Düysenbi, 16 Qırküyek 2019
Kübirtke 3436 0 pikir 27 Şilde, 2015 sağat 09:52

BAYQOÑIRDI NEGE «pensiyadağı polkovnik» BASQARADI?

«Jas - öspey me, jarlı – bayımay ma?» deydi atamız qazaq. «Men jastarğa senemin...» deydi babamız MAĞJAN. Dwp-dwrıs. Mwnıñ ekeuine de bir auız aytar uäjim joq meniñ. Äytse de Resey Federaciyası men Qazaqstan Respublikasında «aqılı aspandağan» jastar jağı onşa-mwnşa köp emes siyaqtı. NEGE?

«Nege?» degenge jauap izdep körsem, eki birdey täuelsiz eldiñ tağayındauına kümän keltirgendey boladı ekem. Al men kümän keltire almaymın, öytkeni eki eldiñ de prezidentin halıq saylağan. Men sol saylauğa belsene qatısqan halıqtıñ birimin. Dese de... jastar jağına keletin bolsaq, qazaq elindegi Bayqoñır siyaqtı ortaşa ğana (strategiyalıq mañızı erekşe ärine) qalanıñ basşılığına layıq adam jastar arasınan tabılmadı, aşığın aytu kerek. Jastar arasınan tabılmağan soñ älbette, Resey Federaciyasınıñ prezidenti Putin men Qazaqstan Respublikasınıñ prezidenti Nazarbaev özara aqıldasa kelip... 70 (?!) jastağı otstavkdağı polkovnikti Bayqoñır qalalıq äkimşiliginiñ basşısı (äkim emes) etip tağayındau turalı şeşim (jarlıq nemese ökim emes) şığardı – osıdan birneşe kün bwrın.

Endi men osı jerde... «70 jastağı «otstavkadağı polkovnik» kim?» degenge jauap izdep köreyin, al siz tıñdap köriñiz, qwrmetti oqırman!

Eki prezidenttiñ şeşimimen Bayqoñır qalalıq äkimşiliginiñ basşısı bolıp tağayındalğan PETRENKO Anatoliy Pavelwlı Stavropol' ölkesiniñ Qorğan (selo Kurgan) degen auılında 1945-şi jılı düniege kelipti. Mamandığı boyınşa äskeri radiotehnik. Bwğan qosımşa mwğalimdigi jäne bar – Çkalov atındağı Orınbor pedagogikalıq institutın bitirgen. Bayqoñır ğarış aylağında 1989-şı jıldan 1995-şi jılğa deyin, yağni otstavkağa şıqqanğa deyin osı ğarış aylağındağı tärbie jwmısı böliminde (otdel vospitatel'noy rabotı) äskeri qızmet atqarğan. Polkovnik.

Otstavkağa şıqqannan keyin älbette, osı aylaqta qalıp, qala äkimşiliginde qızmetin jalğastırğan, resmi mälimetterge qarağanda. Qısqasınan qayırğanda, sodan bergi jiırma jıl işinde Paveldiñ balası Bayqoñırda köptegen «käkir-şükir» qızmetter atqarıptı. Jäne jaman atqarmağan tärizdi, öytkeni osı jıldar işinde Reseydiñ «Drujba», Qazaqstannıñ «Dostıq» degen eki birdey ordenimen, Resey ğarış Federaciyasınıñ «Eñbegi üşin» medalimen marapattalğan. HOŞ deyik, jiırma jıl işinde Bayqoñırğa da, Qazaqstan men Reseydiñ ğarış salasına da PETRENKO mırzanıñ eñbegi siñgen-aq şığar, onıñ naqtısın bile almaymız – sondıqtan pälen-tügen dep ayta almaymız. Al biraq bizdiñ osı jerde onşa-mwnşa tüsiniñkiremey otırğanımız mınau: elu nemese alpıs emes, «jatıp wyıqtay bergiñ» keletin JETPİS degen «üp-ülken» jasqa kelip otırğan osı kisi nege Bayqoñır basşılığına tağayındala qaldı – ayaq astınan? Ras, men eki el prezidentiniñ tağayındau turalı şeşimine tipti de kümän keltire almaymın, men tek eki prezidentke PETRENKOnı «predlagat'» etken KOMAROV siyaqtı reseylik ğarış salasınıñ mamandarına qattı-qattı tañdanıp otırmın. Petrenkonıñ, ras, radiotehnik-maman retinde ğarış salasınan az-mwz habarı bar şığar, äytse de bw kisiniñ jasın da eskeru kerek emes pe? Zeynetke osıdan jiırma jıl bwrın şığıp alğan bw kisige de «adam siyaqtı» demalu qajet qoy! Mümkin, «apaq-sapaqta Bayqoñır basşılığına tağayınday saluğa jastar arasınan ğarış salasınıñ bilgirleri tabılmay qaldı» deytin şığar keybireuler? Onday bolatın bolsa, ğarış salasınıñ besaspap mamanı, Keñes Odağınıñ jäne Reseydiñ Batırı, Qazaqstannıñ Halıq Qaharmanı Toqtar ÄUBÄKİROV degen qazaq eliniñ, tipti Keñes odağınıñ batırı bar emes pe?! Bar älbette. Bw kisi de Petrenko siyaqtı zeynette demalıp jatır. Äri-beriden keyin äñgimeniñ aşığın aytar bolsaq, osı ÄUBÄKİROVtiñ Bayqoñır basşılığın wrşıqtay üyirip äketerine eşkim de kümändanbasa kerek. Mwnı endi, ras, sözdiñ siräğısı bolğan soñ aytıp jatırmın da, äytpese qazaq jerindegi strategiyalıq mañızı öte zor kişkentay qalanı qazaq... bolmasa qazaqstandıq basqaruğa tiis emes pe?! Resey Bayqoñır ğarış aylağın jalğa alsa da, qazaqtıñ kişkentay qalasın tüp-twqiyanımen jalğa alıp alğan joq qoy – mwnı sonda qalay tüsinuge boldı? Oy qosayıq, ağayın?!

Marat MADALIMOV. 

Abai.kz

0 pikir