Qazan aiynyng salqyny bastalysymen qazaqstandyqtar ýshin jyl sayyn qaytalanatyn «jylu mausymyna dayynbyz» degen jattandy esepter men sheneunikterding bayandamalary taghy da syn kótermedi desek artyq aitpaymyz.

Ýkimetting songhy otyrysynda Premier-ministr Oljas Bektenovting Abay oblysy әkimining orynbasaryn tәrtiptik jauapkershilikke tartudy tapsyruy — jyl sayynghy atqaminerler salqyndaghy salghyrttyghynyng kezekti kórinisi bolyp tabylady.

Basty mәsele: Kýn suysa da, qazandyqtar issiz túr

Resmy aqparatqa sәikes, elding 11 ónirinde jylu beru mausymy uaqtyly bastaldy. Alayda Abay oblysynyng әkimshilik ortalyghy – Semey qalasy búl kóshten jauyr attay kóp keyin qalyp qoydy. Oghan negizgi sebep retinde ortalyq jylu punktterindegi jóndeu júmystarynyng keshigui jәne jabdyqtardy jetkizuding uaqytyly oryndalmauy basa kórsetilip, algha tartylyp  otyr.

Qala túrghyndary ýshin búl jaghday eshbir tosyn janalyq emes. Jylu jýielerin jóndeu men dayyndyq júmystaryn 1 qazangha deyin tolyq ayaqtau turaly ýkimetting qatang tapsyrmasy bolghanyna qaramastan, ónir basshylyghy atalghan merzimde jer sipap mindetin orynday almady. Sonyng saldarynan qaladaghy jyludy beru dayyndyghy tek 5 qazanda ghana qamtamasyz etildi. Al búl aralyqta qarapayym halyq pәterlerinde býrisip, әkimdikting esigin tozdyrdy.

Jaza jetkilikti me, әlde jýielik ózgeris kerek pe?

Premier-ministrding «barlyq ónir merziminde oryndady, tek Semey ghana keshikti» dep qatang syngha aluy óte oryndy. Biraq mәsele tek bir orynbasardyng jauapkershiligimen sheshile me?

Jyl sayyn budjetten milliardtaghan qarjy bólinip, jylu jelileri men qazandyqtar jóndeledi. Biraq merziminen keshigu, qúral-jabdyqtyng uaqytynda jetpeui siyaqty syltaular qaytalana beredi. Búl – atqarushy biylikting josparlau qabiletsizdigi men baqylaudyng әlsizdigi ekendigin anyq tanytady.

Jylu mausymy – sayasy nauqan emes, halyqtyng amandyghy men densaulyghy. Keshiktirilgen әrbir kýn – qarttar men kishkentay balalardyng densaulyghyna tóngen qater bolyp sanalady.

Qúrylys-jóndeu júmystaryn uaqytynda ayaqtamaghan merdiger kompaniyalargha qatang shara qoldanylmayynsha, búl olqylyqtar qaytalana beredi.

Sóz týiini: Semeydegi jaghday – ónirlik biylikting shyndyqtan kóz júmyp, mәseleni tek jogharydan núsqau kelgende ghana qozghaytynynyng aiqyn dәleli deuge de negiz bar. Oblys әkimining orynbasaryna berilgen tәrtiptik jaza – әdil qadam, biraq búl jetkiliksiz. Semeylikter ýshin endigi basty mәsele — qystyng kózi qyrauda jylu jýieleri syr bermey, ýilerge túraqty týrde jylu jetkizilui bolyp tabylady.

Ýkimet pen oblys әkimdigi búl jaghdaydan tiyisti qorytyndy shygharyp, jylu beru mausymynyng qalypty júmys isteuin tәulik boyy qatang baqylauda ústauy tiyis. Halyqtyng tózimi shekteuli, al infraqúrylymdyq olqylyqtardy tek uaqytsha jazamen jabu mýmkin emes.

Semeydegi jylu jýielerining keshiguine negizgi sebep kim nemese ne bolyp otyr? degen mәsele ataylap aldan shyghady.

Abai.kz