It Was Just a Joke» komediyasynda it pen onyng iyesining aghasy bir әzilding kesirinen janjaldasyp qalady. Oqighanyng ary qarayghy órbui naghyz blokbasterden kem emes. Avtordyng ózi prank pen kónildi jaqsy kóretinin, sondyqtan osynday oqighany týsirgenin aitady.

(Suret:kazinform)

Ekinshi oryn jәne $200 myng – Ýndistannyng «SITARA» filimine búiyrdy. Ýshinshi oryn men $100 myndy ispaniyalyq «Looking For Perseida» iyelendi.

Myndaghan ótinimning ishinen finalgha nebәri 25 júmys ótti. Olardy halyqaralyq qazylar alqasy baghalady. Onyng qúramynda YuNESKO-nyng búrynghy basshysy Odry Azule jәne investor Baladjy Srinivasan boldy.

Festivaliding jalpy jýlde qory – $2 mln: onyng jartysy jýldelerge, qalghan jartysy perspektivaly AI-komandalardy qoldaugha jәne Qazaqstandaghy óndiristi damytugha baghyttalady.

JY kómegimen jasalghan filimder býginde ýlken ekranda kórsetilip, jýzdegen myng dollar kólemindegi jýldelerge ie bolyp jatyr. Astana múnday festivalidi alghash ret qabyldap, әlemning týkpir-týkpirinen kelgen ýzdik júmystar tandalatyn alangha ainaldy.

Abai.kz