2026 jylghy sәuirde Últtyq statistika burosy qyzmetkerlerding eseptelgen jalaqy mólsheri boyynsha bólinisine jyl sayynghy zertteu jýrgizdi. Zertteuge sәuir aiynda tolyq júmys istegen qyzmetkerler qamtyldy. Derekterge qosymsha aqylar, ýstemeaqylar, syiaqylar, salyqtar jәne zeynetaqy audarymdary kiredi.

Iriktemeli zertteu qorytyndysy boyynsha úiymdar men kәsiporyndardaghy qyzmetkerler sany 3 378,6 myng adamdy qúrady. Onyng ishinde erlerding ýlesi – 48,1% (1 626,4 myng adam), al әielder – 51,9% (1 752,2 myng adam) qúrady.

2026 jyly qyzmetkerlerding jalaqy mólsheri boyynsha bólinisinde joghary jalaqy sanattaryna auysu ýrdisi jalghasty.

(Suret:https://stat.gov.kz/)

Jalaqysy:

- 100 myng tengege deyingi qyzmetkerlerding ýlesi 3,3%-dan 2,3%-gha deyin tómendedi (-1,0 p.t.);

- 100 mynnan 300 myng tengege deyingi qyzmetkerlerding ýlesi 43,0%-dan 39,3%-gha deyin tómendedi (-3,7 p.t.);

- 300 myng tengeden joghary jalaqy alatyn qyzmetkerlerding ýlesi 53,7%-dan 58,4%-gha deyin ósti (+4,7 p.t.).

2026 jylghy zertteu qorytyndysy boyynsha birqatar kәsipter toptarynda ortasha ailyq atauly jalaqy mólsheri ósti. 2025 jylmen salystyrghanda jalaqynyng eng joghary ósimi ónerkәsip, qúrylys, kólik jәne basqa da sabaqtas kәsipterding júmysshylarynda (13,1%), sonday-aq óndiristik jabdyq operatorlary, qúrastyrushylar men jýrgizushilerde (10,4%) tirkeldi.

(Suret:https://stat.gov.kz/)

Óndiris, kólik, auyl sharuashylyghy jәne qyzmet kórsetu salalarynyng qyzmetkerlerin qosa alghanda, barlyq kәsiptik toptarda atauly jalaqynyng ong dinamikasy bayqaldy.

Jekelegen kәsipter men lauazymdar boyynsha jalaqy

2026 jyly qyzmetkerlerding ortasha ailyq eseptelgen jalaqysy atqaratyn kәsibi men lauazymyna qaray erekshelendi. Úiym basshylarynyng ortasha ailyq jalaqysy 1 101,1 myng tengeni qúrady.

Injenerlik-tehnikalyq mamandar arasynda injenerlerding jalaqysy 702,0 myng tengeni, enbek qauipsizdigi jәne enbekti qorghau jónindegi injenerlerding jalaqysy 645,0 myng tengeni, injener-tehnologtardyng jalaqysy 617,0 myng tengeni, injener-energetikterding jalaqysy 615,1 myng tengeni, al tehnikterding jalaqysy 314,7 myng tengeni qúrady.

Densaulyq saqtau salasynda dәrigerlerding ortasha ailyq jalaqysy 491,4 myng tengeni, farmasevterding jalaqysy 347,7 myng tengeni, felidsherlerding jalaqysy 313,6 myng tengeni, meyirgerlerding jalaqysy 264,6 myng tengeni qúrady.

Basqa kәsipter arasynda buhgalterlerding ortasha ailyq jalaqysy 398,6 myng tengeni, avtomobili jýrgizushilerining jalaqysy 328,1 myng tengeni, aspazdardyng jalaqysy 192,6 myng tengeni, kýzetshilerding jalaqysy 174,2 myng tengeni qúrady.

Kórsetkishterdi qalyptastyru әdisnamasy

Kórsetkishter jyl sayyn 2-T (enbekaqy) «Jalaqy qúrylymy jәne ony bólu turaly esep» statistikalyq nysany boyynsha jýrgiziletin zertteu negizinde qalyptastyrylady.

Zertteuge esepti jyldyng sәuir aiynda tolyghymen júmys istegen barlyq qyzmetkerler jatady. sәuir aiyn tolyq júmys istegen qyzmetkerler engiziledi. Esepti aida júmysqa qabyldanghan nemese júmystan bosatylghan qyzmetkerler esepke alynbaydy

Halyqaralyq úsynymdargha sәikes mausymdyq syilyqaqylar men enbek demalysyna baylanysty tólemderding әserin barynsha azaytu maqsatynda esepti ay retinde sәuir aiy tandalghan.

Abai.kz