Qúryltaydyng Konstitusiyalyq zannama, sot jýiesi jәne qúqyq qorghau organdary komiytetinde «Qazaqstan Respublikasy Preziydentining 2026 jylghy 28 qazandaghy Qazaqstan halqyna Joldauy: sifrlyq ekonomika túrghysynan azamattyq zannamany jetildiru jәne qayta qarau mәseleleri» taqyrybynda dóngelek ýstel ótti. «Ádilet» partiyasy men Maqsut Narikbayev University birlesip úiymdastyrghan alqaly jiyngha Qúryltay Tóraghasynyng orynbasary Núrlan Beknazarov qatysty.

Otyrysta komiytet tóraghasy Ýnzila Shapaq búl is-shara Memleket Basshysynyng Joldauynda aitylghan jana Azamattyq kodeksti qabyldau qajettigi turaly bastamasyn iske asyrugha baghyttalghanyn atap ótti. Ol qoldanystaghy Azamattyq kodekske qabyldanghan sәtten beri 150-den astam ózgeris pen tolyqtyru engizilgenin aitty. Qújatta zamanauy sharttyq instituttardyng joqtyghy Qazaqstannyng sheteldik әriptester ýshin investisiyalyq tartymdylyghyn tómendetedi. Al sifrlyq aktivter men smart-kelisimsharttardy retteytin normalardyng bolmauy IT-sektor men innovasiyalyq ekonomikanyng damuyn tejeydi.

– Jana Azamattyq kodeksti qabyldau – elding qúqyqtyq egemendigin nyghaytu, Qazaqstan Respublikasynyng túraqty ekonomikalyq ósuin jәne qúqyqtyq janghyrtyluyn qamtamasyz etu jónindegi strategiyalyq qadam. Preziydent Qúryltay deputattarynyng aldyna Ýkimetpen birlesip qújatty әzirleuge kirisu jәne ony kelesi jyldyng sonyna deyin qabyldau turaly naqty mindet qoydy. Búl júmys zannama boyynsha sarapshylar qauymdastyghymen birge barlyq taraptardyng birlesip әreket etuin talap etedi, – dedi Ýnzila Shapaq.

Viyse-spiyker Núrlan Beknazarov óz sózinde dóngelek ýstel Qúryltay Tóraghasy Aybek Dәdebaydyng tapsyrmasy boyynsha úiymdastyrylghanyn atap ótti. Ol 1995 jyly qoldanysqa engizilgen Azamattyq kodeks Qazaqstannyng azamattyq zannamasynyng berik negizine ainalghanyn eske saldy. Alayda uaqyt talabyna oray, ony jetildiru qajettiligi әldeqashan jetken bolatyn

– Memleket Basshysy óz Joldauynda bolashaqtyng ekonomikasyna bayyppen kóshuding qúqyqtyq negizine ainalatyn jana Azamattyq kodeks qabyldau qajettigin atap ótti. Elektrondyq mәmileler, sifrlyq aktivter, platformalyq ekonomika, jasandy intellekt tehnologiyalary jәne derekter ainalymy dәstýrli azamattyq qúqyq instituttaryna jana talaptar qoyyp otyr. Búl rette jana qúqyqtyq retteu ekonomikanyng damuyna kedergi keltirmeuge, kerisinshe, innovasiyalar men kәsipkerlik bastamalar ýshin qolayly jaghday jasaugha, azamattyq ainalymnyng qúqyqtyq senimdiligi men túraqtylyghyn qamtamasyz etuge tiyis, – dedi Núrlan Beknazarov.

Viyse-spiykerding aituynsha, dóngelek ýstel memlekettik organdardyn, ghylymy jәne saraptamalyq qoghamdastyqtyng pikirlerin toghystyratyn manyzdy kәsiby alang bolyp otyr.

«Ádilet» partiyasy tóraghasynyng orynbasary Núrsúltan Baytilesov jana Azamattyq kodeks pen qoldanystaghy zandardyng kelisiluin qamtamasyz etu qajettigine toqtaldy. Onyng pikirinshe, әzirleushiler normalardyng ekiúshty bolmauy ýshin zandy túlghalar, korporativtik qatynastar, múragerlik jәne ziyatkerlik menshik mәselelerin retteuding birynghay terminologiyasy men qúqyqtyq tәsilderin qalyptastyruy qajet.

– Búl rette «Zang jәne Tәrtip» qaghidatyn da eskeru kerek. Sifrlyq ekonomikanyng damuy zandylyqty nyghaytumen, azamattardyng qúqyqtaryn qorghaumen jәne sifrlyq ortadaghy búzushylyqtar ýshin jauapkershilikti qamtamasyz etumen qatar jýruge tiyis. Biz jana tehnologiyalardyng úiymdar, sifrlyq platformalar nemese avtomattandyrylghan jýieler aldynda zandy týrde osal bolyp qaluyna jol bermeuimiz kerek, – dedi Núrsúltan Baytilesov.

Sonday-aq, Maqsut Narikbayev University basqarma tóraghasy Talghat Nәrikbaev, Ádilet viyse-ministri Botagóz Jaqselekova, «Ádilet» partiyasynyng «Ádiletti Orta» ýilestiru-taldau ortalyghynyng jetekshisi Abzal Qúspan bayandama jasady.

Dóngelek ýstel barysynda deputattardyn, shaqyrylghan zangerler men sarapshylardyng qatysuymen taqyryptyq pikirtalas ótti.

Komiytet tóraghasy Ýnzila Shapaq jiyndy qorytyndylay kele, barlyq qatysushylargha mazmúndy bayandamalary men jan-jaqty syndarly talqylauy ýshin alghysyn bildirdi. Ol aitylghan barlyq eskertuler men úsynystar Azamattyq kodeks jobasyn әzirleu kezinde eskeriletinin atap ótti.

Abai.kz