Júma, 29 Nauryz 2024
Qogham 6257 0 pikir 23 Sәuir, 2014 saghat 11:37

ÝKIMET PEN AUYTTYNG NAZARYNA!

«Ýh» dep tynysh úiyqtaugha әli erte

Facebook.com әleumettik jelidegi jeke paraqshasynda kóshi-qon mәselesin talmay jazyp jýrgen abai.kz aqparattyq portalynyng belgili avtory әri Astanadaghy tilshisi Auyt Múqiybek myrza: «Endi bir «ýh» dep tynysh úiyqtaytyn boldyq qoy!» depti. Biz, әriyne, Auyt myrzany týsinemiz: osy úly kósh toqtap, toqyrap qalghan bette-aq onyng jarghaq qúlaghy jastyqqa tiygen emes. Jazdy. Kózqaras, pikirin ashyq bildirdi. Tipti naghashysyna – Elbasyna da ýshbu hat joldady. Onyng bәrin júrt kórip, oqyp bilip otyr. Sondyqtan kóshting betin beri búrghyzghandardyng biri retinde ol keshe tynysh úiyqtap shyqqan bolar. Sebebi: Auyttyng janayqayy, Rahym Ayypúly bastaghan ózge de azamattardyng ýni aqyry qazaq Ýkimetining qúlaghyna jetip tynsa kerek: kesheli beri Premier-ministr Mәsimovti aityp mәzbiz. 2010-2012 jyldary qazaq kóshin Ýkimettik dengeyde qauly qabyldap túryp tiyp tastaghan (sol kezdegi atqarushy biylikting tóraghasy) Kәrim Qajymqanúly Ýkimet basyna qaytyp kelgen son  qate jiberip qoyghan isin týzep, ýlken azamattyq jasady! Abai.kz aqparattyq portalyn keybireuler biylikti ýrkitip-qorqytyp, jau shaqyryp, elge dúspandyq saghynyp, qaghynyp qana otyratyn internet-gazet dep biledi. Sol sorly týsinigin kóringen jerge tyqpalap әure. Joq, olay emes, Abai.kz bardy – barynsha baghalaugha, jaqsylyqty jariya etuge әrkez dayyn. Biraq, mýlәiimsip, tәlimsip, jaghayymsyp, jymysqylanyp, biylikke jәreukelengen bolyp, jaqsy attanyp, sodan song aqparat maydanynda damyl tappay jýrgen әriptesterding әreketinen jaulyq kórip otyrmaydy. Búlay isteu әm oilau -  sanasy qortyq beysharagha ghana tәn. Sondyqtan Abai.kz aqparattyq portaly Ýkimettin, keshegi  Enbek jәne әleumettik qorghau ministri Tamara Dýisenova hanymnyng jurnalisterge jariya etken jaghymdy janalyghyn bek qúptay otyryp, myna jayttardy qayyra eske salady:

- Ýkimet osynyng aldynda kóshi-qon mәselesine salqynyn tiygizgen barlyq qauly-qararlar men zandardyng kýshin joyyp nemese tiyisinshe týzetuler engizui kerek. Óitkeni, mazmúny qayshy zandar men qaulylar qazaq kóshine taghy da zalalyn tiygizedi. Ony kósh bastalghaly bergi jyldardan jaqsy bilemiz.

- Qytaydan kóship keletin qandastarymyzgha Qazaqstan azamattyghyn beru mәselesin QHR Elshisining qúzyrynan qaytaryp alu kerek. Tolayym bóten elge azamattyq beruding anyqtamasyn qolyna ústap otyrghan elshilik eshbir elde joq. Búl – Elshining missiyasyna jatpaydy.

- Kóship kelgen bauyrlarymyzdan qylmys jasamaghany turaly anyqtama talap etilmeuge tiyis. Mysaly, Qytayda isti bolghan, zang aldynda jauapqa tartylghan túlgha shetelge shyqpaydy. Resmy týrde rúqsat joq. Demek, Atajúrtyna at aryltyp, ton tozdyryp jetken qazaq – qylmysqa qatyssyz taza qazaq. Ol qazaqtan «qylmysqa qatysynnyng joqtyghyn rastaytyn qújat әkel» dep qansha digirlegeninmen qytay hýkimeti onday anyqtama bere almaydy. Mine, eki el arasyndaghy kóshi-qon jayyna qatysty osy bir az ghana sәikessizdikting ózi kóshting irkiluine sebep tudyrady.

- Qytaydan keletin qandastarymyzgha sol elding azamattyghynan shyghyp kelu deytin orynsyz talap qoyylmauy tiyis. Óitkeni Qytay eli shetel azamattyghyn qabyldaghan óz túrghynyn avtomatty týrde shygharyp tastaydy. Al aldyn ala azamattyghyn qaytaryp alu deytin tәrtip ol elde joq. 

- Joghary oqu oryndarynda bilim alyp jatqan oralman bauyrlarymyzgha jataqhana tirkeuinde túryp, Qazaqstan azamattyghyna qújat ótkizuine mýmkindik jasauymyz kerek. 

- Túraqty tirkeu tez sheshimin tabuy tiyis basty jayttardyng biri.

- Kóshi-qon isine kóshting ynghayyn biletin, tәjiriybesi bar, ysylghan azamattar tartyluy qajet.

- Kóshi-qon agenttigi qaytadan qúryluy kerek.

-  Kóship kelgen aghayyndy jersindiru, qazaq ókimetining zandarymen tanystyru, túrmys-salt jayyn úqtyru osy agenttikke jýktelui kerek.

Úly qazaq kóshi ózining qazaqqa, Tәuelsiz memleketine asa qajet ekenin qasarysqan kýshterdin  qoldan tudyrghan qiyndyqtary men qarsylyghyna qaramastan keyingi bir-eki aidyng shiyreginde dәleldep shyqty. Ózine degen dilgirlikti tudyrdy. Demek, Mәsimov Ýkimeti pәrmendi qimyldap, al, Auyt myrza onyng әr qadamyn qadaghalap, iygilikti isterding jarshysy bolyp otyrugha mindetti. 

Abai.kz 

0 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1567
Alashorda

Qojanov mejeleu nauqanynda (Jalghasy)

Beybit Qoyshybaev 2261
Ghibyrat

Qaysar ruhty ghaziz jan

Múhtar Qúl-Múhammed 3543