Qarjylyq monitoring agenttigi sottalghan Perizat Qayrattyng tuystarynyng Dubaydaghy pәterleri turaly aqparatty tekserdi. Vedomstvo búl jyljymaytyn mýlikting úrlanghan qarajatqa qatysy baryn anyqtamady, dep habarlaydy Ulysmedia.kz.

Qarjylyq monitoring tuystarynyng Dubayda birneshe pәteri bar degen aqparat jariyalaghan anonimdi Telegram-arnanyng jazbasyna qatysty pikir bildirdi.

Tergeu neni anyqtady?

Agenttikting mәlimetinshe, atalghan jyljymaytyn mýlik 2011-2019 jyldary satyp alynghan. Al Qayrat qayyrymdylyqqa jinalghan qarajatty jymqyru ýshin paydalanghan Biz Birgemiz Qazaqstan 2030 qory keyin qúrylghan.

Tergeu sottalghan Perizat Qayrat pen vedomstvo tuystaryn «A. otbasy» dep ataghan adamdar arasynda qarjylyq esep aiyrysular bolmaghanyn anyqtady.

A. otbasynyng erli-zayyptylary 20 jyldan astam uaqyt boyy jyljymaytyn mýlik satyp alyp, qayta satyp keledi. Olar Perizat Qayrat pen onyng anasynan bólek túryp, jeke kәsipkerlikpen ainalysqan.

QMA mýlikti búghattau men tәrkileuge onyng qylmystyq jolmen alynghanyn dәleldeytin aighaqtar bolghan jaghdayda ghana jol beriletinin atap ótti.

– Kýdiktilermen tuystyq qatynastyng boluy ózdiginen qylmystyq qudalaugha jәne aktivterdi tәrkileuge zandy negiz bola almaydy, – dep týsindirdi vedomstvo.

Perizat Qayrat aqshany qayda júmsaghan?

Tergeu barysynda Qayrattyng jymqyrylghan qayyrymdylyq qarajatyn qalay júmsaghany tolyq anyqtaldy. Aqshagha kólikter, jóndeu júmystary men jihazdary bar pәterler, brendtik kiyimder men әshekey búiymdar satyp alynghan. Sonday-aq qarajat biznes-klaspen úshugha, qymbat qonaqýiler men meyramhanalargha júmsalghan.

Eske salayyq, 2025 jyldyng shildesinde Astana soty Perizat Qayratty 10 jylgha, al anasy Ghayny Alashbaevany 7 jylgha bas bostandyghynan aiyrdy. Ekeui de alayaqtyq jәne qylmystyq jolmen alynghan aqshany jylystatu baptary boyynsha kinәli dep tanyldy.

Olar Biz Birgemiz Qazaqstan 2030 qory arqyly 3,5 mlrd tengeden astam qarajatty jymqyrghan. Aqsha su tasqynynan zardap shekkenderge, Palestina túrghyndaryna jәne onaltugha múqtaj balalargha kómek kórsetu ýshin jinalghan. Alayda qayyrymdylyq qarajaty jeke qajettilikterine júmsalghan.

Búghan deyin QMA sottalghandardyng mýlkin auksion arqyly satatynyn habarlaghan. Saudagha tórt pәter, tórt avtokólik, әshekey búiymdar men brendtik zattar qoyylady. Olardy satudan týsken qarajat zardap shekkenderge keltirilgen shyghyndy óteuge baghyttalady.

Abai.kz