Seysenbi, 22 Qazan 2019
Abay.tv 3958 0 pikir 9 Mausım, 2014 sağat 12:27

Opera: Vokzaldağı qoştasu

 

Abay atındağı Qazaq memlekettik opera jäne balet teatrı horınıñ ärtisteri «Abay» operasınıñ jañartılğan qoyılımı qarsañında, «Almatı-1» temirjol vozkalında, «Ayttım sälem, Qalamqas» äygili ariyasın orındap, şınayı teatrlandırılğan körinisti wsındı.

Akciyağa Äliya Temirbekovanıñ basşılığındağı Abay atındağı MAOBT horı, tenor - Maqsat Maqwlbekov pen aktrisa –Ayswlu Äzimbaeva qatıstı. Tañdanğan poezd jolauşıları men temirjol qızmetkerleri nağız mahabbat syujetindegi şınayı operalıq qoyılımnıñ körermeni boldı.

Akciyanıñ syujeti boyınşa Maqsat vokzal perronında rölin Ayswlu somdağan öziniñ ğaşığın saparğa şığarıp saluı kerek bolatın. Alayda, kupeniñ terezesinen öz ğaşığına qarağan Maqsat qoştasqısı kelmey, «Abay» operasınan «Ayttım sälem, Qalamqas» ariyasın orınday bastadı. Körinistiñ soñına deyin jolauşılar, temirjol qızmetkerlerin somdağan teatr horınıñ qızmetkerleri jas jigitti qoldap, birge än şırqadı. Ariyanıñ orındaluı da jas qızğa qattı äserin berip, Ayswlu öz ğaşığın tastap kete almadı. Körinistiñ soñı, tağı da sol qwdiretti muzıkanıñ arqasında eki ğaşıqtıñ qosıluımen ayaqtaldı.

Qazkommercbanktiñ qatısuımen Abay atındağı MAOBT-tıñ 80 jıldıq mereytoyına oray, ondağan jıldar boyı teatrdıñ şımıldığın aşıp, repertuarınıñ eñ negizgi qoyılımı bolıp tabılatın «Abay» operasınıñ jañartılğan nwsqası qoyılatın boladı. Mwhtar Äuezovtıñ librettosına jazılğan Ahmet Jwbanov pen Latif Hamidi birlesip jazğan opera alğaş ret Abay atındağı MAOBT-da 1944 jılğı 24-şi jeltoqsanında qoyıldı. 1958 jılı qoyılım jañartılğan bolatın, mine, sodan beri operağa aytarlıqtay özgeris engen emes.

Mätin "Jas qazaq" gazetinen alındı.

0 pikir