Düysenbi, 21 Qazan 2019
Abay.tv 9371 0 pikir 24 Naurız, 2014 sağat 11:34

Qıtaydağı “Alaşorda aqını” – Tañjarıq Joldıwlı (derekti fil'm)

 

 

Tañjarıq Joldıwlı(1903-1947) – Qıtaydağı qazaq ädebietiniñ negizin qalauşı. Ol – Şıñjañ öñirinde alğaşqı qazaq gazetin şığarıp, teatr aşqan, wstazdar jasaqtap, mektep saldırğan ağartuşı. Eñ bastısı, Tañjarıq – Älihan Bökeyhanov bastağan «Alaşordanıñ» Qıtay jerindegi ökili boldı. Bwl künde aqın şığarmaları köptep jarıq körip, wlt ruhaniyatına qosqan wlanğayır eñbegi jayında tom-tom zertteuler jasaluda. Qalay desek te, Alaş azattığı üşin janın pida etken Tañjarıq esimi qazaq jwrtımen birge jasay beretindigi sözsiz.

5444464

Asa märtebeli oqırman! Wsınılıp otırğan derekti fil'm Alaş ideyasınıñ Qıtay aspanında janğan jwldızı  ispetti Tañjarıq Joldıwlınıñ kelte ğwmırınan sır şertedi.  Sol kezdegi Şıñjañdı bilegen Şıñ Şısay ökimetiniñ qazaq ziyalıların türmeniñ tübinde şiritken jauızdıqtarı aşıq bayandaladı.

Barsañdar Ürimjiniñ qalasına,

Köziñ sal qaltarıs, say-salasına.

«Wmıtpa, öle-ölgenşe osını» dep,

Tapsırıp ket balañnıñ balasına!

- dep ösiet qaldırğan aqınnıñ bolaşaq wrpaqqa neni «wmıtpa» degenin jan tözgisiz azaptaular beynelengen fil'm arqılı anıq bile alasızdar…

Aqın ne üşin Qazaqstanğa keldi? Ne üşin at basın keri bwrdı?

Şıñjañ qazaqtarına neni nasihattap, neni üyretkisi keldi?

Ahmet Baytwrsınwlı, Mirjaqıp Dulatwlı, Şäkärim Qwdayberdiwlı şığarmaları Tañjarıq öleñderinen qalay körinis taptı?

Aqın tağdırı turalı Qabdeş Jümädilov, Näbijan Mwhamethanwlı, Şara Tañjarıqqızı, Twrlıbek Mameseyit ne deydi?

Elbası Nwrswltan Nazarbaev Tañjarıq tağılımı jayında ne ayttı?

Bwl swraqtardıñ jauabın osı derekti fil'mnen taba alasızdar.

1458612_590681624315157_929259838_n

«Tañjarıq Joldıwlı» derekti fil'miniñ rejisseri – osığan deyin «Kültegin», «Ermwrat Zeyiphanwlı» derekti fil'mderin tüsirgen belgili telejurnalist, maytalman dublyajşı Äsemğazı Qapanwlı.

Aqın tağdırı turalı  Bauırjan Omarwlınıñ «Tañjarıqtıñ tağdırı» attı maqalasınan oqularıñızğa boladı (http://qamshy.kz/?p=4713).

«Qamşı» silteydi

0 pikir