Almatyda qalany tanyp-biluge, kórikti jerlerdi tabugha, mәdeny is-sharalar turaly aqparat alugha jәne qajetti mәlimetterdi biluge kómektesetin Jerry atty jana sifrlyq servis iske qosyldy.

Búl kóshelerde ornatylghan interaktivti smart taqtalar. Qalalyq turizm basqarmasynyng mәlimetinshe, jobany qazaqstandyq CITIX kompaniyasy Visit Almaty úiymymen birlesip jýzege asyrdy.

Qazirgi uaqytta Almatyda 31 smart taqta ornatylghan. Olar Terrenkurda, Respublika sarayynyng manynda, 28 gvardiyashy-panfilovshylar sayabaghynda, Panfilov jәne Tóle by kóshelerinde, Esentay men Kishi Almaty ózenderining jaghalaularynda, metro beketterinin, Ortalyq әmbebap dýkeni men Ortalyq memlekettik muzeyding janynda ornalasqan. Jaqyn arada taghy tórt qúrylghy ornatu josparlanyp otyr.

Smart taqtalar arqyly jaqyn mandaghy dәmhana, dәrihana, muzey, dýkender men qoghamdyq kólik ayaldamalaryn tabugha bolady. Jýie qúrylghynyng ornalasqan jerin eskerip, qajetti baghytty, oghan deyingi qashyqtyq pen jolgha ketetin uaqytty kórsetedi.

Turisterge arnalghan dayyn seruen baghyttary, kórikti oryndar toptamasy jәne qaladaghy konsertter, spektaklider, kórmeler men festivalider turaly aqparat úsynylghan. Servis qazaq, orys jәne aghylshyn tilderinde qoljetimdi. Ony paydalanu tegin әri tirkeludi qajet etpeydi.

Smart taqtalarda Almaty tarihyna arnalghan jeke bólim de bar. Qalam Media-men birlesip әzirlengen joba ayasynda qalanyng arhivtik fotosuretteri sol oryndardyng qazirgi kórinisimen salystyrylghan. Osy arqyly kelushiler tanys kósheler men ghimarattardyng ondaghan jyl ishinde qalay ózgergenin kóre alady.

Sonday-aq smart taqtalardan 102, 103 jәne 112 shúghyl qyzmetterining baylanys nómirleri, qújat joghalghan jaghdayda ne isteu kerektigi jәne medisinalyq kómek alu tәrtibi turaly aqparat tabugha bolady. Ekrandarda aua rayy men aua sapasy turaly mәlimetter de kórsetiledi. QR-kod arqyly baghyttar men ózge de aqparatty smartfongha jiberu mýmkindigi qarastyrylghan.

Almaty qalasy Turizm basqarmasynyng basshysy Ghaliya Toqseytovanyng aituynsha, turister sanynyng artuyna baylanysty sifrlyq servisterdi damytu ózekti bola týsken.

«Biz ýshin joghary kórsetkishterdi saqtap qana qoymay, shahar qonaqtaryna búdan da qolayly jaghday jasau manyzdy. Turister sanynyng artuyna baylanysty zamanauy turistik infraqúrylym men qoljetimdi sifrlyq servisterdi damytu airyqsha mәnge iye. Jerry jobasy turisterge kórikti jerlermen óz betinshe tanysugha, seruen baghyttaryn josparlaugha jәne Almatyny aralau kezinde qajetti aqparatty sol jerde alugha mýmkindik beretin qosymsha qúralgha ainalady», – dedi Ghaliya Toqseytova.

2025 jyldyng qorytyndysy boyynsha Almatygha 2,5 milliongha juyq turist kelgen. Onyng ishinde 754 myny – sheteldik qonaqtar. 2026 jyldyng alghashqy jartyjyldyghynda Últtyq statistika burosynyng mәlimetinshe, qala qonaq ýileri 1,14 million adamgha qyzmet kórsetken. Al osy salanyng kirisi 53,1 milliard tengege jetken.

Abai.kz