2026 جىلعى ساۋىردە ۇلتتىق ستاتيستيكا بيۋروسى قىزمەتكەرلەردىڭ ەسەپتەلگەن جالاقى مولشەرى بويىنشا بولىنىسىنە جىل سايىنعى زەرتتەۋ جۇرگىزدى. زەرتتەۋگە ءساۋىر ايىندا تولىق جۇمىس ىستەگەن قىزمەتكەرلەر قامتىلدى. دەرەكتەرگە قوسىمشا اقىلار، ۇستەمەاقىلار، سىياقىلار، سالىقتار جانە زەينەتاقى اۋدارىمدارى كىرەدى.

ىرىكتەمەلى زەرتتەۋ قورىتىندىسى بويىنشا ۇيىمدار مەن كاسىپورىندارداعى قىزمەتكەرلەر سانى 3 378,6 مىڭ ادامدى قۇرادى. ونىڭ ىشىندە ەرلەردىڭ ۇلەسى – 48,1% (1 626,4 مىڭ ادام), ال ايەلدەر – 51,9% (1 752,2 مىڭ ادام) قۇرادى.

2026 جىلى قىزمەتكەرلەردىڭ جالاقى مولشەرى بويىنشا بولىنىسىندە جوعارى جالاقى ساناتتارىنا اۋىسۋ ءۇردىسى جالعاستى.

(سۋرەت:https://stat.gov.kz/)

جالاقىسى:

- 100 مىڭ تەڭگەگە دەيىنگى قىزمەتكەرلەردىڭ ۇلەسى 3,3%-دان 2,3%-عا دەيىن تومەندەدى (-1,0 پ.ت.);

- 100 مىڭنان 300 مىڭ تەڭگەگە دەيىنگى قىزمەتكەرلەردىڭ ۇلەسى 43,0%-دان 39,3%-عا دەيىن تومەندەدى (-3,7 پ.ت.);

- 300 مىڭ تەڭگەدەن جوعارى جالاقى الاتىن قىزمەتكەرلەردىڭ ۇلەسى 53,7%-دان 58,4%-عا دەيىن ءوستى (+4,7 پ.ت.).

2026 جىلعى زەرتتەۋ قورىتىندىسى بويىنشا بىرقاتار كاسىپتەر توپتارىندا ورتاشا ايلىق اتاۋلى جالاقى مولشەرى ءوستى. 2025 جىلمەن سالىستىرعاندا جالاقىنىڭ ەڭ جوعارى ءوسىمى ونەركاسىپ، قۇرىلىس، كولىك جانە باسقا دا ساباقتاس كاسىپتەردىڭ جۇمىسشىلارىندا (13,1%), سونداي-اق وندىرىستىك جابدىق وپەراتورلارى، قۇراستىرۋشىلار مەن جۇرگىزۋشىلەردە (10,4%) تىركەلدى.

(سۋرەت:https://stat.gov.kz/)

ءوندىرىس، كولىك، اۋىل شارۋاشىلىعى جانە قىزمەت كورسەتۋ سالالارىنىڭ قىزمەتكەرلەرىن قوسا العاندا، بارلىق كاسىپتىك توپتاردا اتاۋلى جالاقىنىڭ وڭ ديناميكاسى بايقالدى.

جەكەلەگەن كاسىپتەر مەن لاۋازىمدار بويىنشا جالاقى

2026 جىلى قىزمەتكەرلەردىڭ ورتاشا ايلىق ەسەپتەلگەن جالاقىسى اتقاراتىن كاسىبى مەن لاۋازىمىنا قاراي ەرەكشەلەندى. ۇيىم باسشىلارىنىڭ ورتاشا ايلىق جالاقىسى 1 101,1 مىڭ تەڭگەنى قۇرادى.

ينجەنەرلىك-تەحنيكالىق ماماندار اراسىندا ينجەنەرلەردىڭ جالاقىسى 702,0 مىڭ تەڭگەنى، ەڭبەك قاۋىپسىزدىگى جانە ەڭبەكتى قورعاۋ جونىندەگى ينجەنەرلەردىڭ جالاقىسى 645,0 مىڭ تەڭگەنى، ينجەنەر-تەحنولوگتاردىڭ جالاقىسى 617,0 مىڭ تەڭگەنى، ينجەنەر-ەنەرگەتيكتەردىڭ جالاقىسى 615,1 مىڭ تەڭگەنى، ال تەحنيكتەردىڭ جالاقىسى 314,7 مىڭ تەڭگەنى قۇرادى.

دەنساۋلىق ساقتاۋ سالاسىندا دارىگەرلەردىڭ ورتاشا ايلىق جالاقىسى 491,4 مىڭ تەڭگەنى، فارماتسەۆتەردىڭ جالاقىسى 347,7 مىڭ تەڭگەنى، فەلدشەرلەردىڭ جالاقىسى 313,6 مىڭ تەڭگەنى، مەيىرگەرلەردىڭ جالاقىسى 264,6 مىڭ تەڭگەنى قۇرادى.

باسقا كاسىپتەر اراسىندا بۋحگالتەرلەردىڭ ورتاشا ايلىق جالاقىسى 398,6 مىڭ تەڭگەنى، اۆتوموبيل جۇرگىزۋشىلەرىنىڭ جالاقىسى 328,1 مىڭ تەڭگەنى، اسپازداردىڭ جالاقىسى 192,6 مىڭ تەڭگەنى، كۇزەتشىلەردىڭ جالاقىسى 174,2 مىڭ تەڭگەنى قۇرادى.

كورسەتكىشتەردى قالىپتاستىرۋ ءادىسناماسى

كورسەتكىشتەر جىل سايىن 2-ت (ەڭبەكاقى) «جالاقى قۇرىلىمى جانە ونى ءبولۋ تۋرالى ەسەپ» ستاتيستيكالىق نىسانى بويىنشا جۇرگىزىلەتىن زەرتتەۋ نەگىزىندە قالىپتاستىرىلادى.

زەرتتەۋگە ەسەپتى جىلدىڭ ءساۋىر ايىندا تولىعىمەن جۇمىس ىستەگەن بارلىق قىزمەتكەرلەر جاتادى. ءساۋىر ايىن تولىق جۇمىس ىستەگەن قىزمەتكەرلەر ەنگىزىلەدى. ەسەپتى ايدا جۇمىسقا قابىلدانعان نەمەسە جۇمىستان بوساتىلعان قىزمەتكەرلەر ەسەپكە الىنبايدى

حالىقارالىق ۇسىنىمدارعا سايكەس ماۋسىمدىق سىيلىقاقىلار مەن ەڭبەك دەمالىسىنا بايلانىستى تولەمدەردىڭ اسەرىن بارىنشا ازايتۋ ماقساتىندا ەسەپتى اي رەتىندە ءساۋىر ايى تاڭدالعان.

Abai.kz