28 mausym – Baspasóz kýni. Jyl boyy әleumetke qyzmet qylatyn jurnalister qauymy turaly búl kýni ne aitugha bolady? Osynday saualdyng jetegimen belgili ghalym-qalamger Ábdirashit BÁKIR myrzany әngimege shaqyrghan edim.

–Ábdirashit myrza, «Ólmegen qúlgha әli-aq – jaz» degendey, mine, jornalshy qauymnyng kәsiby merekesi taghy bir ainalyp kelip qaldy. Siz de, negizgi kәsibiniz filosof bola túra, býginde negizinen jurnalistikany kóbirek jaghalaghan jazarman atanyp jýrsiz. Osy mereke siz ýshin «jetim qyzdyng toyynday» ghana bir data siyaqty emes pe? Ózining taghayyndalu merzimi de beymaghlúm birdene – ay daladaghy auzy-múryny joq aq otau siyaqty kórinbey me?

– Shynymdy aitsam, men studenttik kezde qúrylys otryadtaryna barghan kezde, tamyz aiynyng alghashqy jeksenbisinde toylanatyn qúrylysshylardyng kәsiby merekesin әli de úmyta almay jýrmin. Sol mereke maghan qalghandarynan әldeqayda jaqyn kórinedi de túrady. Mýmkin, studentterge әrbir mereke – «mereke» bolghan shyghar.

Degenmen, «qúrylysshylarda» bir ýlken artyqshylyq bar: olar nebir tamasha ghimarattar salyp, ómirde әsemdikti tuyndatady! Osy izgilikti jolda olardyng barlyghy teng − joghary-tómeni joq. Men filosof mamandyghyn alghandyqtan bolar, keyde «filosoftar kýni de jaqsylap toylansa eken...» dep qoyamyn... Biraq solay dep niyettensem bolghany − kónilde nebir kýmәndi oilar atoy salady ghoy: «Áy, sender kimsinder? Qaysybir danalyghynmen moyyndatyp edinder? Toyda ne aitasyndar?» degendey... Sosyn: «Jalpy, filosoftargha mereke qajet pe?» dep oilaymyn.

Shyn filosofqa merekeleuge, yaghny − ózin «filosof edim» dep, ózgeden ghana emes, ómirden bir sәt bólekteuge esh bolmaydy. Sebebi ómirden alshaqtap ketken, ne bolmasa filosofiyany kәsip kórip, ony «merekege» ainaldyryp alghan filosof – ólgen filosof. Al «ólgenge» merekening qajeti qansha? Áriyne, jurnalistika da soghan úqsas. Alayda olar adam janynyng әsemdigimen qatar, ómirding nebir qyryn kýndelikti pash etedi. Olar − qogham sanasyn qúrushy qúrylysshylar. Olardyng filosoftardan aiyrmashylyghy da sonda. Endeshe jurnalisterdi tól merekesinen ajyratugha bolmaydy. Sebebi múnda sabaqtastyqtyng boluy manyzdy. Sony ýzip almau ýshin de olargha kәsiby mereke − yaghni, jyl sayyn alghan baghytty aiqyndap, jana mýmkindikterdi saralap otyru qajet shyghar. Al filosofiyagha búl maghynadaghy sabaqtastyq asa qajet emes. Sondyqtan naghyz filosoftardyng ózderining «tól merekesinde» ýnemi tóbelesip tarqasatynyn talay kórdik qoy...

– Negizinde osy kәsiby mereke kýni retinde qazaq baspasózining tarihyna qatysty bir datany tandap alghan jón bolmas pa edi? Mәselen, «Dala uәlәyati» nemese «Týrkistan uәlәyati» gazetterining birine baylanystyryp, qazaq baspasózining tarihyn ótken ghasyrlardan beri tartsa, bizding ótkenimizge múrynyn shýiire qaraytyn basqalargha da eskertu syqpyty bola edi...

– Mýmkin. Biraq keyingi kezde bizding qogham shamadan tys «tarihilanyp» bara jatqan joq pa osy? Jalpy, tarihty oryndy-orynsyz algha tarta beru – ózderi tarihty jasay almaytyn әlsizderding zamany deuge keledi. Endi ol – basqa әngime. Ózing de bilesin, bayaghyda tughan kýni jazylmaghan ata-әjelerding tughan kýnderin ne 1 qantarda, ne 1 mamyrda toylap jatatyn edik qoy. Meninshe, sol siyaqty búl merekeni qay uaqytta ótkizudi jurnalister ózara dauysqa salyp sheshkeni jón siyaqty. Búl olargha asa qiyngha soqpas dep oilaymyn.

– «Tariyh» demekshi, búl kýnning belgilenu tarihyn bilesiz be, Ábeke? Dәl osy kýni, úmytpasam, 1993–94 jyldardyng biri boluy kerek, el preziydenti tәuelsiz Qazaqstannyng «BAQ turaly» zanyna qol qoyghan edi.   Sol qabyldanghan zang da demokrattyq ruhtaghy, baspasóz bostandyghyna naghyz erkindik bergen zang boldy. Kezinde, Altynbek marqúm Sәrsenbaev ministr bolyp túrghanda, osy kýndi «Baspasóz kýni» dep jariyalaugha úitqy bolghan. Keyinnen bәri ózgerdi... Aqyry   zangha qol qoyghan kýni Altynbekting atyna baylanysty bolyp ketpesin dep, ol datany mausymnyng songhy jeksenbisine auystyrtqan jandayshaptar shyqty. Osylaysha jurnalisterding kýni tamyzdyng alghashqy jeksenbisinde kәsiby merekesin toylaytyn «Qúrylysshylar kýni» qúrly bolmay qaldy: «Merekemiz qay kýni edi?» dep, óz datasyn aiyra almay, dal bop jýrgen jurnalister kýni býginge deyin ortamyzda jýr. Óz elinin, óz biyligining nasihatyn kýitteytin jurnalisterdi tәlkek qylghan búl sayasatty jәdigóilik demegende, ne deymiz endi?

– Degenmen, búl sayasattyng basqa da qisyny bar shyghar. Áytpese «Qazaq» gazetining alghashqy sany shyqqan kýndi de «Baspasóz kýni» deuge bolmas pa edi...

– Onyng qisynyn terennen izdep, tipti de sharshamanyz, Ábeke! Onyng qisyny sol – býgingi biylikke qazaq jurnalistikasynyng qolbala bolghan jayy bar. Ne kókise – sonysyn sóz ettirip, elding de, jornalshylardyng da miyn ezip tastady. Onyng ýstine biylik basynyng tikeley ózine bolmasa da, ondaghy jeke túlghalargha qatysty azu kórseterlik qauhary qalmaghan son, bú jurnalister qauymyn o biylik itpisin-kisimising desin be?! Gәpting ekinshi basy jurnalisterding ózinen shyghady. Maghan salsa, olardyng ózderine de sol kerek: jýrsin solay – dókeyler biylegen dýniyede dal-dal dýbәrә bop!

Ábeke, odan da mynany aitynyzshy: osy siz memlekettik resmy basylymdardy oqisyz ba? Ony súrap otyrghanym: oghan sarp etken qayran uaqytynyz «jalko» emes pe degenim ghoy...

– «Ana tili», «Qazaqiya» gazetterin, «Aqiqat» jurnalyn jazdyryp alamyn. Qalghan resmy gazetterge sayttar arqyly kirip túramyn. Onda da gazetti shúqshiyp oqymaymyn. Tarihiy-tanymdyq, ne ózim bilmeytin túlghalar turaly materialdardy qaraymyn. Keybir kezde «resmy gazetter kimdi, neni maqtap jatyr eken» degen rakurspen oqimyn. Ózim bir maqala jazarda osylay jasaymyn. Sebebi onda «maqtaymyn dep maqtamen bauyzdaytyn» jaghday jii kezdesedi. Tak chto, jalko emes!

Sosyn men «resmiy» degen ataqty memleketten qarjylandyratyn basylymdardyng ne sebepten «menshiktep» alghanyn týsinbeymin. Qarjy alghany ýshin be? Bolmasa «memlekettik tirkeuden» ótken barlyq basylymdar «resmiy» boluy tiyis emes pe?

– «Kim aqysyn tólese, sol – qyzdy qúshaqtaydy» degen óni ózgergen mәtel bar: ózining sandyraghyn elge ótkizu ýshin, «memlekettik BAQ» degen atau taghayyndap, solardy asyrandy etip alghan. «Habardaghy» Qazaqstan» degen atau sodan shyghady...

Al siz qalamger ghana emes, sonymen birge ghalym retinde aitar bolsanyz – býgingi qazaq jurnalistikasy qazaqtyng biteu jaragha ainalghan qotyryn qasy alyp jýr dep oilaysyz ba? Mәselen, eldegi «qazaq mәselesi» biylikting qorasynda otsyz-susyz baylanyp qalghan mәsele bolghan son, әsirese sol biylikke baghynyshty basylymdar osy taqyrypty tartynbay jazyp jýrgenine dәlel keltire alasyz ba?

– Qazirgi qazaq jurnalistikasynda nebir dýldilder bar. Olardy halyq biledi. Biraq bizde taqyryp nemese «mәsele plagiattyghy» óris alghan. Ol taqyryp tapshylyghynan tuyndaydy. Sebebi nede? Oghan mening aitarym: jurnalistikada «informasionnyy povod» degen úghym bar. Ol – kez kelgen mәseleden oqyrmandy qyzyqtyratyn týiin tabu. Qazaqsha ony «syny kózqaras» degennen góri «ilik izdeu» degen jón siyaqty. Mine, barlyq mәsele sol – «ilik izdeude» jatyr. Kóp jurnalist «ilik» taba almay әure bolady. Bireuler ony tipten jaman qasiyetke balaydy. Bireuler «ilikti» kóre túra, ainalyp ótedi...

Nege? Eger osy súraqqa jauap tapsanyz, onda óziniz qoyghan súraqqa jauap tabarynyzgha men senimdimin. Bayaghyda ústazymyz Aghyn Qasymjanov aitushy edi: «Adamnyng basy qoqys tastaytyn jәshik emes» dep. Sebebi bir-birine baylanyssyz aqparat migha meylinshe kóp qúiylghan sayyn, midyng logikalyq oilau mýmkindigi de әlsirey týsedi eken. Al logikadan ajyrap qalghan oy tiyanaqty bola almaydy. Sol siyaqty qogham da ózining damuynda basty «logikasynan» ajyrap qalsa – tiyanaqty damugha qol jetkize almaydy. Aqparat aghyny da osy zandylyqqa baghynady – alogikalyq qoghamda bir maqsattaghy aqparattyq jýie qalyptaspaydy. Sondyqtan qoghamdaghy qúbylystargha syny kózben qaraytyn «ilik izdeushilerdi» − qoghamnyng kózin ashyp, sanasyn týrtip, oyatyp otyrushylar dep sanau qajet te, «bәri jaqsy» dep ertegi aitushylardy − qoghamdy «әldiy-әldiymen» besikke bóleushiler dese bolady. Al ertegi men shyndyqtyng arasy jer men kóktey ghoy. Ári besikke bólene bergen bala meshel bolyp qalatyny beseneden belgili jayt. Mәselen, men keshe ghana auyldan keldim. Onda naghyz «alogikalyq» oqighagha tap boldym − qyzmeti men qoghamdyq statusyna say zandy búljytpay saqtauy tiyis oblys kóleminde belgili qayratkerding bizneste zandy belden basyp, auyldyng sharasyz sharualaryn sotqa jýginuge deyin aparghanyn, qarapayym halyqty әbden ashyndyrghanyn kózben kórip, jinalysyna qatysyp qayttym... «Resmiy» basylymdar osynday «alogikany» nege kórmeydi? Jinalysta bireui qara kórsetpedi. Nege? Sebebi «ilik izdeuden» qashady. Al ózim tanityn jurnalisterden men astanalyq Quandyq Shamaqay, qazir aqtóbelik Ómirzaq Aqjigit, almatylyqtar Dәuren Quat, Aydos Sarym, Baqytkýl Mәkimbay jәne qyzylordalyq Jetker Jýsip jәne birqatar azamattardyng «jeleznyy logikasyn» atap óter edim.

– Dúrys aitasyz – sizding «iliginizdin» gazet tilinde ekinshi atauy bar: ony «sary jaghaldyq» (orysshasy – jeltizna) dep ataydy. Qanday basylym bolsyn, ol biylikting gazeti bolsa da, jon arqasynda azdaghan jaghal boluy kerek. Onsyz BAQ atauly tym «qúrghaq» bolyp ketedi, al qúrghaq dýnie tútqyr bolatynyn bilesiz.

Al endi myna jaghdaygha oy jýgirtip kórinizshi: Euraziyalyq ekonomikalyq odaq mәselesine qatysty jariyalanymdar memlekettik basylymdar men tәuelsiz gazetterde qarama-qayshy ýrdiste órbigenin óz kóziniz kórdi. Tipti ózin «el gazeti» sanaytyn «Egemen Qazaqstannyn» ózi osy odaqqa qarsylardyng lәm-mim pikirin bere almady. Osynday eki úday jaghdaydy siz qalay baghalaysyz?

– Búl óte kýrdeli súraq. Euraziyalyq ekonomikalyq odaq ózine deyingi Kedendik odaqtyng tabighy jalghasy ekenin bәri de biledi. Sonymen qatar Kedendik odaqtan zalaldan basqa eshtene tappaghanymyzdy da bәri biledi. Sony ghylymy týrde dәleldep beruge tyrysqan tәuelsiz basylymdar men avtorlardy elemeu – olardyng keltirgen dәlelin ishtey moyyndau dep sanaymyn. Bolmasa ashyq týrde olargha qarsy óz dәlelderin aitugha kim kedergi boldy? Olar tipten, «búl odaqtyng tiyimdiligin halyqqa jetkize týsindiru qajet» degen talabyn da oryndaudan bas tartty. Sol kezde osylardyng ornynda bolsam, bylay der edim: «Euraziyalyq ekonomikalyq odaqqa enu arqyly biz reseylik keybir kýshter tarapynan úiymdastyryluy mýmkin bolatyn Ukrainadaghyday jaghdaydan qútyldyq. Endi búl odaqty biz ózimizding últtyq mýddelermen alansyz ainalysugha kepil bolatyn tetikke ainaldyrugha úmtylamyz. Osy maqsatta últtyq birigudi kýsheyte týsemiz. Biz óz tәuelsizdigimiz ben últtyq biregeyligimizdi odaq ayasynda búrynghydan beter qarqyndy jýrgize bastaymyz. Tendik pen dostyqty algha tarta otyryp, mәdeniyetimiz ben tilimizdi damytugha senimdi kirisemiz. Ekonomikalyq tәuelsizdikti nyghayta beremiz».

Olay dep eshkim aitpady. Men de aitpas edim, sebebi men búl odaqty әli de jasandy qúrylym sanaymyn. Eger bizding biylik mening kózqarasymdy týbegeyli ózgertip, jaghdaydy týzep ketse – aldymen men quanatyn bolamyn. Biraq men aitpaqshy bolghan isti korrupsiyany shektey otyryp, zannyng ýstemdigin saqtay otyryp, dúrys ekonomikalyq tetiktermen әldeqashan jýzege asyrugha bolar edi. Olay bolghan joq, sol ókinishti. Onyng ýstine onday shyndyqty aitu ýshin kimge de bolsa aldymen «úrandatatyn dostyq» pen «shynayy dostyq» degenderding arasyn ajyratyp alu kerek. «Úrandaudan» jalyqqan halyqtyng kóbi әli de odaqqa senimsizdikpen qarap otyr. Ol turaly derekti keshe ghana «Qazaq ýni» gazetining sayty jýrgizgen saualnamadan kórdim, dauys berushilerding 70-ten astam payyzy Odaqtyng qúryluyn qatelik dep biledi eken. Endi she – Ukrainadaghy jaghday kóz aldymyzda ótip jatyr ghoy, әli de túraqtala qoyghan joq...

– Búl arada sol memlekettik BAQ-ta qyzmet qylyp jýrgen qazaq jurnalisterining azamattyq ústanymy (nemese ol ústanymnyng joqtyghy men solqyldaqtyghy) kezektegi basty mәsele bolsa kerek. Mysaly, Ukrainadaghy jaghdaygha baylanysty jalghan aqparat taratyp, úlyorystyq shovinizning shekpeninen shygha almaghan «Rossiya tudey» telearnasynyng birneshe jurnaliysi tikeley efir kezinde qyzmetterinen ketetinin mәlimdep, júmystan shyghyp ketti. Búl – júmyssyzdyq mәselesi ushyghyp túrghan AQSh-ta bolghan jaghday. Al bizde osynday azamattyq ústanymyn tanytyp, biylikting synarjaq sayasatyna narazylyq bildirgen bir qazaq jurnaliysin esinizge týsirip kórinizshi?

– Nege olay oilaysyz? Mәselen, keybir resmy atalyp jýrgen basylymdarda Euraziyalyq ekonomikalyq odaq pen Tәuelsizdik mәselesi túrghysynda әrtýrli pikirtalas úiymdastyryldy. Onda búl mәsele býge-shigesine deyin talqylandy da. Endeshe, resmy basylym tek birneshe gazetpen shektelip qalmaydy dep sanau kerek shyghar. Sonymen qatar FB-taghy dosymyz Dina Týlekova óz postynda bylay dep jazypty: «Ekspromt. Euraziyalyq odaqqa qarsylyq tanyttym. Basqa – basqa, biraq tura osy joly EO-ty ótirik kólgirsip, maqtap, reportaj әzirlegim kelmedi. Ishki qalauym sol boldy. Ózim 20 jyl boyy auzym tynbay «jyrlaghan» preziydentke osy odaqtyng avtory bolghany ýshin de renish bildirdim. Búrynnan «oppozisiyamen sybaylas» dep syrtymnan sypsyndap, jalghan aityp jýrgenderding sózin rasqa ainaldyryp, jalghandy jalpaghynan basyp, ishimde tyghylghan talay dýniyeni jelide ózderinizge armansyz aqtardym. Sodan ne kerek, júmystan kettim...». Búl ne – kózsiz tәuekel me, әlde sanaly erlik pe?

– Men Dina qaryndasymnyng búl erligin estimegen ekenmin. Endi tәntimin: «Jaraysyn, Dinajan! El men júrt degende oiy myghym, ústanymy últqa say adamgha júmys tabylady: onday búralqy BAQ-tan ketkening jón bolghan eken» degim kelip otyr.

Búl rette dәl osy saryndas taghy bir súraq tuyndaydy: «qazaq mәselesi» turaly aitqanda, qazaq intelliygensiyasy da «auzyn bughan ógizge» ainaldy. Juyqta bizding gazetke súhbat bergen tanymal ghalym Qanaghat Jýkeshev búl jaghdaydy býgingi intelliygensiyanyng «auyldan shyqqan» sindromyna baylanystyrdy. Ghalymnyng sol pikirin bir auyz sózben aitar bolsaq: auyldan shyqqan býgingi ziyaly elge tútqa bola almaytyn siyaqty. Bir qyzyghy – «olay emes» dep, bizding gazetke telefon shalghan tym qúryghanda bir ziyaly bolmady. Soghan qaraghanda, Qanaghat agha sol «ógizdikke» ainymas diagnoz qoyghan siyaqty ghoy...

– Qanaghat aghany ruhany túrghydan ústaz tútamyn. Kóp nәrsege kózimdi ashyp keledi. Biraq azdaghan ghana azat oily aqparat kózderinen kesek-kesek sózder aitushylar kim? Týgelge juyghy auyldan shyqqandar emes pe? Endeshe auyldan shyqqan intelliygensiyany basybýtin «ógizdikke» qimaymyn. «Auyl sindromy» jaltaq intelliygensiyany tuyndatudyng basty sebebi bola almaydy. Óitkeni biz «auyl sindromyn» shyndyq dep qabyldauymyz qajet. Sonymen qatar qazaqtyng ózin auyldyq rezervasiyada ústaudy, sol arqyly tejeudi, damuyn shekteudi de shyndyq dep qabyldaugha tiyistimiz. Sonda bәlening bәrin auylgha jaba salmaytyn bolamyz.

Meninshe, qazaq ziyalylyghynyng «auyl sindromynan» qútylu zamany endi ghana bastalyp kele jatqan synayly. Búl әli de úzaqqa jalghasuy mýmkin. Sebebi oghan mýddeli faktor – korrupsiyalyq-klandyq jýie әli de kýshinde. Kinәni aldymen sol jaqtan izdeu kerek. Sondyqtan men «Abay.kz» saytynda jariyalanghan «Oyan, qazaq, mәngilik úiqydan» atty maqalamda «bizdi demografiyalyq sekiris» qútqarady dep sharasyzdyqtan jazdym. Orta neghúrlym qazaqylana týsken sayyn, onyng ziyalylary da ortaq mýdde ýshin qyzmet etudi kýsheyte beredi dep ýmittenemin. Ol kezde maqsat ortaqtyghy qazaqtyng búrynnan qauymdasyp ómir sýru prinsipterin oyata kele, qazaq ziyalylyghyn qazirgi shashyranqy kýiden, boykýiezdik pen jalghandyqtan aryltyp, júdyryqtay júmyldyra bastaydy. Al qazaqtyng qauymdasyp ómir sýru prinsipteri, negizinen, eldi әdildik pen órlikke tәrbiyelegen. Qazaqtyng «jigit», «aqsaqal», «azamat» úghymdarynyng mәnisin osynday maghynalar tolyqtyratyny beker emes.

– Búl pikirinizdi moyyndaymyn. Biraq men Qanaghat aghanyng «jaghynda» qalam... Býginde jekelegen sarapshylar qazirgi qazaq jurnalistikasyn túralaghan jerinen, ziyaly qauymdy úiqysynan túrghyzu ýshin, kezindegi kenestik «qayta qúru» siyaqty sayasat qajet deydi. Qoghamdaghy sayasy biylik ózgermeyinshe, onyng jeteginde jelip jýrgen jurnalistika da jóndelip ketpeydi eken... Osy rette siz qanday pikir aitar ediniz?

– Onda onyng senzurasyna da qayta oralayyq... Ármen ketsin! Onsyz da qazir senzura kýsheye bastady. Degenmen, sizding aitqanynyzdy «qayta oraludyng aldy» dep sanaugha bolady eken. Biraq mәsele onda emes, mәselening eng manyzdysy – jurnalisterding «ishki senzurasynyn» qalyptasuynda jatyr. Onday jaghday ornaghanda, jurnalist ózining әr sózine ýlken jauapkershilikpen, últtyq dengeydegi maghynamen qaraugha ýirenedi. Búl qoghamda shynayy demokratiya ornauymen qatar órbiydi jәne sonda ghana iske asa bastaydy. Onymen qatar ol kezde qoghamnyng әrbir azamatynyng sana-seziminde shynayy týrdegi «Otan», «El men Jer», «Halqym» jәne t.s.s. úghymdardyng boy kóterui qarqyn alady. Osy ekeui birikkende – memleket pen tәuelsizdikti qorghaudyng berik qalqany payda bolady. Qazirgi jurnalistika resmy dengeyde tek qyzmet týri bolsa, ol kezde búl – jurnalisting tabighy bolmysy bolmaq. Sondyqtan men qazirgi jurnalisterdi jan-jaqty bilimmen qarulanugha shaqyramyn. Qalam jýiriktigi oy terendigimen úshtasqanda – «jetekke jýrgishtikten» jetektegish kýshke ainalarymyz haq.

– Ábeke, degenmen, siz «sayasy biylikting ózgeru qajettigi» jónindegi saualdan jaltaryp kettiniz. Sona-a-au kenestik kezde «Yabloko razdora» degen filim bolghan. Sol kinoda bir kolhozdyng tóraghasy óz sharuashylyghymnyng kóleminde kommunizm ornatam dep, býkil alqapqa alma egip tastaydy. Kýzde jinaghan almasy mol bolghany sonshalyq, ony saqtaytyn jer tappay, ózining kabiynetine deyin tóktiredi. Aqyry sol ónimning barlyghy shirip ketedi. Kenestik zamannyng ózinde batyl oy bildirgen sol filimning jelisimen aitar bolsaq, jeke bir auylda nemese salada «kommunizm ornatu» mýmkin emes. Sol siyaqty jalanash últtyq ústanymmen jurnalistikany jarylqap tastaymyn deu de – bos qiyaldyng qisyny bolady. Qogham jәne sol qoghamdaghy sayasy biylik týbirimen ózgermeyinshe, jurnalistika da, santehnika da, basqa da onalmaydy. Mening súramaghym – osy oy bolghan-dy.

Degenmen, oqasy joq, Ábeke, bәlkim, men qatelesetin shygharmyn. Al býgin-erteng BAQ betterinde biylghy jylghy kәsiptik meyramnyng biylik taghayyndaghan laureattary atala bastaydy. Olardyng keybirin qara qazaq týgili, aqparat әlemining qúrt-mayyn ezip iship jýrgen siz ben bizding tanymaytynymyzgha kýmәniniz bolmasyn. Eger sizge naghyz jurnalisterdi atau mýmkindigi berilse, sizding qalauynyzdaghy laureattar kim bolar edi?

– Eger maghan salsa, onda ózim jogharyda atap ótken jurnalisterdi kezekpen-kezek marapattay bastar edim. Biylghy kezekti jurnalist Dina Týlekovagha beremin!

– Bәrekeldi! Sizding bir «syilyghynyzdy» ekige bólip, jartysyn Dәuren Quatqa da bersek qalay bolady?

– Dauym joq: «Abay.kz»-ny elge tanytqan Dәuren – «mening laureattyghyma» layyq jurnalist.

– Endeshe Dinanyng da, Dәurenning de, biylik pen kiylikte jýrgen basqa jurnalist qauymynyng da kәsiby merekesi qútty bolsyn!

Ermúrat BAPIY

«Obshestvennaya pozisiya»

(proekt «DAT» № 25 (249) ot 26 iinya 2014 g.