Beysenbi, 28 Nauryz 2024
Biylik 4186 0 pikir 10 Qyrkýiek, 2015 saghat 02:00

QÚTARYS DAMYP KELEDI

Tynysy ken, tamyry tereng bizding Qútarys auylyn kópshilik kenes zamanyndaghy «Qyzylәsker» atymen tanidy. Qútyrghan men Arys ózenderining qiylysynda ornalasqan auyl atauy 1998 jyly ziyalylardyng talabymen «Qútarys» bolyp ózgertildi. Tirligi men birligi bite qaynasqan auyl tirshiligin kórgende «qút-bereke damyghan el bolsyn» degen niyetpen qoyylghan auyl atauy ózine layyqty ekenin bayqaysyz. Apta sayyn jýrgiziletin senbilikter, kógaldandyru, kóriktendiru júmystary múndaghy túrghyndardyng yntymaghyn tanytady. Býgingi jaghdayy edәuir jaqsarghan ajarly auyldan tynymsyz enbek yrghaghyn kóresiz.

Qazirgi kezde Sayram audanyndaghy Qútarys auyldyq okruginde 5710 túrghyn bolsa, onyng 1579-y júmyspen qamtylghan. Auyldyng belsendi damuyn songhy jyldary paydalanugha berilgen 2 mektep, medpunkt pen balabaqsha aishyqtaydy. Býginde 1250 oqushy jalpy orta mektepte bilim alyp jatsa, «Aq qayyn» balalar baqshasynda 125 bala tәrbiyelenude. Auruhana men baylanys bólimshesi halyq iygiligine jarap jatyr. Alghashqyda 40 shaqty adamdy júmyldyrghan «JFM» konservi zauyty býginde 160-170 adamdy júmyspen qamtamasyz etip otyr. Sonymen qatar 7 jeke kәsipker, 264 sharua qojalyghy óz isterin dóngeletude. Tamshylatyp suaru arqyly biri jýzimdikti qolgha alsa, biri jýgeri egudi kәsip etken. Bau-baqshadan bólek mal sharuashylyghymen ainalysatyndar da jetkilikti.

Auyl auyzsumen qamtamasyz etilgen. Árbir baspana elektr jaryghymen quattanghan. Ortalyqtaghy Abay kóshesining 50 payyzy jaryqtanghan. S.Seyfulliyn, T.Bokin kósheleri men ótkelderge jóndeu júmystary jaqyn arada ayaqtalmaq.

Biz auyl bii Saparbay Óskenbaevty әngimege tarttyq.

– 2010 jyly ata-babalar ziratyn qorshaumen bastalghan túrghyndardyng iygi isi 2011 jyly halyqtyng basyn qosyp «Nauryz» toyyn ótkizuimizge septigin tiygizdi. Mine, sodan beri әr jyl sayyn auyl bolyp «Nauryz», ait merekelerin ótkizu dәstýrge ainaldy. Auyl bedeldileri men kәsipkerleri de auyldyng týleuine belsene atsalysuda. Halyq bolyp júmylyp meshit saldyryp jatyr. Óz qarajatymen zirat basyna eki bólmeli baspana salghan bauyrymyz da bar. Biyl 17 otbasygha kómek kórsetilui halyqtyng auyzbirshiligin tanytyp otyr. Baqyt Atanbaevtyng tóraghalyq etuimen «Selolyq tútynushylar kooperatiyvi» qúryldy. Týpki maqsaty – auyldy kóriktendiru, kórkeytu. Aptanyng senbi kýni auyl ishindegi qoqys arnayy poligongha tasylady.

Endigi jerde qarausyz qalghan dendrosayabaqty «Jastar sayabaghy» etip qayta atasa, jastardy júmyldyryp sol sayabaqty jóndese deymiz. Auyl ortalyghynda kishigirim shayhana, jas mamandar ýshin kommunaldyq ýiler kóptep salynsa, – dedi auyl biyi.

Auyl әkimi Erjan Núrashov – barlyq bastamalardyng úitqysy. Ol eng aldymen auyl tazalyghyn qolgha alypty. Elektr quatyn úrlau, qyzyl syzyqqa shyghyp ketken ýilerdi tәrtipke keltiru jaghyna da mәn bergen. Sonymen qatar kәsipkerlerdi esepke alu, kóshelerdi tolyqtay jaryqtandyru júmystary basty maqsattarynyng biri bolyp otyr.

Jergilikti biylik aldaghy uaqytta mektep pen auruhana ghimaratyn úlghaytudy jospargha engizip otyr. «Ardagerler» sayabaghyn retteudi qolgha almaq. Sporttyq sauyqtyru keshenin salsaq degen niyet bar.

IYә, tughan auylynyng kórkeyip, gýldenip jatqany әr perzenti ýshin ýlken quanysh. Kindik qanym tamghan jerge kelgende kónilime maqtanysh sezimi úyalady. Árbir otbasy óz tirshiligin jasap jatyr. Júmys kóp bolsa jastardyng da bos sendelip jýruine jol joq. Auylda jastar arasyndaghy búzaqylyq azayghan.

Mening Qútarysym osynday!

Aydana KÁDIRBEK, Ortalyq Aziya uniyversiytetining 2-kurs studenti.

Abai.kz

0 pikir

Ýzdik materialdar

Alghys aitu kýni

Alghys aitu kýni jәne onyng shyghu tarihy

Jomartbek Núrman 1559
Alashorda

Qojanov mejeleu nauqanynda (Jalghasy)

Beybit Qoyshybaev 2249
Ghibyrat

Qaysar ruhty ghaziz jan

Múhtar Qúl-Múhammed 3499