Beysenbi, 19 Qarasha 2026
Janalyqtar 375 0 pikir 18 Qarasha, 2026 saghat 13:44

GITEX AI Kazakhstan 2027: Ónirge qúiylatyn milliardtaghan investisiya JIY-di keninen engizuge serpin beredi

Suret: Almaty qalasy әkimdiginen alyndy.

2027 jyly 7-8 mausymda Almatyda GITEX AI Kazakhstan kórmesi ekinshi ret ótedi.

Tehnologiya men jasandy intellekt salasyndaghy ónirdegi eng iri is-shara halyqaralyq investisiya tartugha, sonday-aq JY infraqúrylymyn, energetika men ónerkәsipti damytugha yqpal etedi.

Almaty, Qazaqstan. Ortalyq Aziya men Kavkaz tehnologiyalyq damudyng jana kezenine qadam basyp keledi. Jasandy intellekt salasyndaghy milliardtaghan dollarlyq jobalar naqty jýzege asa bastady. Ónir Euraziyanyng sifrlyq ortalyghyna ainaludy kózdep otyr.

Ónir elderi sifrlyq saladaghy yntymaqtastyqty barghan sayyn nyghaytyp keledi. Statista boljamyna sәikes, 2029 jylgha qaray ónirlik IT-qyzmetter naryghynyng kólemi 5,6 mlrd dollargha jetedi. Qazaqstan 2025 jyldyng qorytyndysy boyynsha IT-qyzmetter eksportynan alghash ret 1 mlrd dollardan astam tabys tapty. Atap aitqanda, búl kórsetkish 2020 jyly 33,5 mln dollardan 2025 jyly 1,142 mlrd dollargha deyin ósip, bes jyl ishinde 34 esege artty. Osynday jaghdayda GITEX AI Kazakhstan kórmesining ekinshi ret ótkizilui sifrlyq saladaghy maqsat-mindetterdi jasandy intellektini keninen engizu arqyly naqty iske asyrugha mýmkindik beredi. Kórme infraqúrylym, energetika jәne ónerkәsip salalaryn janghyrtugha yqpal etip, Qazaqstannyng JY әzirleu, investisiya tartu jәne innovasiyalardy damytu baghytyndaghy Euraziyanyng manyzdy ortalyghy retindegi ornyn nyghaytady.

GITEX AI Kazakhstan 2027 halyqaralyq kórmesi Qazaqstan Preziydenti Qasym-Jomart Toqaevtyng qoldauymen 7-8 mausymda Almatydaghy «Atakent» QIYO-da ótedi.

Ortalyq Aziyadaghy tehnologiya, jasandy intellekt jәne startap salasyndaghy eng iri is-shara Qazaqstan Respublikasynyng Jasandy intellekt jәne sifrlyq damu ministrligining qoldauymen, Astana Hub jәne Almaty qalasy әkimdigimen seriktestikte úiymdastyrylady.

2026 jyly GITEX AI Kazakhstan Ortalyq Aziya men Kavkazdaghy tehnologiya, jasandy intellekt jәne sifrlyq investisiya salasyndaghy manyzdy is-shara retinde tanyldy. Kórmeni әlemdegi tehnologiya men JY ekojýielerining eng iri jelisi sanalatyn GITEX-ting jahandyq úiymdastyrushysy inD kompaniyasy úiymdastyrdy. Eki kýn ishinde kórmege eksponent retinde 334 kompaniya men startap qatysyp, ony 86 elden kelgen 12 000 adam tamashalady. Kórmeni Preziydent Qasym-Jomart Toqaev ashty. Sonday-aq is-shara ayasynda Memleket basshysynyng tóraghalyghymen Jasandy intellektini damytu jónindegi kenesting ekinshi otyrysy ótti.

Keneytilgen baghdarlama men jana ekspozisiyalar damudyng kelesi kezenine jol ashady

GITEX AI Kazakhstan 2027 kórmesi ótken jylghy jetistikterdi jalghastyrady. Biyl satyp alu jәne iskerlik kezdesuler baghdarlamasy keneytilip, bes jana taqyryptyq ekspozisiya úsynylady. Olar: GITEX SuperComputeX, GITEX New EnergyX, GITEX RobotiX, GITEX Cyber Valley jәne GITEX Intelligent Cities x Connectivity.

Búl baghyttar Qazaqstanda jýzege asyrylyp jatqan jobalarmen tikeley baylanysty. Olardyng qatarynda Ekibastúzdaghy superkompiuterlik quattardy damytu jәne derekter ortalyqtarynyng júmysyna qajetti energetikalyq infraqúrylymdy qalyptastyru bar.

Jana ekspozisiyalar ekonomikalyq ósimdi jedeldetetin tehnologiyalardy damytu ýshin memlekettik organdardyn, halyqaralyq tehnologiyalyq kompaniyalardyn, investorlar men startap negizin qalaushylardyng basyn qosady. Búl әlemdegi sifrlyq ekonomikasy qarqyndy damyp kele jatqan ónirlerding birinde halyqaralyq investisiya tartugha, elder arasyndaghy әriptestikti nyghaytugha jәne jasandy intellektini keninen engizuge jana mýmkindikter ashady.

2027 jylghy kórmening baghdarlamasy men negizgi maqsattary Almatyda ótken netvorking kezdesuinde tanystyryldy. GITEX AI Kazakhstan úiymdastyrushylary men qabyldaushy tarap ónirlik seriktesterdi jәne tehnologiyalyq kompaniyalardyng basshylaryn shaqyryp, keneytilgen kýn tәrtibimen tanystyrdy. Kezdesude yntymaqtastyq, investisiya tartu jәne jana naryqtargha shyghu mýmkindikteri talqylandy.

Qazaqstan Respublikasy Premier-ministrining orynbasary – Jasandy intellekt jәne sifrlyq damu ministri Jaslan Mәdiyev elding Digital Qazaqstan últtyq strategiyasy ayasyndaghy jasandy intellektini damytu jónindegi jospargha toqtaldy.

«Qazaqstandaghy JY transformasiyasynyng kelesi kezeni jasandy intellektini jay ghana engizumen shektelmeydi. Eng bastysy, ony keninen qoldanugha qajetti býkil negizdi qalyptastyru. Búghan esepteu quattary, energetika, sifrlyq baylanys, bilikti kadrlar, retteu tetikteri men kapital kiredi. Qazaqstan qazirding ózinde osy baghyttaghy júmysty qolgha aldy. Digital Qazaqstan strategiyasy búl ózgeristerding últtyq dengeydegi negizgi baghyttaryn aiqyndaydy. Al GITEX AI Kazakhstan siyaqty alandar elimizding ekojýiesin әlemdik tehnologiya kóshbasshylarymen, investorlarmen jәne seriktestermen baylanystyrady. Bizding maqsatymyz – Qazaqstandy jasandy intellektini әzirleu, engizu jәne keninen qoldanu boyynsha Euraziyadaghy negizgi ortalyqtardyng birine ainaldyru», – dedi Jaslan Mәdiyev.

Jasandy intellekt transformasiyasynyng ónirlik baghdary

GITEX AI Kazakhstan 2027 kórmesining keneytilgen baghdarlamasy men halyqaralyq qatysushylar sanynyng artuy jaqynda jariyalanghan «Sifrlyq Jibek joly» jobasynyng damuymen túspa-tús keledi. Qazaqstan derekter ortalyqtaryn, gharyshtyq esepteu jýielerin, sputnikterdi jәne Transkaspiy talshyqty-optikalyq baylanys jelisin biriktiretin birynghay JY infraqúrylymyn qúrudy josparlap otyr. Búl Kaspiy tenizining týbimen Ázirbayjan men Qazaqstandy baylanystyratyn úzyndyghy 380 shaqyrymdyq suasty telekommunikasiyalyq kabeli.

Kórmening ekinshi ret ótkizilui Ortalyq Aziya men Kavkazda jasandy intellektini damytugha jana serpin beredi.

Google tapsyrysy boyynsha jýrgizilgen zertteuge sәikes, aldaghy on jyl ishinde generativti jasandy intellekt Armeniya, Ázirbayjan, Gruziya jәne Qazaqstan ekonomikasyna jyl sayyn qosymsha 12-15 mlrd dollar әkelui mýmkin. Búl atalghan elderding jiyntyq jalpy ishki ónimining shamamen 4%-yna ten. KPMG derekterine sәikes, ónirdegi kompaniyalardyng 53%-y jasandy intellektini keng auqymda engizip ýlgergen. Búl әlemdik ortasha kórsetkishten (24%) eki eseden astam joghary. Sonymen qatar Qazaqstan kompaniyalary biznes sheshimderin qabyldau kezinde jasandy intellekt úsynymdaryna ónirdegi basqa elderge qaraghanda kóbirek senim artady. Búl kórsetkish 86%.

Qazaqstan ónirding sifrlyq transformasiyasynda jetekshi ról atqaryp keledi. Digital Qazaqstan últtyq strategiyasy jasandy intellektini is jýzinde engizuge baghyttalghan. Onyng ayasynda Últtyq JY platformasyn damytu, JY tehnologiyalaryn eGov memlekettik qyzmetterine integrasiyalau jәne bilikti mamandar dayarlaugha auqymdy investisiyalar salu kózdelgen. Jasandy intellekt turaly zang men Sifrlyq kodeks kompaniyalar men investorlar ýshin qúqyqtyq retteuding aiqyndyghyn qamtamasyz etedi.

NVIDIA jәne Firebird kompaniyalarymen jasalghan 10 mlrd dollarlyq kelisim Ekibastúzdaghy Derekter ortalyqtary alqabynda shamamen 100 000 grafikalyq prosessorgha (GPU) negizdelgen tәuelsiz últtyq superkompiuterlik quattardy qúrugha mýmkindik beredi. Jergilikti tehnologiyalyq ekojýie de qarqyndy damyp keledi. Býginde Astana Hub-ta 2000-nan astam kompaniya júmys isteydi. Al onyng reziydentterining IT-qyzmetter eksporty 2025 jyly 633,8 mln dollar boldy.

Jasandy intellekt salasyndaghy maqsattardy naqty ekonomikalyq nәtiyjege qalay ainaldyrugha bolady?

GITEX AI Kazakhstan Qazaqstannyng jәne tútastay ónirding jasandy intellekt pen sifrlyq infraqúrylymdy damytu salasyndaghy maqsattaryna say keledi. Kórme jergilikti ekojýieler men jahandyq tehnologiyalyq qauymdastyqtardy biriktirip, jasandy intellekt, ýlken derekter, búlttyq tehnologiya, SaaS, derekter ortalyqtary, energetikalyq tehnologiya, kiyberqauipsizdik, baylanys jәne jelilik infraqúrylym baghyttaryn qamtidy.

«Ortalyq Aziya men Kavkaz elderi jasandy intellektini endi alys bolashaqtyng mýmkindigi retinde qarastyrmaydy. Olar naqty josparlardy jýzege asyryp, memlekettik-jekemenshik әriptestikti damytyp, JIY-di keng auqymda engizuge qajetti esepteu, energetikalyq, kadrlyq jәne normativtik negizdi qalyptastyryp jatyr. GITEX AI Kazakhstan osy ýderisting barlyq buynyn biriktiredi. Búl ónirlik basymdyqtardy investisiya tartugha qolayly jobalargha, kommersiyalyq kelisimderge jәne ónirding qalalarynda, ónerkәsibi men ekonomikasynda naqty qoldanylatyn tehnologiyalargha ainaldyrugha mýmkindik beredi», - dedi GITEX bas diyrektory Triksy Lo Mirmand.

Abai.kz

0 pikir