Düysenbi, 16 Qırküyek 2019
Ädebiet 9714 0 pikir 11 Tamız, 2014 sağat 01:12

Erkeğali BEYSENOV. ŞAH-ŞAHAR

 

(poema)

Men Astanağa Torğay öñirinen oñ-solımdı tanıp ülgermegen 17 jasımda bilim quıp kelgen edim. Ol kezde qalanıñ el ordası retinde qwrılıp jatqanına üş-aq jıl bolğan. Aqmola twsındağı äbeuqoñır tirlik äli de seziletin. Qwday oñdap, bedeldi qaraşañıraq – L.N.Gumilev atındağı Euraziya wlttıq universitetiniñ jurnalistika kafedrasına qabıldandım. Student kezimnen bastap elordamızdıñ tili – «Astana aqşamı» gazetinde, üni – «Astana» radiosında azdı-köpti qızmet atqardım. Odan keyin de mwnda birinen soñ biri aşılğan «Nwr-Astana», «El» gazetterinde özindik qoltañbam qaldı...

Qazir közi qaraqtı oqırmandarğa äjeptäuir tanılıp qalğan şağım. Özim şığıstıq äuezben «Şah-şahar» dep at qoyıp alğan mekenimde otbasın qwrdım. Al, qazaqtıñ bwl bas qalasına alğaş taban tiregen 2001 jıl men bügingi şaqtıñ ayırmaşılığı – jer men köktey. Qayran, uaqıt!..

 

İ

Ön boyına ör ruhımdı engizgen,

Tağdırım men öz örisin teñ tüzgen

Asqaq şahar!

El törinde elenip,

Eñselendik biz senimen, sen bizben.

 

Oy, ekeumiz qanday edik bwrında?!.

Jwpını-tın jay-küyimiz şınında.

Aqmola men «auılbaydıñ» sol siqı –

Qantübit qoy, qonıp alğan twğırğa!

 

Köşe jolı – qorıtılğan qorğayday,

Maza bermes masalarıñ – torğayday.

Kürkildetip sarı «PAZ»-dı, «GAZel'»-di,

Oquğa keş jetetinmin oybaylay.

 

Trolleybus jii bosap jeliñnen,

Suırılğan setineuli senimnen!

Onısınıñ tikireytip qos mwrtın,

Şarşap jürer şopırları elirgen.

 

Zäulim üyden jatağan üy köp edi,

Kök tütinin kömeylerge kömedi.

Şatır astı, şım üstinen jırtiğan   

Terezeni qaqpaydı jwrt, tebedi.

 

Orda salar oy qabıldap bastarı,

Aqşasızdar auıldarın tastadı.

Qwrılısqa qwmırsqaşa qaptap kep,

Sayajayğa sığılıstı jas-käri.

 

Dañğıldarda sasıq köbik simirdik,

Trotuar tesigine sürindik.

Jarq-jwrq jazu – qos ökpeni ıstatıp,

Sätteriñe ündeu ğana bügindik!

 

Köñiliñdi en qızıqqa bölemes

Kez kelgen tws – jol apatı, töbeles.

Omartaday bazar twrdı ortada,

Gu-gu, du-du... Onda da joq jön eges!

 

Eske bükken estelikten zorığa,

Bwlqınğan bwl aqın-jürek dolı ma?!.

On jetimnen qalğan sır bar endeşe,

Bissimillä, bir lıqsıtsın onı da!

 

Jarastırıp jüz juılğan kiimdi,

Jüdeu keypim jımiısqa beyil-di.

Päk peyil de päterden päs körmedi,

Döñgeleksiz vagon deytin «üyimdi».

 

Kölkip keyde kökeydegi nıq tañba,

Közdi şıñdar jigerimdi mıqtauğa.

...Qolında mwñ möldireytin anamnıñ,

Jasın sarqıp, oramalın sıqqanda!

 

Iä, Şah-şahar, bolmasa da bay tanım,

Sonday-twğın salmağıña say qauım.

Joldıñ birden ketpegenin dañğıl bop,

Şındığımnan auıtqımay aytamın!

 

Sol şaqtardan talay kündi qwrğatıp,

Bolıp alğan kökeydegi sır jatıq.

Añız tıñdap otırğanday alayda,

Eş pendeniñ senbeytini – bir baqıt!

 

 

 

 

İİ

Wmıttırmaq bolğanday swr şaqtardı,

Köneközim keyinirek baptandı...

Esildiñ sol jağalauı jañadan

İrgetasqa irge jalğap jatqan-dı.

 

Tıñ arnağa ekinşi bir arnadan

Ağıs jasap alğanday-tın bar maman.

Almatıdan tek qol jügin äkelip,

Şeneunik te jataqhana jaldağan.

 

Köz aldımda kürt erigen qardayın,

Qasañ twrmıs añğarttı öz au-jayın...

O, Şah-şahar!

İlgerige oza ber,

Tüzu bağıt äserimen ärdayım!

 

Täuir qılıp tärtipsizdik twrağın,

Küngeyli zañ ıdırattı twmanın.

Däleldedi däulet, säulet dilgirmey,

Jer üylerdiñ eles bolıp tınarın.

 

Ädiptep-aq ärbir jıldıñ är ayı,

Ärin aştı «Bäyterektiñ» mañayı.

Jalt-jwlt etip jerden ösip şıqqanday,

Däuirimniñ däu üyler men sarayı!

 

Menen asıp mekenimiz twğırlı,

Kiimdi tez auıstırıp, qwbıldı.

Audandarı – oqalanğan etek-jeñ,

Şoqpıttardan jwrnaq ta joq bwrınğı.

 

Täuba! Täuba! Töre qonar tör igi!

Şabıtımdı şattığına böleydi.

Örkeniet irgesinen jer alıp,

Öz panasın örgender de köbeydi.

 

Qay qoğamdıq kölikterin körseñ de,

Erkin sıyar zamanaui ölşemge.

«PAZ», «GAZel'»-diñ artta qalğan jıldarın

Ötpeli kez deñgeyimen mölşerle!..

 

Twlğalarım bilekti häm bilikti,

Tarpañına tik eñsemen minipti.

Kil körneki orındardan nazarğa

İri-iri müsinderi ilikti.

 

Dombırasın, mol mwrasın basqa da

Däriptemes köşedegi tas qana.

...Alataudan aqparattıñ tasqını

Kelip jetti, qwt bolğan soñ astana!

 

Erektenip Şah-şaharım eldegi,

Endigine wlttıq wstın dendedi.

Orıstildi ortanıñ da alğaşqı

Toñı jibip, seldiredi señderi.

 

Köñ etikti közqarastan arılıp,

Jañarğanda «jas meken» dep tanıdıq.

Basqa jaqqa bara qalsaq birer kün,

Qalamızdı qalamız şın sağınıp.

 

***

Bergi betke bettegenşe ötkelden,

Bar bolaşaq tülep şığar ötkennen.

Jañarğan öñ – asqar sındı köktemgi,

Asuları astas jatqan kök belmen.

 

 

İİİ

 

Esil audanı

Sol jağında jaña qala jaynağan,

Sırbaz Esil, qanday ğajap aynalañ?!

Öziñmenen attas audan boy tiktep,

Salmaqtandı saltanatqa bay jağañ.

 

Mısalı, ol – kütip körkem alaptı,

Güldiñ ösu sapasına jauaptı.

Qwjınağan aralardıñ biri – men...

Äne, äydik böşkelerden bal aqtı!

 

Sonda tügel eñ qadirli esimder,

Märmär minber, keñ keñseler, ses, ünder.

Esep-qisap, bastı-bastı bastama,

Jahandıq häm eldik qaulı, şeşimder.

 

Osalı joq! Qarapayım kisiñ ne?!.

Bäri mığım! Senim küşi – isinde!

Bwrqırağan qağaz ğana jüredi,

Jıltırağan şınılardıñ işinde.

 

Torap bölip toğısı köp twspaldan,

Jaña audan jaña bağıt wstanğan.

Örkeniet örkeşinde otırıp,

Bir kezi joq wlı köşten tıs qalğan!

 

 

Bas Tu

Bayrağımda – bwltsız aspan bederi,

Jaynauında – Kaspiyimniñ tereñi.

Kün – Azattıq, Qıran – Qazaq.

Al, Oyu –

Wlttığımnıñ, mıqtı qwnnıñ deregi!

 

Jazuı sol bolğandıqtan mañdaydıñ,

Keñistikte keregimşe samğaymın!

Jaña ğasır – qwt-bereke bastauı,

Eski zaman enşisinde zar-qayğım!

 

Öresizder örbitse de qwr qañqu,

Ayıp emes aqiqattı bir qamtu.

Asıruda Aqordamnıñ aybarın,

Täuelsizdik twğırında twrğan Tu!

 

Jelik buıp, jetemin dep entikpe!

Däl ortadan körinedi eñ tüpke...

Şah-şahardıñ şırayına qondırmay,

Mwqım mwñdı jibererdey jelpip te!

 

Erlerinen bap tabatın el mine!..

Eñbeginen baq janatın er mine!..

El, erimmen maqtanatın kezim bwl,

Qane, Bas Tu, sen jelbire!

Jelbire!

 

 

«Mäñgilik El»

Dem berilip Deşti Qıpşaq desinen,

Örnektelgen saq, ğwndardıñ sesimen,

Mıñ ğasırlıq mına bizdiñ qaqpanıñ

Wlı Qıtay qorğanınan nesi kem?!

 

Qwbılağa qarsı qarap qaluğa

Layıq qalpı siñbeytindey sağımğa,

Tört taraptan teñ köringen tört bwrış –

Törtkül älem tamsanatın tanımda.

 

Derbestiktiñ dünielik ekenin

Ayğaqtap bir meniñ wlı mekenim,

«Mäñgilik El» doğasına bekidi

Alaş jwrtın alğa tartar jetegim!

 

Tizgin tüspes Köşbasşınıñ qolınan,

Şaşağa şañ juımaydı jolınan.

Şah-şaharım – qajımaytın qazanat,

Al, bolaşaq – berekege tolı mañ.

 

...Zar-zamanda bolmağanday äne tük,

Ketpe, wlım, tek şen-baylıq dämetip!

Qıl sızıqtıñ qiılmauın eske twt,

«Mäñgilik El» qaqpasına täu etip!

 

 

«Qazaq eli»

Qazaqı dil, bwzılmağan qaymağı,

Mwnaranıñ wşarbasın jayladı.

Alıp eldiñ erkin samğar säti ğoy,

Samwrıqtıñ kökke qanat jayğanı!

 

Jalğanda köp jaqsılıqqa tilense,

Twtastıqtı türtpes eşkim tülenşe...

Tek Aqorda mañayına üylesti,

Eldigime arnalğan bwl tik eñse!

 

Köz aldımda keyiptegen añızdı,

Anau altın jwmırtqa da mañızdı!

Qamsız damıp biiktegi bolaşaq,

Mısı basar aydaharday jauızdı...

 

Wlı iste etilmeydi ep ünem,

Jarasımdı jüyesi twr retimen.

Tüp diñgekti nığaytuğa negiz bop,

Nwrağamnıñ ör twlğası bekigen.

 

Men jürekke tağı da bir sert budım:

Wlttıq ilim – tärbiesi tekti wldıñ!..

Sen teñdessiz biiktikti, qwlınım,

«Qazaq eli» monumenti dep bilgin!

 

 

«Bäyterek»

Bastamasın elordalıq bar qwttıñ

«Eskirmeytin eskertkiş» dep qamtıppın...

Biraq, onıñ basınan zor ün qattı,

O, Nesipbek Aytwlınan artıq kim?!

 

Wlttıq miften eles berer pişinge

Oymen üñil!

«Jay nısan» dep tüsinbe!..

Darhan eldiñ qonaqtarı qaptap jür,

«Samwrıqtıñ jwmırtqası» işinde!

 

«Nwrekeñniñ alaqanın qwr qalmay

wstayın!»,- dep keledi bir sır qamday.

Qalıpqa qol qoyar sosın qobaljıp, 

Sol kisimen amandasıp twrğanday.

 

Qaptalınan kün aynalıp, ay qarar,

Jer şarınday mwnday ğajap qayda bar?!

Qaraşığıñ är twsınan qadalıp,

Şah-şahardıñ twtas körkin aymalar.

 

...İrgetastar irilenip ığında,

Damudıñ bir satısına şığuda.

Özi ğana oqşaulanıp twrmas-au,

Menen keyin tuar aqın jırında?!.

 

 

Nazarbaev ziyatkerlik mektebi

Ğılım, bilim örden ötip şektegi,

Keñistikte kemeldikke bettedi.

Tıñnan türen salıp jatır sol üşin,

Nazarbaev ziyatkerlik mektebi!

 

Wstanımnan «üş twğırlı til» degen

Öngen tamır tereñderin bilgen em.

Qazaq, orıs, ağılşınşa bwtaqtar,

Berik diñde teñ tınıspen bürlegen.

 

Säbi şaqtan til meñgergen tülek pen

Bağban birdey, baqşasına gül ekken!

Kökirektiñ közin aşsa bireui,

Ekinşisi sauap alar jürekten.

 

Nazarbaev – är közdegi ot wğım!

Ziyatkerlik – toqularğa toq ilim.

Armandaydı esi tüzu ata-ana,

Balasınıñ sol mektepte oquın.

 

Qırtısına qonaqtamay qwm, şañdaq,

Jas sanadan twrğan läzim nwr saulap.

Talap üstep, talpınt biraq,

Tastamay

Qwr armannıñ qwrdımına qwrsaulap!..

 

 

Nazarbaev Universiteti

Şıñdalatın bilimpazdar eñ erek,

Bwl jahandıq oqu ornı keremet!

...Jegiñ kelse balbırağan jemisin,

Täuir körgen twqımıñdı tereñ ek!

 

Oqu ğana añğarılsa oyımnan,

Balañdı küt, soğan özi boy wrğan!

Ozıq orda oñ qaraydı,

Atauı

Köşbasşınıñ qwrmetine qoyılğan!

 

Äsirese, atı mäşhür älemge

Ğwlamalar sanasuda är elde.

Källäsında käkir bolsa kerdeñniñ,

Mansabıñdı mañaylatpas ä deuge!

 

Sara sözge senbe meyli, sen meyli,

Aqiqattı astarlağım kelmeydi:

Şah-şahardıñ şıñındağı äz-wya –

Oksford pen Kembridj deñgeyli!

 

Şıñdalatın bilimpazdar eñ erek,

Bwl jahandıq oqu ornı keremet!

...İşi tarlar işten oqıp tusa da,

Moyındauğa odan artıq ne kerek?!

 

 

IV

Döñgelengen dünieniñ döp üsti

Şah-şahardan kördi mına jön isti:

Külli dinniñ basşıları bas qosıp,

Pätualı pikirlerin bölisti.

 

Aramdardan arıltpaqqa ar qwnın,

Mindet etti minäjattıñ barlığın...

Bir tüyilse nanım, tanım tinderi,

Bwrmalanbas jariyağa jar ğılım!

 

Bükilqazaq qwrıltayı kezinde

Şettegi jwrt erik berer sezimge...

El törinen qwşaq aştı olarğa

Ruşıldıq pen jerşildikten meziñ de!

 

Şekaradan ötkenderi tizilip,

Äkeledi mıñ tilek pen jüz ümit.

Wşaqtardan qwşaqtarğa qwlaydı,

Añsarlı şıq ieginen üzilip.

 

Jer jüzinen qwyma qwlaq türilip,

Bizdiñ jaqtan küter sätte irilik,

Euraziyalıq forumdarın ötkizdi

Qos qwrlıqtıñ tilşileri birigip.

 

Şah-şahardan şiratılıp aqparat,

Ärbir tilden ärip tizdi aq paraq.

Täjiribe almasadı mamandar,

Söz saptauın şaqtap, saqtap, jattap-aq!

 

Biligimde bekidi de bedel nıq,

Batıs, Şığıs elderine elendik.

Köregendik tanıtıppız,

Kirgende

Odaqtarğa Euraziyalıq, Kedendik!

 

Beybit türde beldi bekem budıq biz!

Ozıq elder qatarında twrdıq biz!

Önerkäsip, öndirisi damığan

Joğarğı bir körsetkişke ırğıppız!

 

Sarıarqada sögitilip säl köbe, 

Menmwndalap köringendey är töbe.

Alıp körme – EXPO-nıñ şoqtığı

Jalğadı sol märtebege märtebe!

 

Jañalıqtar jürek közin qaritın –

Tüpki tür ğoy, däuir sayın damitın!..

Esil tolqıp, nwr jüzine şığardı

Ağısında twnğan asıl tarihın!

 

Şah-şaharım bolğan sayın tanımal,

Aq tüyeniñ qarnı ärkez jarılar!..

Ol orasan ordasında elimniñ

Jer jüzilik igiliktiñ bäri bar!

 

Hanşayımday jürisi say ärine,

Tez siñisti mına jaña däuirge.

«Damığan el astanası» atına

Säykes sätter tua berer äli de!

V

El, Elbası, elordanı bir tanım

ayasında ayalap-aq jür qauım...

Täuelsizdik tuın süyip tizerley,

Wlı üştik namısın men jırtamın!

 

Täuir tilek orındap Haq – Täñiri,

Jigerlendi ärbir ağa, är ini...

Qazaq eli – bağanalı aq orda,

Nwrağamız – otağası känigi!

 

Bekitip Ol keñ kerege, jaqtaudı,

Şañıraqtan kördik atqan aq tañdı.

Bosağadan ense ırıs-ıntımaq,

İrgemizde qauipsizdik saqtaulı!

 

İşine qwt darımağan bekerge,

Şah-şahardı şağın otau eken de!..

Sonı serpin, tıñ tınıs ta osında,

Twlparların tüsirmeytin tepeñge!

 

***

Qızıl odaq qwlağanğa deyingi

Bir şındıq bar, jañğırtatın zeyindi:

Bayandı el, baytaq jerden köleñke

Nwrağamnıñ arqasında seyildi!

 

Eski tası domalağan tez örge,

Essiz qoğam er eñsesin ezer me?..

Eñkeymedi erkin oylı qayratker,

El tağdırı sınğa tüsken kezeñde!

 

Kökbörişe tura jortar tüzbenen,

Sauap boldı, saqtansaq ta biz neden!

Qaysar wldan ığıp qaldı eriksiz,

Jaulıq piğıl işten ilik izdegen!

 

Üstemşil top ülgergenşe qas qağıp,

Qamıttarın qaq ayırıp tastadıq!..

Orıntaqqa otırğanda Nwrağam,

Jaña däuir ketti birden bastalıp!

 

Arttarına qaldırmaytın eş belgi

Taqqwmarlar bwl kisige des berdi.

Ata Zañnıñ bas avtorı bop özi,

Ata-baba armandarın eskerdi.

 

TMD-dan şığıp jalğız tetigi,

Bizde ğana Assambleya bekidi.

Wltaralıq tatulıqtı nığaytu –

Birtwtastıq, twraqtılıq kepili!

 

«Salamattı Qazaqstan» torabı

Jeteledi em, şipalıq jobanı...

Özimizdiñ öndiris pen önim de

Satıda twr sayasattan joğarı!

 

Al, mädeni mwralarğa kil köne

Säule tüsti, ot tigendey piltege.

Mıñ än, mıñ küy...

Babalardıñ sözinen

jüz tom jinaq şığartqanı – bir töbe!

 

Twrmas ömir ğajayıptı añsaudan,

Oñğarılıp, ol da şıqtı qarsı aldan:

Elbasınıñ tuındısı – elorda,

Abatına altı qwrlıq tamsanğan!

 

Wstınında – wlttıq naqış, ırıs-baq,

Keşenderi kemeldikti twr wstap.

Baqıttımın, avtorımen birge men  

Jürgendikten bir auamen tınıstap!

 

Jan-jağına jasıl jelek ornadı,

Jerlesterdi jel, borannan qorğadı.

Ideyasın isinetin atauı

Bolu kerek «Nazarbaev ormanı»!

 

Layıqtımnıñ wsınısqa osınday

Aynalası – tatu körşi, dos ıñğay!

Janı aşıp jalındağan jasqa da,

Talpınısın quattaydı tosılmay.

 

Mendik maqsat – jaqsılıqtı jasırmau,

Jalğan aytıp, joğarığa bas wrmau!..

Memlekettik mindetterde şınımen,

Jas mamanğa jağday jasau basımdau.

 

Iä, Rabbım, aq öleñdi näsip et!

Qara niet bara jatır ras üdep.

Bosağada batırsınıp otırıp, 

Oy jetpeske tildi sozu – qasiret!

 

Tirisinde twrsa twrmıs twralap,

Tabansızdıñ öz sorında min, ağat!

Öte swmdıq, şığa kelu bir jandı

Jeke-jeke kiltipanğa kinälap?!

 

Sauatsız sın sırttay salar tabağa.

Salmaqsız swm, oşağıñdı sabama!..

Joldau erek bolğandıqtan jıldağı,

Qoldau kerek sonı jazğan ağağa!

 

Ökinişsiz, wzaq ömir süruge

Narqın nıqtap, halqın tarta bilude.

Babı bekem bwl tolağay twlğanıñ

Jer jüzinde teñdesi joq büginde!

 

Jauap berip talaptarğa sapalıq,

Zau biikte «Mäñgilik El» atanıp,

Biz Ortalıq Aziyada derjava

Bolıp qalar mejemizge taqadıq!

 

Tınısınıñ tılsımın tek tau wğar,

Aynalayın, Altı Alaştıñ bağı bar!

Mıñ ğasırğa tatitwğın ğalamat –

«Nazarbaev däuiri» dep tanılar!..

 

Nazarına ilikkende jır aman,

Şın marqayıp qalar, sirä, Nwrağam?!.

Öleñşiler sanatınan emespin,

Jattalmaytın jıltır sözdi qwrağan!

 

 

VI

ŞAH-ŞAHARIM äsemdikten şep tüzdi,

Eski öñge jaña boyau jetkizdi...

Ökpe twstan ötip ketken joq şığar,

Eskerer sät «alğaşqı lek» dep bizdi?!.

 

Osı jerden jiğandıqtan mol ilim,

Eşbir pende dey almaydı onı min.

Köp bälsinip keşe kelgen key sabaz,

Bäs tüsse de, bayağıday KÖÑİLİM!

 

Erlik jaylı aqıl ayttı ez inim,

Bir şişalıq «dostardan» da mezimin!

Solar bar dep,

Keñ qwşaqtı mekenge

suımaydı eñ alğaşqı SEZİMİM!

 

Qaytpay qoyğan, qatqanımen sile mıñ,

Iqpaldardan ırqım ada – bilerim.

Gül örnekti alañdardıñ arqası,

Şaylıqpasa jügi batpan JÜREGİM!

 

Jüz elitip, jelpinter är adamın,

Qalanıñ bir qwtı bolğay qalamım!..

Dañğıldarı jañğırığıp dañqınan,

Qartayğanşa qarıştaydı QADAMIM!

 

Tilmen şeşsem talabımnıñ tüyinin,

Igiligim iliktirer iinin...

Twrsın äzir silemin de sezdirmey,

Sarıarqada saqtalatın BIİGİM!

 

Kökjiekten kündi körsem men bügin –

Jappağanı jarqırağan eldi mwñ.

Tausız dala –

Ormandarğa oranıp, 

tınısıma tınıs qosqan KEÑDİGİM!

 

Şaşu etsem Şah-şahardıñ deregin,

Üştoğızdı ayamağan er edim.

«El ordası» degen tanım – twp-twnıq,

Tartılmaytın, sarqılmaytın TEREÑİM!

 

Bir ärpindey jariyalı Jarğınıñ,

Jalpı, mwnda eş qatesiz bar qwnım!

Jaña qala qabırğasın örgende,

«Astanalıq» dep qalanğan TAĞDIRIM!

 

***

Jwtqandıqtan auasınan, suınan,

Tamırımda tulay tüsti wlı qan.

Oy tozañın şayıp aspan jasımen,

Samalınıñ sıbırınan sır wğam.

 

Twraqtasañ jan-täniñdi wmsınıp,

Twra bermes qısı da qwr qırsığıp.

Bir ret qabaq şıtqan emes özime,

Özgelerge köringenmen tım suıq!

 

 

VII

Osı jaqta basımızğa baq darıp,

Qiındıqqa qiyal sarqıp jatpadıq...

Balalarım qalaların däripter,

«Kindik qanım tamğan jer» dep maqtanıp!

 

Bolğanımen özi eldiñ jüregi,

Bizdiñ jürek qağısında jüredi.

Tañ atısın, kün batısın osında

Ötkergenge şükir etem ünemi.

 

Jırım – şınım. Has aqınğa tän, mine!

Arnau kerek bir şınayı ändi de!..

Jılda mwnıñ tuğan künin äspetter

Mändi mätin jazıp ketem mäñgige:

 

Astana küni, Astana küni – şattığım!

Baq gülin ekken sätti kün eken naq bügin.

Wlıqtar tınbay ğwrıptan ıñğay aynımas,

Wmıtar mwnday, wmıtar mwnday şaqtı kim?!

 

Astana küni, Astana küni merekem!

Sen eken aq tañ. Berekem artqan el ekem.

Tuğan küniñmen, tuğan küniñmen, bas qala!..

Dumandı ünmen jırlardı birden sel etem.

 

Astana küni, Astana küni... Ne deyin?..

Ne deyin sağan?!. Teñeyin ğalam mereyin!

Aşqan äriñdi asqan säniñdi paş etip,

Asqaq änimdi, asqaq änimdi tögeyin.

 

Jigeri mıqtı, tilegi qwttı ağayın!

Oñı men solı ırısqa tolı mañayım!

Aspanı nwrlı, asqarlı, nulı baytağım!

Bäriñe de jar, bäriñe de jar salayın!!!

 

 

Erkeğali BEYSENOV

Astana

tamız, 2014 jıl

Abai.kz

0 pikir