Jwma, 28 Aqpan 2020
Bilik 6861 0 pikir 13 Qazan, 2014 sağat 18:16

BAYQAU: EÑ ÜZDİK AUILDIQ MÄDENIET ÜYİ-KLUB – 2014

Biz auıldı nebir talanttardıñ tülep wşqan altın besigi dep bilemiz. Auıl jağdayı tüzelse, eñ aldımen, eldiñ jağdayı jaqsarğanı, auıl mädenieti örken jaysa, bükil qazaqtıñ mädenieti şarıqtau üstinde dep tüsinetinimiz sondıqtan. Osı öleñ-jırdıñ, önerdiñ ortasına aynalıp otıruı tiis qara şañıraq – auıldıq mädeniet üyleri men klubtartardıñ bügingi jağdayına män bergen Oblıstıq mädeniet, mwrağattar jäne qwjattama basqarması men Halıq şığarmaşılığı ortalığı auıl-aymaqtardıñ önerge degen ıqılasın, wlt mädenietine degen iltipatın bayqatatın «Eñ üzdik auıldıq mädeniet üyi-klub – 2014» oblıstıq bayqauın bastadı. Ata-babalarımızdan bastau alğan önegeli önerimizdi, qazaq halqınıñ tereñ oylı şığarmaşılığın paş etip, tanılmay jürgen talanttardı anıqtau maqsatında ötkiziletin bwl şara Talas audandıq Sädu Şäkirov auıldıq mädeniet üyinen bastaldı.

Belgili satira sañlağı Şona Smahanwlınıñ 90 jasqa toluına oray wyımdastırılğan «Şoq tildi Şona» attı ädebi-sazdı keş «Gülder» bişiler tobınıñ mıñ bwralğan biimen aşıldı. Bwdan keyin Şona Smahanwlına arnalğan beynesyujet körsetilip, aqındı tuğan halqınıñ esine tağı bir salıp ötti. Keş barısında Erjan Bayğarawlı «Şonağa arnauın» orındasa, mektep oquşıları Samal Sergey aqınnıñ «Qwlağıña altın sırğa jigitter», Sımbat Amangeldi «Tülki dostıq», Jansaya Esirkep «Janarsız jannıñ sözi», Baljan Baqıtjan «Erke bolsañ, erke bol» attı tuındıların mänerlep oqıdı. Sonımen qatar Ş.Smahanwlı atındağı orta mekteptiñ 6-sınıp oquşısı Balnwr Äbdimomın aqınnıñ sözine jazılğan «Jambılım qanday tamaşa!» änin, sonday-aq Anar Aydaralieva, Güljahan Jetenova sekildi auıl önerpazdarı «Äjemniñ äldii», «Mektep val'si» attı änderdi tıñdarmandarğa tartu etti. Öz kezeginde audandıq mädeniet jäne tilderdi damıtu böliminiñ basşısı Pernebek Ospanov, Qazaqstan jazuşılar Odağınıñ müşesi, aqın Ümit Bitenova, Taraz qalalıq «Jambıl – Taraz» gazeti bas redaktorınıñ orınbasarı Erman Äbdiev söz alıp, Şona aqınnıñ ädebiettegi orını, onıñ şığarmaları men ömiri jaylı äñgime qozğadı. Osılayşa, talastıñ topırağınan jaratılğan tarpañ aqınğa degen talastıqtardıñ qwrmeti erekşe ekendigin körsetti.

Talas topırağınan şıqqan tağı bir darındı aqın  Serik Tomanov. Ol öziniñ qırıq jeti jıldıq nayzağaylı ğwmırında köptegen şığarmalardı düniege äkeldi. Osı audannıñ Aqqwm auıldıq mädeniet üyi «Qws qanat meniñ ğwmırım» attı Serik Tomanovtı eske aluğa arnalğan ädebi-sazdı keş ötkizdi. Aldımen aqınnıñ ömirbayanı, ädebi tuındılarınıñ düniege kelu tarihı jaylı bayandaldı. Bwdan keyin aqınnıñ jarı Bibigül Orazbaeva sahnağa köterilip, aqın Serik Tomanov jaylı estelikter ayttı.

Bwdan keyin Barbol Toqtıqoja atındağı mektep oquşıları aqınnıñ şığarmaların mänerlep oqıdı. Al, Nwrdäulet Särsenbiev aqınnıñ sözine jazılğan Särsenbek Bäkirdiñ «Sezimdi qaytem tulağan», «Soğadı sen dep jüregim» änderin jäne tanımal änşi Meyrambek Bespaevtıñ orındauındağı Erbol Spanalievtiñ «Qws qanat meniñ ğwmırım» attı änin bayanmen orındadı. Odan keyin köpşilik Serik Japarwlın bir minut ünsizdikpen eske aldı.

- Bügin, mine, auıldıq mädeniet üyleri men klubtardı aralağan arnayı top, tört audannıñ segiz auılına at basın tiredi. Är auıl ädebi-sazdı keşter wyımdastırıp, wsındı. Nebir tolayğay talanttardıñ osı auıldardan şıqqanınıñ tağı bir kuäsi boldıq. Osı şara arqılı biz nağız talanttı tanıp, qoldau körsetuge mümkindigimiz boladı. Meniñ oyımşa, wlttıq önerimizdi damıtuda bizdiñ öñirimizdiñ alar ornı ärdayım erekşe. Bizdiñ öñir ärdayım salt-dästürdi däriptep, qazaqi bolmısımızdıñ aynası bolıp kelgen.  Önerlerin paş etken ärbir wjım qazılar alqasınıñ köñilinen şığa aldı. Bastısı, bizdiñ öñir äu bastan-aq ädet-ğwrıp, salt-dästürimizge erekşe ıqılaspen qarap, kündelikti qoldanısqa engizgen soñ bolar, bügingi bayqau şınayı bolıp ötude,- dedi oblıstıq mädeniet, mwrağattar jäne qwjattama basqarmasınıñ bastığı Düysen Bıqıbaev.

Mwnan soñ, Jualı audandıq Köktöbe auılı aqın Bauırjan Üsenovtiñ şığarmaşılığına arnalğan, Sarısu audandıq Saudakent auılı «Än men jırdıñ Keneni» attı teatrlandırılğan ädebi sazdı keşterin wsındı. Eñ keremeti, än aytqan kümis kömeyler änderin dombıranıñ süyemeldeuimen jandı dauısta orındadı. Auıldıñ altı auızdarı osılayşa qazılar alqasın tänti etti. 

- Auıl mädenieti – wlttıq qwndılıqtarımızdıñ altın özegi. Bwl mädeniet oşaqtarı mektep oquşıları men auıl jastarınıñ bos uaqıttarın tiimdi ötkizu jolında türli mädeni şaralardı twraqtı wyımdastırıp otıratın orın boluı kerek. Mädeniet üyleri janınan öner men ädebiet, mädenietke qatıstı üyirmeler men birlestikter jwmıs jasauı qajet. Klub mekemeleriniñ twrğındarğa wsınatın mädeni-qızmet türleriniñ mazmwnın osılayşa arttırsa ğana, talapqa say ülgili qızmet körsete aladı. Äsirese, olar köşten qalıp qoymay jaña ideyalar men innovaciyanı da paydalanu kerek. Biz osı maqsattı közdep otırmız,- deydi oblıstıq Halıq şığarmaşılığı ortalığınıñ bastığı Ğani Sadırbaev.

Bayqau negizinen osığan deyin är audannıñ özderinde ötkizilip, tek jeñimpazdarı ğana oblıstıq bayqauğa joldama alğan. Är audannan iriktelip alınğan eki auıldıq mädeniet üyi men klubtarı erejege säykes mekemeniñ estetikalıq talğammen bezendirilui, materialdıq-tehnikalıq bazasınıñ jağdayı, ozıq tehnologiyamen jabdıqtalıp, internetke qosıluı, ötkizilgen is-şaralardıñ jüyeli josparları boyınşa jan-jaqtı sınğa alınuda.

Örkenietke öz özegimizden ajıramay, öz mädenietimizdi ögeysitpey ilesu mindet ekeni dausız. Wlttıq qwndılıqtarımızdıñ bastauı, negizgi tini auılda ekenin esten şığarmaudı qwnttağan şara äli de jalğasın tabuda.

0 pikir