Kýni keshe Qazaqstan kommunistik partiyasynyng búrynghy ókili Alpamys Bektúrghanovtyng mәlimdemesin jariyalaghan bolatynbyz. Ol ózining partiya qatarynan ne ýshin shettetilgenin aityp, Kompartiyanyng ishten býlinip jatqandyghyn mәlimdedi. Sonday-aq, kommunist óz әriptesterin osynau zansyzdyqtarmen birge kýresuge de shaqyrghan.

Býgin Bektúrghanovtyng osy bastamasyn ózge partiyalastary da qoldap, baspasóz mәjilisin ótkizdi. Atap aitqanda, QKP úiymdastyru bólimining basshysy Kosyachenko Vladimir Vasilievich pen QKP OK-nyng búrynghy mýshesi Ismailov Mәdel Múhamediyúly jurnalistermen kezdesip, óz shyndyqtaryn ortagha jayyp saldy.

«Qazaqstandaghy kompartiya qúrylghan kezden beri onda iydeologiyamen eshkim ainalysqan joq. Oblystyq, qalalyq filialdardyng eshqaysysy partiya mýshelerin esepke alu mәselesine pysqyryp ta qaramady. Sonyng saldarynan qazir qay ónirde qansha kommunist baryn naqty eshkim aita almaydy. Keybir bólimshelerde nebәri 2-3 adamnan ghana bar. Al, Semeydegi partiyanyng komiytetinde jalghyz adam júmys istep keledi, ol – Mahyjanov. Búl auyzbirshilikting joghynan. Múnyng sony Qazaqstandaghy kompartiyanyng tolyq ydyrauyna alyp kelui әbden mýmkin» deydi Vladimir Kosiyachenko.

Ol partiya jetekshisi Gh.Aldamjarovqa ornyn bosatudy talap etip, jana basshylyqty ónirlerdegi partiyalastarymen aqyldasa otyryp taghayyndau úsynyp otyr.

Abai.kz