Keshe, 27 shilde Elbasy BÚÚ-nyng Jenevadaghy bólimshesining júmysymen tanysty. Búl bólimshe manyzy jaghynan BÚÚ jýiesindegi ekinshi kense bolyp sanalady jәne 20 halyqaralyq úiymnyng júmysyn ýilestiredi.

Núrsúltan Nazarbaev sonday-aq Últtar Sarayyn jәne ondaghy «Qazaqstan» zalyn aralap kórdi. Qazaqstan Preziydentining sheshimine sәikes 2013 jyly  ashylghan búl kópfunksionaldy zal býginde BÚÚ-nyng Jenevadaghy shtab-pәterindegi tehnikalyq jaghynan barynsha jabdyqtalghan orynjay.

Qazaqstannyng DSÚ-gha kirui jónindegi Júmys tobynyng tóraghasy, Finlyandiyanyng elshisi Vesa Himanen kelissózder ýderisi barysynda Qazaqstan 50-den asa jana zang qabyldap, 10 halyqaralyq kelisimge týzetu engizgenin, olar kedendik odaq pen Euraziyalyq ekonomikalyq odaq ayasynda qabyldanghanyn atap ótti.

Preziydent Núrsúltan Nazarbaevtyn  basshylyghymen jәne  Qazaqstannyng Euraziyalyq ekonomikalyq odaq boyynsha seriktesterimen tyghyz baylanysta jýrgizilgen zannamalyq baghyttaghy progress bizding júmysymyzdy songhy jyly edәuir jedeldetuge mýmkindik berdi. Qazaqstannyng qújattar toptamasy – búl naryqtargha qol jetkizu mýmkindikterin jetildiru isine qomaqty ýles qosatyn, saudanyng kópjaqty jýiesin janghyrtatyn jәne DSÚ-ny nyghaytatyn joghary sapaly qújattar, – dedi V.Himanen.

DSÚ bas diyrektory Roberto Azevedo elimizding Úiymgha kiru ýderisi barysyndaghy Qazaqstan Preziydentining kóshbasshylyghyna joghary bagha berdi.

Búl – Qazaqstan ýshin de, DSÚ ýshin de shynymen tarihy kýn.  Úiymgha kiruding artyqshylyqtary – jana júmys oryndaryn ashu, halyqtyng tabysyn arttyru, túrmys dengeyin jaqsartu.  Qazaqstan ýshin búl sizderding songhy jyldary qol jetkizgen jetistikteriniz ben júmsaghan kýsh-jigerlerinizding moyyndaluy. Búl – reformalardyng keshendi baghdarlamasynyng qisyndy nәtiyjesi, Qazaqstannyng biznes ýshin ashyq ekeni turaly býkil әlemge joldauy. Búl kýn DSÚ ýshin de aishyqty bolyp tabylady. Qazaqstannyng qosyluy bizding pikirtalastarymyzgha quatty әri bedeldi ýn qosady, Úiymdy Ortalyq Aziyanyng jýregine jaqyndatady, – dep atap ótti R. Azevedo.

Elbasy otyrysta sóilegen sózinde DSÚ-gha mýshe barlyq elderge, Úiym hatshylyghyna kelissózder barysyndaghy syndarly ústanymdary men qoldauy ýshin, sonday-aq Qazaqstannyng DSÚ-gha kirui jónindegi júmys tobyndaghy tóraghalyqty qoldaghany ýshin Finlyandiya Ýkimetine  alghysyn bildirdi.

Núrsúltan Nazarbaev atap ótkendey, DSÚ-gha kiru jónindegi kelissózder ótken aralyqta Qazaqstan ekonomikasynyng qúrylymy aitarlyqtay ózgerdi.

Ekonomika meylinshe quatty әri ashyq bola týsti. Jan basyna shaqqandaghy IJÓ 18 ese úlghayyp,  Ortalyq jәne Shyghys Europa dengeyine jetti. Syrtqy sauda kólemi 120 milliard dollar dengeyine shyqty. Bizding syrtqy sauda ainalymymyzdyng 90 payyzdan astamy DSÚ-gha mýshe elderge tiyesili. Sauda qarym-qatynastarynyng geografiyasy edәuir ózgerdi. Qazaqstannyng sauda baylanystary 90-jyldardyng ortasynda búrynghy kenestik kenistik elderimen ghana jýrgizilse,  býginde biz әlemning 185 memleketimen sauda-sattyq jasap otyrmyz, – dedi Memleket basshysy.

Qazaqstan Preziydenti sonday-aq otandyq ekonomika qúrylymynda bolghan eleuli ózgeristerge de nazar audardy.

Ózderinizge mәlim, Qazaqstan miyneraldyq resurstargha bay, biraq biz shiykizattyq tәueldilikten arylu ýshin ekonomika qúrylymyn ózgertuge niyettimiz. Býginde elimizdegi IJÓ-ning 54 payyzyn qyzmet kórsetu sektory qamtamasyz etedi, búl salanyng damuyna biz zor kónil bólip otyrmyz. Búlar – qarjy, telekommunikasiya, qúrylys, energetika jәne kólik salalary. Qarjylyq qyzmetterdi DSÚ ayasynda yryqtandyru «Astana» halyqaralyq qarjy ortalyghyn qúru ýderisimen qatar jýretin bolady. Ol Qazaqstannyng qarjylyq infraqúrylymynyng negizine, al keyinnen býkil ónirding qarjylyq habyna ainalady dep senemiz. Qazaqstan barlyq elderdi osy jobagha qatysugha shaqyrady, – dep atap ótti Núrsúltan Nazarbaev.

Qazaqstan Preziydenti tenizge shyghatyn joly joq, planetadaghy iri memleket bolyp sanalatyn bizding respublikamyz ýshin infraqúrylym men kólik-logistika qyzmetiniing basymdyqta damitynyn aitty.

Biz jahandyq kommunikasiyalardyng bir bóligine ainalu ýshin júmys jýrgizip jatyrmyz. Osy maqsatpen iri naryqtardy baylanystyratyn strategiyalyq kólik dәlizderin qalyptastyramyz.  Bizding infraqúrylymdyq jobalarymyz  otandyq ekonomika men halyqaralyq naryqtardyng iygiligi ýshin biregey tranzittik әleuetti ashugha mýmkindik beredi, – dedi Núrsúltan Nazarbaev.

Memleket basshysy ótken kezeng ishinde Qazaqstan investisiyalyq әleuetin aitarlyqtay úlghaytqanyna da nazar audardy.  

Qazir biz investisiyalyq ahualdy jaqsarta otyryp, ekonomikany әrtaraptandyrugha basymdyq beremiz. Investisiyalar múnay-gaz jәne tau-ken salasyna ghana emes, ekonomikanyng óndeushi salalaryna da baghyttaluy ýshin barlyq jaghday jasalghan, – dedi Memleket basshysy.  

Jalpy alghanda, Qazaqstan Preziydenti kelissózder ýderisi kezinde respublikamyz ekonomikany jahandyq naryqqa yqpaldastyru ýshin úzaq joldy jýrip ótkenin aitty. Auqymdy institusionaldyq janghyrtular jýrgizu de damugha jana serpin beredi.  

Reformalardy tiyimdi jýzege asyru jana sapaly institusionaldyq orta qalyptastyrugha mýmkindik tughyzady. Bizding kelesi qadamymyz Ekonomikalyq yntymaqtastyq jәne damu úiymymen belsene yqpaldasu bolady. Birinshi kezekte, biyl jýzege asyryla bastaghan Qazaqstan Respublikasy men EYDÚ arasyndaghy yntymaqtastyq jónindegi eldik baghdarlama ayasynda bolmaq,  – dedi Núrsúltan Nazarbaev.

Sonynda Memleket basshysy  elimizding erkin sauda jәne ashyq yqpaldastyq qaghidattaryna berik ekenin aitty.

Qazaqstan az uaqyttan song DSÚ normalarymen júmys istey bastaydy. Deytúrghanmen, biz kedergilerdi joyyp, ashyq yntymaqtastyq qaghidattaryn ilgeriletip, ónirlik yqpaldastyq lokomotiyvi bola otyryp, ekonomikalyq sayasatymyzdy әuelden-aq «DSÚ ruhynda» qúryp otyrmyz.  Búl Úiymnyng mýsheleri arasynda sauda-sattyq kezindegi kemsituge jol bermeu –  DSÚ-nyng basty qaghidaty. Ekonomikany sayasatpen aralastyratyn sanksiyalyq sayasat saudagha kedergi keltiredi jәne DSÚ qaghidattaryna say emes. Múnday jaytty boldyrmau bizding ortaq mindetimiz dep oilaymyn. Sizderge birlesken enbekteriniz ýshin taghy da alghys aityp,  biz Úiymnyng barlyq mýshelerining mýddesi, ekonomikalarymyz ben halyqtarymyzdyng iygiligi ýshin DSÚ ayasyndaghy aldaghy júmysqa dayyn ekenimizge sendirgim keledi, – dedi Qazaqstan Preziydenti.

Otyrys qorytyndysy boyynsha Qazaqstannyng DSÚ-gha qosyluy jónindegi Hattamagha qol qoyyldy.

Abai.kz