Keshe Astanadaghy «Qazaqstan» ortalyq konsert zalynda «Mәngilik El – Bolashaghy Birtútas El» taqyrybynda respublikalyq patriottar forumy ótti. Oghan memleketimizding barlyq ónirinen kelgen 2 mynnan asa delegat qatysty. Delegattar qúramynda qogham qayratkerleri, deputattar, dәrigerler, múghalimder, ónerkәsip júmysshylary, auyl sharuashylyghy salasynyng qyzmetkerleri, kәsipkerler, ghalymdar, jastar kóshbasshylary, sportshylar, talantty әrtister, mәdeniyet qayratkerleri, etnomәdeny birlestikter men BAQ ókilderi boldy.

Memleket basshysy Núrsúltan Nazarbaevtyng «Mәngilik El» jalpyúlttyq iydeyasyna arnalghan búl forum saltanatty jaghdayda ashylghan son, Preziydent Ákimshiligi Basshysynyng orynbasary Baghlan Maylybaev Elbasynyng jiyngha qatysushylargha arnaghan qúttyqtau hatyn oqyp berdi.

«Mәngilik El» Qazaqstan patriottary forumyna qatysushylargha sәlem joldaymyn. Býgingi forum erekshe. Ol Konstitusiyamyz ben Qazaqstan halqy Assambleyasynyng 20 jyldyq mereytoylary jylynda ótip otyr. Búl halqymyzdyng birligi men kelisimining biregey dәstýrin, tughan jerimiz – Úly Dala eline degen erekshe sýiispenshilikti pash etedi. Forum qazaqstandyqtardy «Mәngilik El» iydeyasynyng ainalasyna úiystyrugha jәne qoghamnyng túraqtylyghy men birligin nyghaytugha qyzmet etetinine senemin. Forumgha qatysushylargha jәne barsha qazaqstandyqtargha zor densaulyq, jana tabystar tileymin», – delingen Preziydent Núrsúltan Nazarbaevtyng qúttyqtau hatynda.

Búdan keyin B.Maylybaev «Mәngilik El» Elbasynyng әrbir qazaqstandyqtyng jýreginen oryn alghan iydeyasy ekenin atap ótti.

Jiyn barysynda Qazaqstan halqy Assambleyasy Tóraghasynyng orynbasary Eraly Toghjanov «Mәngilik El» – bizding ortaq strategiyalyq maqsatymyz, biyik múratymyz bolyp qalatynyna toqtaldy.

«Úlan-baytaq elimizding barlyq ónirinen Qazaqstannyng patriottary býgin Astana tórinde bas qosyp otyr. Memleket basshysy Núrsúltan Nazarbaev 2014 jylghy Qazaqstan halqyna arnaghan óz Joldauynda «Mәngilik El» jalpyúlttyq iydeyasyn úsynghan bolatyn. Eki jyldyng ishinde Elbasynyng bastamasy Qazaqstannyng barlyq ónirinde qyzu talqylandy, halyqtyng jan-jaqty qoldauyna ie boldy. Oghan ózderiniz tikeley kuә bolyp jýrsizder. Biz sizderding úsynystarynyzdy, sizderding jýrekjardy tilekteriniz ben niyetterinizdi bayandy tarihy bar «Mәngilik El» iydeyasynyng negizine ainaldyrugha tyrystyq», – dedi Eraly Toghjanov.

Tóragha orynbasary býgingi alqaly, keng auqymdy jiynda biraz naqty úsynystar, keleli oilar ortagha salynyp, solardyng negizinde «Mәngilik El» iydeyasynyng jasampaz jobasy әzirlenetinine senim bildirdi. Sonday-aq, ol biyl elimizde halqymyzdyng ruhyn kóterip, tarihy sanamyzdy sauyqtyruda mәni zor aituly sharalar qolgha alynghanyna nazar audardy.

«Ózderinizge mәlim, Preziydent 2015 jyldy Qazaqstan halqy Assambleyasynyng jyly dep jariyalady. Assambleya jyly – búl birlik jyly, kelisim jyly, bir-birimizge qoldau kórsetu jyly. Sol siyaqty, osy jyly birqatar auqymdy sharalar atalyp ótude. Olar – Úly Jenisting 70 jyldyghy, Konstitusiyamyzdyng 20 jyldyghy, Qazaq handyghynyng 550 jyldyghy. Kýni erteng Taraz qalasynda Qazaq handyghyna arnalghan qorytyndy is-sharalar ótedi. Bir sózben aitqanda, býgingi bizding forum jogharyda atalghan sharalardyng shegesi ispettes. «Mәngilik El» iydeyasy – Bolashaghy Birtútas Elding birynghay ruhany negizi. «Mәngilik El» – búl bizding ortaq strategiyalyq maqsatymyz. Memleket basshysynyng tapsyrmasyn oryndau maqsatynda Assambleya «Mening elim – «Mәngilik El» auqymdy aksiyasyn ótkizgen bolatyn. Sizderding barlyqtarynyz oghan atsalystynyzdar. Býgin biz el bolashaghyna beyjay qaramaytyn barlyq azamattargha alghys bildiremiz», – dedi ol.

Forum minberine kóterilgen qogham jәne memleket qayratkeri, Mәjilis deputaty Quanysh Súltanov «Mәngilik El» iydeyasynyng elimiz ýshin zor manyzy bar ekenin sóz ete kelip, jaqynda ghana Elbasynyng Birikken Últtar Úiymynyng tórinde túryp últymyzdyng mereyin tasytqanyn eske aldy.

«Elbasy Núrsúltan Nazarbaev әlemning eng jogharghy, eng mәrtebeli tóri men minberi BÚÚ-nyng 70-shi mereytoylyq sessiyasynda qazaq tilinde sóilegen sózimen últ abyroyyn asqaqtatty. Qazaq tili túnghysh ret osynday dýniyejýzilik dәrejege kóterildi. Búghan barlyq qazaqstandyqtar shyn jýrekterimen quandy. Búl memlekettik tәuelsizdigimizding jemisi – Elbasynyng jenisi boldy. Mynjyldyq tarihymyzda bizding babalarymyz talay qiyndyq kórip, jankeshtilikpen tәuelsizdikti ansady, kýresti, sonyng jolynda qúrban boldy. Erkin el bolu baqytyn, tәuelsizdikti, últtyn, halyqtyng yntymaghyn jasampazdyq iygiligine jaratu bizding býgingi patriottyq, otanshyldyq boryshymyz», – dedi Quanysh Súltanov.

Sonday-aq, ol Preziydentting kóregendiligi men reformatorlyq talanty elimizding qaryshtap damuyn qamtamasyz etip kele jatqanyna júrtshylyqtyng nazaryn audara otyryp, ózining úsynysyn da jetkizdi.

«Tәuelsiz Qazaqstan halqyn bir maqsatqa júmyldyratyn jalpyúlttyq iydeya, Úly Dala kenistigindegi «Mәngilik El» strategiyasy – 2050 jylgha deyingi damu baghdarlamasy – últymyzdyng jarqyn bolashaghynyng kepili. Assambleya atynan aldaghy uaqytta halyqqa, úrpaqqa osyny meylinshe nasihattau, tek qana ózimizding memleketke ghana emes, kórshi elderge, alys memleketterge jetkizu maqsatynda arnayy «Mәngilik El» baghdarlamasyn ne bolmasa «Mәngilik El» telearnasyn qúryp, júmys istetudi úsynghym keledi», – dedi Mәjilis deputaty.

Óz kezeginde gharyshker Aydyn Ayymbetov Qazaqstannyng qazirgi tandaghy jetistikterin sóz ete otyryp, jastardy elimizding patrioty bolugha, Otanymyzdy kórkeytuge sýbeli ýles qosugha shaqyrdy.

«Bizding jerimizden – Bayqonyr gharysh ailaghynan adam balasy eng alghash gharyshqa úshty. Qazaqstandy býginde býkil әlem tanidy. Búl óz elimizdi maqtan tútudyng tamasha ýlgisi. Býginde Qazaqstan kóp tabystargha qol jetkizdi. Biz memleketimizdi odan әri damyta beru ýshin әrqaysymyz óz isimizding ýzdigi boluymyz kerek. Mine, osy – naghyz patriottyq is. Men jastardy elimizding patrioty bolugha, ózining naqty isterimen Otanymyzdyng kórkengine ýles qosugha shaqyramyn. Qazaqstannyng Bayraghy gharyshqa әli talay úshatynyna, jenisti sәtterde jelbireytinine, býkil әlemge tanymal bolaryna senimdimin. Qazaq eli mәngilik jasasyn!», – dedi tayauda ghana gharyshtan oralghan batyr Aydyn Ayymbetov.

Mәjilis deputaty Baqytbek Smaghúl jiyngha qatysushylargha arnaghan sózinde jastardy patriottyq ruhta tәrbiyeleuding manyzdylyghyna nazar audardy.

«Biz, Aughan soghysynyng ardagerleri, «Mәngilik El» qúndylyqtaryn qaster tútamyz. Aughan soghysyna qatysqan jauyngerler – soghysty óz kózimen kórgender. Sondyqtan Qazaqstannyng úly jetistigi – el birligin erekshe baghalaydy. Biz Elbasyna beybit ómirimiz ýshin, ayauly analarymyz ben bal-bóbekterimizding kýmis kýlkisi men tynysh úiqysy ýshin sheksiz rizamyz!

Býginde internasionalist jauyngerler – batyldyq pen erlikting nyshany! Jastardy patriotizm ruhynda, joghary adamgershilikke, Otandy qorghaugha tәrbiyeleu – bizding tikeley mindetimiz. Men otandastarymdy ortaq ýiimizdegi beybitshilikti saqtaugha shaqyramyn! «Mәngilik El» qúndylyqtaryn joghary ruhani-adamgershilik baghdar retinde ústanugha ýndeymin. Bizding jetistikterimiz ben jenisterimiz әrqaysymyzdyng bar kýsh-jigerimizben ayanbay enbek etuimizge baylanysty!», – dedi deputat.

Forumda «Miloserdiye» qayyrymdylyq qorynyng diyrektory Arujan Sain Qazaqstan Preziydenti Núrsúltan Nazarbaevtyng jedel týrde operasiya jasaugha múqtaj 29 balanyng ómirin saqtap qalugha basty sebepker bolghanyn әngimelep berdi.

«Tayauda Elbasyn Qytay Halyq Respublikasy «Jibek joly» syilyghymen marapattaghanyn bilesizder. Osy syilyqpen birge qosa berilgen qomaqty qarajatty Preziydentimiz bizding qorgha audarghan bolatyn. Býgingi uaqytta 29 balagha ómirin saqtap qalugha qajetti operasiyalar jasalyp, sonyng arqasynda sol býldirshinder jaryq dýniyening qyzyghyn kóruge mýmkindik alyp otyr», – dedi ol.

Arujan Sainnyng aituynsha, onyng Elbasymen bolghan әrbir kezdesui balalardyng ómirin saqtaugha baghyttalyp kelgen.

«2010 jyly «Kórkem shuaghy» kezdesui barysynda biz jýrekterinde aqaularymen tughan balalar mәselesin kóterdik. Osy jýzdesuden son, Qazaqstanda auruhanalar salyndy da, osynday aurularmen tughan talay býldirshinning odan әri ómir sýrip ketuine qajetti operasiyalar jasaldy. Býginde myndaghan bala dertterinen aiyghyp ketti, sebebi, bizding elde olardy emdeytin dәrigerlerge barlyq jaghdaylar jasalghan», – dedi qor diyrektory.

Búdan bólek, ol qoghamymyzda qayyrymdy jandar kóbeyip kele jatqanyn, «Balalargha ómir syila!» sharasyna belsene qatysqan azamattardyng arqasynda songhy 10 jyl ishinde 1300-den astam balanyng ómiri jalghasqanyn atap kórsetti. Sonymen qatar, A.Sain Qazaqstanda jetimder ýilerin azaytugha baghyttalghan «Qazaqstan jetim balalarsyz» jobasyna da toqtaldy. Onyng sózine qaraghanda, býginge deyin osy jobanyng arqasynda 500-den astam bala óz otbasylaryn tapqan.

«Halyq Qaharmany» Azamat Júmadilov alqaly jiynda ishki tolghanysyn jasyra almay, tebirenispen sóiledi.

«Qúrmetti dostar! Men eshqashan batyr atanudy oilaghan emespin. Sol qaterli týnde azamattyq mindetimdi ghana atqardym! Mening ornymda kim bolsa da dәl solay ister edi. Jauapty sәtte qaterge oilanbay bas tigu – elim degen әrbir azamattyng boryshy! Sol oqighany Elbasy teledidardan kórip, maghan «Halyq Qaharmany» ataghyn berdi. Osydan týigenim: Qazaqstanda jasalghan әrbir iygi is Elbasynyng nazarynda. Úlym deytin eli men Elbasy barda, elim deytin úldar bar. Patriotizm – el ýshin jasalghan naqty isterden túrady. Búl – «Mәngilik Eldin» basty sipaty! Men elimizding jastaryna ýndeu tastaymyn! Qasiyetti Otanymyzdy sýiip, qúrmetteyik! Jaqyndarymyzgha kómekteseyik! Layym jerimizden beybitshilik pen kelisim ketpesin!» – dedi «Halyq Qaharmany».

Sol siyaqty, kenshiler әuletinen shyqqan qaraghandylyq Qanat Mústafin de «Mәngilik El – bolashaghy birtútas el» patriottar forumy barysynda el iygiligi ýshin atqarylyp jatqan sharualargha razy peyilmen qaraytynyn jetkizdi.

«Men «Qazaqstan» atty kómir shahtasynda júmys isteymin. Bizding otbasymyz – kenshilik kәsip atadan balagha miras bolghan shahterler әuleti. Otanymyzgha adal qyzmet etu – bizding búljymas qaghidamyz. Bizding elimizde Enbek adamy – eng qúrmetti, eng syily adam. Biz memleketting qoldauyna, júmysshy kәsibining qiyndyqtaryn óz basynan ótkizgen, ony bir kisidey biletin Elbasynyng qamqorlyghyna bólenip otyrmyz. Týsine bilgenge, kenshilik kәsip – elimizdegi eng abyroyly, bedeldi kәsipting biri. Kenshilerding atqarar isi auyr jәne qaterge toly. Sondyqtan, Elbasymyz da ýnemi kenshilerdi ardaq tútyp, olardyng enbegin joghary baghalaydy. Ol biz ýshin ýlken mәrtebe. Mening әkemning aty – Qazaqstan. Men ózimning әkemning ghana emes, sýiikti Qazaqstanymyzdyng perzenti ekenimdi maqtan etemin. Óitkeni, jerimde túraqtylyq, elimde – beybitshilik, aldymda – balalarymnyng jarqyn bolashaghy bar. Otanymyzdyng órkendeui ýshin ter tógu – bizding paryzymyz. Enbek adamyna eng keregi – osy! Mәngilik El degenimiz de – osy! Elimizde eli ýshin ayanbay ter tógetin talay-talay asyl azamattardyng bar ekenin maqtan etemin. Býgingi forumgha kóptegen tanymal azamattar jinalyp otyr. Búl olardyng eline degen mahabbatyn, Otangha degen sýiispenshiligin, sheksiz qúrmetin bildiredi», – dedi kenshi.

Akter Núrlan Álimjanov óz kezeginde kino ónerining úrpaqty otansýigishtikke, patriottyqqa tәrbiyeleudegi ornyn aita kelip, Elbasynyng atalghan salagha jasaghan qoldauynyng arqasynda búl baghytta kóptegen júmystar atqarylyp jatqanyn jetkizdi.

«Qúrmetti forumgha qatysushylar! Býgingi tanda kino óneri – eng basty tәrbie qúraldarynyng biri. Elbasynyng qoldauymen býginde Qazaq kinosy búryn-sondy bolmaghan qarqynmen damuda. «Qazaqfilim» kinostudiyasy týbegeyli janghyrtylyp, zamanauy tehnikalarmen jaraqtaldy. Qazir kinogerlerimiz jylyna 100 filimge deyin shyghara alady. Ángime – sanda emes, sapada. Endi bizding aldymyzdaghy jauapty mindet – Mәngilik Elding qúndylyqtaryn úlyqtaytyn sapaly tuyndylar jasau. Halyqtyng patriottyq ruhyn kóterip, Otanymyzdy sýige, el ýshin enbek etuge ýndeu! Biz ony jan-jýregimizben sezinemiz. Tughan Qazaqstanymyzdyng Mәngilik El boluy jolynda ayanbayyq, dostar!», – dedi akter.

Al Taraz memlekettik pedagogikalyq institutynyng rektory Dariya Qojamjarova ózining sózinde memleketimiz tarapynan úrpaqqa sapaly bilim beru isine joghary dengeyde qoldau kórsetilip kele jatqanyna kónil audardy.

«Elbasy «Mәngilik Elding eng basty sipattarynyng biri – ghylym men bilim» degen bolatyn. Elimizde 2 million 600 myng oqushy bar. Tek biyldyng ózinde 340 myng býldirshin mektep tabaldyryghyn attady. Búl – Tәuelsizdik tarihyndaghy rekordtyq kórsetkish. Biz keshe ghana el bolyp «Ústazdar kýnin» atap óttik. Shәkirtine bilim nәrin sebetin 340 myng qazaqstandyq ústazdy kәsiby merekelerimen qúttyqtaugha rúqsat etinizder! Bilimdi úrpaq – Mәngilik Elding bolashaghy. Mәngilik El bolu degenimiz – bәsekege qabiletti, ziyatker últ bolu. Ziyaly úrpaq tәrbiyeleu – menin, men siyaqty barsha ústazdardyng boryshy. Al jas úrpaqtyng boryshy – bilimdi azamat atanyp, Úly Abay aitqanday, «Mәngilik Elding kirpishi bolyp qalanu». Sol sebepti, bizding jasampaz enbegimizding bәri de «Mәngilik El» ýshin!», – dep týidi rektor.

«Qayrat» futbol klubynyng shabuylshysy, komanda kapitany Bauyrjan Islamhan da jýieli de jigerli sózimen forumgha qatysushylardyng qoshemetine ie boldy.

«Barlyghynyz da futboldyng Qazaqstan halqyn qalay biriktiretininen habardarsyzdar. Bizding sәtti turnirlerimizde alanda bola túryp, men óz halqymnyn, Úly Dala eli halqynyng ruhyn býkil jan-dýniyemmen sezinemin. Áleumettanushylargha qazaqstandyq biregeylikti dәl osy sporttyq jarystarda ólsheudi úsynamyn, ol mindetti týrde 100 payyz dәldikti kórsetedi», – dedi B.Islamhan.

Futbolshynyng sózine qaraghanda, sportshylar jeniske jetude Elbasyn ýlgi tútady.

«Qazaqstandyq sporttyng jetistikteri elimizding jalpy jetistikterining ajyramas bóligi. Álemdik futbolda ózindik stiyli men strategiyasyna ie komandalar bar. Al elimizding damu stiyli – birlik pen kelisim arqyly ýlken jetistikterge jetu. Búl jospar – patriottyq «Mәngilik El» iydeyasy. Búl jana jetistikterge qol jetkizuge údayy úmtylys, biz dúrys joldamyz», – dep qorytty sózin sportshy.

Qaterli isik aurularymen kýresu maqsatyndaghy zertteulerge 2 mln. AQSh dollaryn bólgen 25 jastaghy qazaqstandyq baghdarlamashy Ashat Myrzabaev jiyn kezinde bolashaqta ghylymdy odan әri qarjylandyrudy aldyna maqsat etip qoyatynyn jetkizdi.

«Mening jasym qazir jiyrma beste. AQSh-ta qyzmet etken kezimde men júmystan tәjiriybe alyp qana qoymay, bir manyzdy nәrseni úqtym: úly nәrseni ómirge әkelu ýshin auqymdy oilau kerek eken, ózine tereng súraqtar qongyng kerek eken. Ómirding mәni ne? Qanday iz qaldyra alamyn? Adamzatqa ne beremin? Ózime ol saualdardyng jauabyn taptym. Men ghylymnyng damuyn qoldaghym keledi. Sol ýshin de men qaterli isik pen onkologiyany zertteuge 2 mln. dollar bóludi sheshken edim», – dedi ol.

Sózine qaraghanda, ol auyr dertke úshyraghandargha kómektesudi jas kezinen ómirlik maqsaty etip alypty.

«Uniyversiytetting ýshinshi kursynda men AQSh-tyng San-Fransisko qalasyna Tvitter kompaniyasyna tәjiriybelik júmysqa ornalasugha mýmkindik aldym. Onda men keremet jigittermen tanystym, olar maghan jobany jasaugha kómektesti, keyinnen ony Microsoft kompaniyasy satyp aldy. Osydan song men kólemdi aqparatpen júmys jasauda iri qarjy kompaniyalarynyng tәjiriybesin aldym», – dedi baghdarlamashy.

Forumda aqyn Maraltay Ybyraev, «Bolashaq» baghdarlamasy týlekteri qauymdastyghynyng mýshesi Qanysh Tóleushiyn, «Status» әielder federasiyasynyng jetekshisi Irina Unjakova, «Batys Europa – Batys Qytay» jobasyna qatysushy, «QazAvtoJol» Últtyq kompaniyasy» AQ diyrektorynyng orynbasary Ayjan Tughanova, «MIMIORIKI» kompaniyasynyng diyrektory Inna Apenko, Qazaqstan aspazshylary qauymdastyghynyng preziydenti Elena Mashinskaya, múnay-gaz salasynyng ókili Ferdinat Mamonov, qazaq tilin ýiretuding jana tәsilining avtorlary Semen Mahov, Evgeniy Shvornev, Sergey Zakora, himiya pәnining múghalimi, kóptegen shәkirtteri halyqaralyq olimpiadalardyng jenimpazy atanghan Almas Ordabaev, rejisser Ahat Ibraev, jas әskeriyler Erbol Bazarov, Altyn Baytemirova jәne Almat Qayyrbekov syndy azamattar ózderining jýrekterinen shyqqan jyly lebizderin, elge, Elbasyna degen qúrmetterin jetkizdi.

IYә, patriottyq әr adamnyng enbegi arqyly dәleldenetin qúndylyq. Egemendi el bolghanymyzgha kóp uaqyt ótken joq. Osy az ghana uaqyttyng ishinde әlem moyyndaghan keregesi ken, irgeli elge ainaldyq. Osyndayda elimizde ayanbay ter tógip, enbek etetin talay-talay asyl azamattar ósip shyqty. Býgingi forumda solardyng birqatary jýrekjardy lebizderin bildirdi. Búl olardyng eline degen mahabbatyn, Otangha degen sýiispenshiligin kórsetedi.

Qúdaygha shýkir, elin sheksiz sýietin, patriottyq sezimin jýreginde saqtaghan qanshama asyl azamattar bar. Búlardyng patriot boluynyng syry Qazaqstannyng bolashaghyna senimmen qaraularynda.

Taghy bir erekshe toqtala keter jayt, forum ayasynda «Jyl patrioty» bayqauynyng qorytyndysy shygharyldy. Dәliregin aitsaq, Otangha degen sýiispenshilikterin kýndelikti enbegimen, naqty isterimen, sonday-aq, eren erligimen dәleldey bilgen qazaqstandyqtar jeti atalym boyynsha marapattaldy. Olardy atap kórseter bolsaq, gharyshker Aydyn Ayymbetov («Mening elim» atalymy boyynsha), últ maqtanyshy, KSRO halyq әrtisi Biybigýl Tólegenova («Ruhaniyat shyny»), belgili boksshy Gennadiy Golovkinning anasy Elizaveta Golovkina («Ana jýregi»), «Dinar-Elektromash» JShS (Aqtóbe oblysy) is basqarushysy Sergey Vishnyak («El birligi»), «Kazlegprom – Almaty» JShS bas diyrektory Aybek Bektúrghanov («Núrly jol»), «Temirlan» JShS diyrektory Erlan Álin («Eren enbegi ýshin») jәne sugha batyp bara jatqan eki synyptasyn qútqarghan mektep oqushysy Nikita Tukin («Erlik») marapatqa ie boldy.

Patriottyq forum barysynda marapattalghan búl otandastarymyz elimizding órkendeuine bar mýmkindikterinshe ýles qosyp jýrgenderi dausyz. Sondyqtan da olargha osynday syi-qúrmetting kórsetiluin jinalghan qauym zor yqylaspen qoldap, qoshemetterin bildirdi.

Biz osy arada forum sәtinde marapattalyp, quanyshqa bólengen Biybigýl Tólegenovanyng lebizine nazar audaralyq:

«Mәngilik El» bizding ata-babamyzdyng ansaghan armany bolatyn. Býginde biz oghan qolymyz jetti. Bizding jastarymyz rasynda da patriot bolady dep senemin, sonday-aq, «Mәngilik El» iydeyasyn shyn jýrekten qoldaymyn. Onyng dúrystyghyna esh kýmәnim joq. Mening jasym 85-ke toldy. Soghan qaramastan, men «Mәngilik El» iydeyasynyng iske asqanyn kóremin dep oilaymyn. Eger, jastar dúrys enbek etip, búl iydeyany jýzege asyrugha tyrysatyn bolsa, onda ol mindetti týrde kóp keshikpey oryndalady. Naghyz patriot tek ózi ýshin ghana emes, eli ýshin de ómir sýredi dep esepteymin. Biz balabaqshada, mektepte, joghary oqu ornynda alghan bilimimizdi, tәrbiyemizdi úrpaq jolynda sarp etuimiz kerek. Yaghni, barlyq bilimimiz ben biliktiligimiz tek ózimiz ýshin, óz ýiimiz ýshin ghana emes, memleket ýshin de enbek etui kerek. Patriottyqtyng mәni osynda. Men ruhany tәrbiyeni arttyru ýshin óner salasynda óte kóp enbek ettim. Sovhozdan da, kolhozdan da, brigada men bólimshelerden de qashqan joqpyn, qoryqqan joqpyn, tipti, esek pen týiege minip te enbek ettim. Enbek adamgha kórik beredi dep oilaymyn. Bizge jana memleketti qúrugha eshnәrse kedergi jasamasyn dep tileymin. «Mәngilik El» tek jýregimizde ghana mekendep qoymay, býkil әlem qazaqtardyng «Mәngilik Elde» túratynyn kórse deymin. Búl – mening shyn tilegim», – dedi últ maqtanyshy, «Halyq Qaharmany» Biybigýl Tólegenova.

Osylaysha, bizding elimizde enbekkerlerimizdi, batyrlarymyzdy qúrmetke bóleu dәstýrge ainalghanyna taghy bir ret kuәger boldy. Múnyng tәrbiyelik mәni óte zor ekenin, halyqtyng keleshekke degen senimin odan sayyn arttyra týsudegi manyzdylyghyn әrbir qazaqstandyq azamattyng úgha bilgeni jón. Óitkeni, osynyng barlyghy elimizding bolashaghy ýshin jasalyp jatqan iygi ister ekeni talassyz.

Bir toqtala keter jayt, el tútastyghyn saqtauda, úrpaq tәrbiyesinde ózindik orny bar búl patriottar forumynda qazaqstandyq biregeylikti nyghaytugha jәne «Mәngilik El» qúndylyqtary negizinde birynghay azamattyq birlikti qalyptastyrugha qatysty әserli sózderding aityluy kópshilikti tolqytpay qoyghan joq. Búghan qosa, Tәuelsizdik jәne Astana, últtyq birlik, yntymaq pen kelisim, azamattyq tendik, enbeksýigishtik pen adaldyq, shynayylyq pen patriotizm sekildi qasiyetti úghymdar túrghysynda terennen oy qorytyluy forumnyng mәn-manyzyn arttyra týsti.

Forumgha qatysty taghy bir aitarymyz, Elbasynyng «Mәngilik El» jalpyúlttyq iydeyasyn, 5 instituttyq reformasyn, «Qazaqstan-2050» Strategiyasyn halyqtyng tereng týsinip, ony qyzu qoldaytyny forum ayasynda anyq angharylyp túrdy. Forumda sóz sóilegenderding әrqaysysy Memleket basshysynyng sauatty bastamalaryna payymmen qarap, onyng dúrystyghyna kәmil senetinine kózimiz jetti. Osy arada erekshe aituymyz kerek, jiyngha qatysushylarmen әngimelesu barysynda Preziydentimizding AQSh-tyng Niu-York qalasynda ótken BÚÚ-nyng 70-shi mereytoylyq sessiyasynda jasaghan bayandamasyn júrtshylyqtyng asqan qyzyghushylyqpen tyndaghanyn, oy elekterinen ótkizgenin de bayqadyq.

Sonymen qatar, forum júmysy kezinde «Bir el – bir otbasy» atty jobanyng bastalghanynyng habarlanuy da kópshilikting kónilinen shyqty. Múny týsindire keter bolsaq, Elbasy Núrsúltan Nazarbaevtyng «Últ jospary – 100 naqty qadam» atty bes instituttyq reformasynyng ayasynda iske asyrylatyn Qazaqstan halqy Assambleyasynyng «Ýlken el – ýlken otbasy» jalpyúlttyq jobasy qolgha alynbaq. Búl joba ayasynda patriottyq tәrbie basymdyqtaryn, bolashaghy birtútas últymyzdyng ziyatkerlik, mәdeny jәne ruhany qúndylyqtaryn ilgeri bastyrugha baghyttalghan keng auqymdaghy aksiyalar men әleumettik sharalar ótkizu kózdelude.

Al patriottar forumy býkil qatysushylardyng qosylyp oryndauyndaghy «Atameken» әnimen mәresine jetip, әdemi qorytyndylandy.

Joldybay BAZAR,

«Egemen Qazaqstan».

Forumgha qatysushylar lebizi

Vladimir KOLOKOLNIKOV,

Qazaqstandaghy Orys qoghamy Qyzylorda filialynyng diyrektory:

– Búl forum barshamyzdy júmyldyra týsti. «Mәngilik El» iydeyasy ainalasyna toptasqan bizder ótken tarihymyzgha da nazar audara bastadyq. Qazaq handyghynyng qúrylghanyna 550 jyl toluyn atap ótip jatqanymyz da sondyqtan.

Qytaylyq bir pәlsapada «Sen otanyndy әrqashan sýie biluing kerek!» dep aitylghan eken. Olay bolsa, mening Otanym Qazaqstan degim keledi. Jәne barlyq qazaqstandyqtar bir halyq ekendigin nazardan tys qaldyrmaghan jón.

Ikram HAShYMJANOV,

Ontýstik Qazaqstan oblysyndaghy ózbek etnomәdeny ortalyghynyng jetekshisi:

– Atalghan shara tarihy jәne sayasy manyzgha iye. Qazaqstandy Otan tútqan әrbir azamat patriot boluy shart. Patriottyq sana-sezim – búl Otandy sýi. Negizinen, patriottyq sana-sezim otbasydan bastalady. Ata-ananyng tәrbiyesinen bala qoghamgha paydasy tiyetindey jәne bәsekege qabiletti azamat bolyp qalyptasady.

Memlekettik tildi jetik bilu de patriotizmning bir kórinisi. Al jalpy qazaq halqynyng ainalasyna toptasqan ózge de etnostar bolyp barshamyz shanyraghymyzdyng biyik, keregemizding keng boluyna belsendi ýles qosuymyz kerek.

Ayjan ZABEKOVA,

Qarjy akademiyasynyng studenti:

– «Mәngilik El – Bolashaghy Birtútas El» atty respublikalyq patriottar forumynyng ótui men ýshin ýlken quanysh. Elimizding әrbir azamaty patriot boluy tiyis dep oilaymyn. Óitkeni, olardyng әrbir is-әreketi – elimizding bolashaghyna qalanar kirpish.

«Mәngilik El» iydeyasyn jýzege asyru jolynda barshamyz bir adamday atsalysqanda ghana belgili bir nәtiyjege qol jetkize alamyz. Jetistik tókken ter men etken enbekting nәtiyjesinde keletinin qaperden shygharmayyq.

Ahmet MURADOV,

Parlament Mәjilisining deputaty:

– Patriottar forumyn men jalpyhalyqtyq shara dep aitar edim. Óitkeni, әrbir qazaqstandyq ózining sana-sezimimen boyyndaghy otansýigishtik qasiyetti sezine týsedi. Jeri men elin jәne tughan halqyn sýigen adamdy ghana Otanynyng shyn berilgen patrioty dep oy týyge bolady.

Taghy bir aita keterligi, biz Qazaq handyghynyng tarihyna kóz sala otyryp, keleshegimizdi baghdarlap ala alamyz. Barlyghymyz birtútas qúndylyqtar ainalasyna toptasqan kezde «men, búl meniki jәne men ýshin» degen úghymnyng qanshalyqty ómirimizge jaqyn ekenin anyq sezinemiz.

Jazyp alghan Asqar TÚRAPBAYÚLY