Jwma, 29 Mamır 2020
COVID-19 QAZAQSTANDA. Jwqtırğandar — 9576. Jazılğandar — 4900. Qaytıs bolğandar — 37
Bilik 6201 0 pikir 12 Mamır, 2014 sağat 15:40

«MÄÑGİLİK EL» – RUHI BIİK WLT BOLU

«Bir el iştey özderin özi özgertip tüzemeyinşe, Alla onday eldi özgertpeydi», deydi Qwran kärimde. Bügingi bauırlas wlttar Ukraina men Reseydiñ qasarısqan qarsılıq soñı qarapayım halıqtıñ immunitetin älsiretip, ruhın tüsirdi. Olardıñ bwl jağdayda «mängilik el» boluı eki wdaylı swraqqa qaldı…   
Qazaq… Täubä, amanbız!!! Biraq keşegi Qaz dauıstı Qazbektiñ tınış jatqan, basınan söz asırmağan eli, bwl künde ünsizdik aralında jürgendeymiz. Wlttıq Ruh älsiregen. Wlttıñ fenomeni eskirgen, tosığı jetken sınaylı. Bügingi biliktiñ parasat-payımı wyqılı, teksizdik jaylap teñselgender… Olarğa bügingi qazaq eliniñ «Mäñgilik  el» bolu ideyası -  jeti wrpağınıñ bayandı ömiri, bası-baylıqtı añsauı.  Biraq wlttıñ wyıtqısı el ziyalıları men el basşıları. Bügingi baytaq elimizdiñ wlañğayır atırabı men twnğan baylığın qaldırğan babalar amanatı da – «Mängilik el» ideyası.  Iä, bizdiñ qazaq eli egemendi el bolğalı beri talay belesterden asıp, san biikterge Allanıñ qalauımen qol jetkizdi. Äytse de, qazirgi tañda elimizdiñ jarqın bolaşağınıñ aldında böget pen qauip twr. Ol wlttıñ älsiregen ruhı men immuniteti, ögizge ayan -  ana til tağdırı, halıqtıñ ünsizdik fenomeni. Alla jarılqasa, ol böget pen qaterden asıp ötermiz. Erteñi bitpes elimizdiñ ol mümkindikterden qay küni öteri belgisiz. Biraq Elbasımız N.Ä.Nazarbaev wlt ruhaniyatınıñ köpirine jarqın ideya tastadı. Ol «Qazaq eli» nemese «Mäñgilik el»    
Mine elimizdiñ täuelsizdik alğanına 23 jıl uaqıt tolıp otır. Jiırma üş jıl az ğana uaqıt emes, alaş arıstarı orda bwzar otız jasına jetpey qanşama qwndı eñbekter men wlt ruhaniyatınıñ mwrasın jasadı. Biraq, bügingi täuelsiz Qazaqstannıñ jetistigi olardıñ jasağan eñbekteriniñ jemisine de tati almadı. Qattı aytqanıma renjimeñizder. Osınıñ bärin aytu «Mäñgilik eldiñ» azat oylı azamatınıñ parızı. Qazaqstannıñ da azğana ua¬qıtta ğasırğa tatitın jetistikke jetip, elimiz damudıñ sara jolına tüsip, TMD elder arasında eko¬nomi-kalıq, sayasi damu jağınan köşbasşı elder qatarında kele ja¬tır. Tipti Türki tektes memleketter arasında da bizdiñ bedel därejemiz bir satı ilgeri. Biraq qoğa¬mımızdıñ äleumettik salası men wlttıñ jetken jetistigimen bügingi küni älemdik sahnağa köterilu mümkin emes. Onı Euromaydan otanı Ukraina däleldedi.  Ukrainanıñ küş-quatı, ekonomikalıq jetistigi, halqınıñ äleumettik jağdayı naşar dep kim ayttı. Ukraina älemniñ alpauıt damuşı memleketteriniñ biri. Biraq bügin kim bolıp otır… Jeñilis taptı… Afrikadağı Egipettiñ küyin keşti… Tipti olardıñ wlttıq ruhı oyanbadı dep te ayta almaysıñ.  Halıq jeñilmeu üşin barın saldı. Kürestiñ soñına deyin jankeşti erlik körsetti. Ukraina halqınıñ azattığı jolında, babalar amanatın qorğauda ayanbadı… Ättegen-ayı, biliktegi azamattarı men basşıları orıs tildi… Olardıñ boyında Ukraina wltınıñ ruhı emes, orıstıñ jalğan Jirinovskiylarındağıday ruh boldı. (Jirinovskiy evrey wltınan) Sondıqtan «Mäñgilik el» qwru üşin qazaq eli oylanuı kerek. 
Bügin halqımız «Mäñgilik el» bolu jolında babalar amanatın eşqaşan wmıtpauı mümkin. Biraq biliktegi marğasqalarımız - Älihan men Abılay han bolsa jaqsı edi. Olardıñ ünderi jarqın şığıp, wlttıq ideyaları ayqın bolsa, biz eşkimnen qorıqpay «Mäñgilik el» ornatuğa bolar edi.  Orıstıñ jazuşısı Dostoevskiydiñ: «Asqaq ideyasız adam da, wlt ta ömir süre almaydı» degen naqıl sözi eriksiz oyğa oraladı osınday da. Al wlttıq ideya – wlttıñ şınayı nemese bolaşaqqa wmtılıstarın, onıñ jetistikterin adamdardıñ sanasında beyneleytin wğım.. Mäñ¬gilik El – memlekettiñ qwdiretti¬liginiñ, küştiliginiñ belgisi. «Elimiz mäñgi, täuelsiz küşti memleket» degen wran halıqtıñ ruhın oyatuı kerek. Jahan¬danu zamanında küşti el ğana jwtılıp ketpey, öz eldigin saqtap qaladı. Tek bizdiñ Elbasımız, «Mäñgilik el» ideyasın jolında wlttıq ideya qwrıp, ol mäseleni bir künde şeşuge jağday jasau kerek. Halıq Elbasınıñ dwrıs qadamına mültiksiz, riyasız qadam jasay aladı.

P.S. ...Wyıqtap jatqan Azamat äli oyanar emes... Kenet tätti wyqıda, tüs körip jatqan jas balanı,  Saşka dosı ayğaylap oyattı. Tüsinde: «Elbası jaña jarlıqqa qol qoyıp jatır eken. «Qazaq tilinde söylep, jaza almaytın şeneunik bilikten qısqartıladı(...) Soltüstik, şığıs, ortalıq aymaqtarımız 100 payız qazaqılanudı qolğa almasa, sol öñirlerdiñ  äkim-qaraları birden jwmısınan ayırıladı(...) Memlekettiñ baylığın wrlap, jeti wrpağına baylıq qaldırudı añsağan jemqorlar birden atu jazasına kesiledi(...) Şetel investorlarınıñ kompaniyasında 90 payız qazaq jwmısşıları jwmıs atqaru kerek. Onı orındamağan investorlar jwmısın toqtatsın(...) «Mäñgilik el» Qazaq eli memleketiniñ halqınıñ atınan  osı jarlıqqa qol qoydım...»,- dep tüsin Azamat dosına ayttı. Erteñinde dosı Reseyge köşip ketipti... Ne üşin ketkeni belgisiz. Bälkim ol - (...)

Altınbek QWMIRZAQWLI,

"Qasım" portalı

0 pikir