Seysenbi, 22 Qazan 2019
Jañalıqtar 2778 0 pikir 28 Jeltoqsan, 2009 sağat 10:02

Qwrmetti dostar!

Abai.kz aqparattıq portalı ğalamtor keñistigine engeli köp uaqıt öte qoymaptı. Aqparattıq zamannıñ tüsiniginde - «qas-qağım sät». Osı «qas-qağım sätte» ğalamtorda payda bolğan Abay esimi auızdan auızğa köşip tez tanılıp ülgerdi. Kün sayın portalımızdıñ auditoriyası jüzden astam adamğa tolığadı eken. Bastapqı kezde kez-kelgen maqalanıñ mazmwnına tiisti eki-üş oy aytılsa, bügingi küni pikir bildiruşilerdiñ belsendiligi aqparattıq narıqta köp jıldardan beri kele jatqan orıstildi maytalman internetşilerdiñ özin qayran qaldıruda. Portalımız jalpı elimizdegi eki mıñnan astam sayttıñ işinde alpısınşı-jetpisinşi orındarğa ie bolsa, «baspasöz jäne jañalıqtar» sanatındağı  eñ üzdik on bes sayttıñ qatarınan twraqtı körinip otır.

Bwl, birinşiden - Hakim atamızdı wlıqtağan wlttıñ qwrmetinen tuıp, ürmetine jayılğan tanımaldılıqtıñ belgisi ekeni dausız.

Ekinşiden, aqparattıq portal Abay danalığına jüginip kele jatqan qazaqtıñ bügingi BAQ äleminen jaña söz kütip eleñdey qalğan köñil küyimen, işki tilegimen üylesim taba qoydı. Biz, mine, osı jayttı äsirese, äñgime ete tüsuge ıntalımız.

Abai.kz  ğalamtor aydınına ayaq basqan künnen beri qaray  portal wjımı ıjdahattı türde Abay şığarmaşılığı men Abaytanu mektebiniñ ozıq dästürin ülgi ete otırıp «Abay» attı jeke taraudıñ mwrağat qorın tolıqtıru üstinde.

Abai.kz aqparattıq portalı ğalamtor keñistigine engeli köp uaqıt öte qoymaptı. Aqparattıq zamannıñ tüsiniginde - «qas-qağım sät». Osı «qas-qağım sätte» ğalamtorda payda bolğan Abay esimi auızdan auızğa köşip tez tanılıp ülgerdi. Kün sayın portalımızdıñ auditoriyası jüzden astam adamğa tolığadı eken. Bastapqı kezde kez-kelgen maqalanıñ mazmwnına tiisti eki-üş oy aytılsa, bügingi küni pikir bildiruşilerdiñ belsendiligi aqparattıq narıqta köp jıldardan beri kele jatqan orıstildi maytalman internetşilerdiñ özin qayran qaldıruda. Portalımız jalpı elimizdegi eki mıñnan astam sayttıñ işinde alpısınşı-jetpisinşi orındarğa ie bolsa, «baspasöz jäne jañalıqtar» sanatındağı  eñ üzdik on bes sayttıñ qatarınan twraqtı körinip otır.

Bwl, birinşiden - Hakim atamızdı wlıqtağan wlttıñ qwrmetinen tuıp, ürmetine jayılğan tanımaldılıqtıñ belgisi ekeni dausız.

Ekinşiden, aqparattıq portal Abay danalığına jüginip kele jatqan qazaqtıñ bügingi BAQ äleminen jaña söz kütip eleñdey qalğan köñil küyimen, işki tilegimen üylesim taba qoydı. Biz, mine, osı jayttı äsirese, äñgime ete tüsuge ıntalımız.

Abai.kz  ğalamtor aydınına ayaq basqan künnen beri qaray  portal wjımı ıjdahattı türde Abay şığarmaşılığı men Abaytanu mektebiniñ ozıq dästürin ülgi ete otırıp «Abay» attı jeke taraudıñ mwrağat qorın tolıqtıru üstinde.

Alaşorda ardagerleri men Alaş tarihına qatıstı tıñ derekter men soñğı zertteuler de abai.kz aqparattıq portalınıñ mwrağatında jinaqtalıp jatır.

Portaldıñ Aymaqtar, Mädeniet, Top-maqalalar, Swhbattar, Sport t.b. aydarları da atalğan taqırıptardıñ aynalasındağı oqiğalardı, jañalıqtardı uaqtında jariya etip twradı.  Al, Bas taqırıp pen Soñğı maqalalar portalımızdıñ «qaharman» aydarına aynaldı. Bas taqırıp aydarınıñ ayasında biz elimizge tanımal twlğalarmen birneşe ret internet-konferenciya ötkizippiz. Internet-konferenciyağa bizdiñ äriptesterimizden bastap qarapayım oqırmanğa deyin qatısıp, oyların ortağa saldı, qoğamğa, zamanğa, wlttıq mäselelerge baylanıstı tereñnen tolğap pikir bildiretin auzı uäli jandarğa saualdar joldadı.

Qısqası, biz internet-konferenciyalardı wyımdastıru barısında bügingi aqparattıq tehnologiyanı paydalana otırıp, oqırman auditoriyasınıñ azamattıq belsendiligin oyata aldıq dep senemiz. Internettegi qazaq tildi segmentti paydalanuşılar Jänibek pen Kerey hannnıñ müsinderi «Qazaq eli» monumentinen ısrılıp qalğanda qattı narazılıq tanıtıp, mäseleniñ ayağın abai.kz aqparattıq portalındağı internet-akciyağa wlastırıp jiberdi.  Biliktegi asa jauaptı lauazım ielerine jastar Aşıq hat jazıp, eşkimnen seskenbey atı-jönderin, elektrondı adresterin körsetip, qoldarın  qoydı. Qazaq jastarınıñ basın qosqan, ortaq maqsatqa biriktirgen internet-akciya bwrın soñdı däl osınday wyımdasqan türde öte qoymağan siyaqtı. Ötken jağdaydıñ özinde onday akciyanıñ Alatau men Arqanıñ, Altay men Atıraudıñ arasın däl osılay jañğırtqanı esimizde qalmaptı...

Abai.kz aqparattıq portalınıñ twraqtı oqırmanına aynalğan jastardıñ qatarına köp keşikpey wlt ziyalıları; ğalımdar, sayasattanuşılar, qoğam qayratkerleri kelip qosıla bastadı da buınaralıq birlik qalıptasıp, internet-akciyalardıñ  dübiri molaya tüsti. El işinde elekten ötip barıp qabıldanuğa tiisti «Qazaqstandıq wlt» doktrinasın qabılday qoyuğa asıqqan eptilerdi der kezinde toqtatuğa sebep bolğan jayttardıñ biri däl osı abai.kz aqparattıq portalında bolğan jastardıñ qızu talqıları men erekşe belsendiligi ekenin esti kisiler moyındap, aytıp ta jür. Bwqara halıqtıñ erik-jigerin erkinşe bilep töstep dağdılanğan bilikke auır tiyui mümkin, äytsede ğalamtordağı Abay atımen alısu, Abay aqiqatın qoğamnan alastau - bwdan bılay bilikke qiınğa soğarı anıq.

Biz biliktegi lauazım ieleriniñ betimen ketip, albatı äreketterge baruına qoğamdıq baqılau jasap otırudıñ qajettigin bek wğındıq. Biz qoğamnıñ özin özi baqılau qwqığına ie erkin aqparttıq qwraldıñ qolımızğa tigenin sezindik. Biz, qazaq jurnalisteri, işki birligimizdi käsibi biliktiligimizben jalğastırıp, aqparattıq keñisitigimizge egelik etumen ğana şektelmey, ärtürli pikirlerdi toğıstırıp, bilik pen bwqara halıq ökiliniñ teñ därejede swhbattasuına qolaylı aqparattıq alañ jasay alatınımızdı tüsindik. Osıdan birer jıl bwrın «qazaq tili internetke jau, käsipke kelmeydi» degen jañsaq pikirlerge layıqtı jauap berdik!

Osı bir kündelikti arpalıspen jürgende jaña Barıs jılı da kelip qalıptı. «Jaña jıldağı» şırşa toyı dästürimizde bolmağan dep jip taqsaqta,  ötken künderge salauat ayta otırıp Jaña jıldan jaqsı ümit kütetinimiz bar. Soğan oray qareketimizdi de üylestirip, jaña jospar qwramız. Jaña belesterge köterilgimiz keledi. Bwl barşa oylı adamğa tän tabiği dünie.

Portaldıñ qızmeti bärimizge ortaq bolğandıqtan tömendegi josparımızdı jariya etpekpiz:

Osı jılı qalıptasqan, halıqtıñ köñilinen şıqqan barlıq jaqsı ürdister men bağıttar jaña jılda da jalğasın tabatını sözsiz. Barıs jılında Abay.kz portalınıñ işi keñeyip, şın mänindegi aqparattıq portalğa aynaluğa bet aladı. Bwl maqsatta abai.kz aqparattıq portalınıñ qatarı Ädebiet. abai.kz, Tarih. abai.kz, Media abai.kz. t.b. arnayı sayttarımen tolığadı. Portaldıñ wjımı osı sayttardıñ oqırman tabuına erinbey eñbek etuge dayın. Eger aymaqtardağı äriptesterimiz qajet dep tapsa, qarajattıq qoldau bolıp jatsa, arnayı «Aymaqtıq» paraqşalardı aşuğa da dayınbız.

Statistikağa jüginsek, bügingi küni portal auditoriyasınıñ otız payızğa juığın elden jıraqta jürgen bauırlarımız qwraydı eken.  Osı twrğıda olardıñ Ata jwrtpen qauışuına aqparattıq twrğıdan järdem etip, elge oralıp, qonıstanuına septigimizdi tigizudi borışımız sanaymız.

Bayqaymız, jaña Barıs jılında bizdi talay «qızıqtar» kütip otırğan siyaqtı. Sondıqtan da portalımızda biliktegi «babaylardıñ» talay qızıq «davayları»  «Aytqış eken...»  aydarınan, Bas taqırıptan, Soñğı maqalalardan orın aları haq. Jaqsını - jaqsı dep, jamandı - jaman dep atay beremiz!

Barıs jılı bärimizge tabıs jılı boluı üşin tap büginnen bastap dayındıq jasau kerek dep bilemiz. Osığan oray portal wjımı kelesi jılda elimizdiñ ruhani swranısın kemeldendirip, wlttı wyıstıratın taqırıptar men aydarlar engizuge dayındalıp jatır.  Portalımızdıñ twraqtı oqırmanı tanığan qalamgerlermen qatar jañaşa oylaytın  avtorlardıñ da atı jönderi osı Barıs jılında äygili boladı.

Qwrmetti dostar, portal janaşırları!

Bizdiñ wjım 28-jeltoqsannan 10-şı qañtarğa deyin joğarıdağı talap üdesinen şığu maqsatında qısqa eñbek demalısna ketti.

Bwl aralıqta sizder portal oqırmandarı eñ üzdik dep tanığan jäne eñ köp talqılanğan maqalalardıñ jariyalanımdarımen tanıs bolasızdar. Aldağı jılı jazar düniemizdiñ mazmwnı bayıp, qatarımız keñeye bersin! Bizder oqırmanımızdıñ köñilinen şığuğa ayanbay eñbek etemiz!

Jaña jılda jaña tabısqa jete bereyik! Abay bolayıq, abayşıl, alaşşıl bolayıq!

 

Abayşıldar

 

0 pikir