Mәskeude «Qazaqstandaghy merziminen búryn parlamenttik saylau jәne reseylik-qazaqstandyq qatynastardyng mýmkindikteri» taqyrybynda dóngelek ýstel ótti, - dep habarlaydy Qazaqparat.

Sharany M.V. Lomonosov atyndaghy MMU postkenestik kenistikti zertteu boyynsha aqparattyq-saraptamalyq ortalyghy men «Rossiya segodnya» HAA-nyng Zinoviev kluby úiymdastyrdy.

Jetekshi reseylik sarapshylar men sayasattanushylar Mәjilis saylauynyng ótu sebepterin, jana saylau siklining ereksheligin talqylap, býgingi reseylik-qazaqstandyq qatynastargha bagha berdi.

Dóngelek ýstel moderatory, M.V. Lomonosov atyndaghy MMU postkenestik kenistikti zertteu boyynsha aqparattyq-saraptamalyq ortalyghynyng bas diyrektory Sergey Rekeda Reseyding Qazaqstandaghy saylaugha qyzyghushylyq tanytyp jatqanyn atap ótti.

Ónirlik mәseleler institutynyng diyrektory Dmitriy Juravlev dәl qazir saylaudyng ótui oryndy ekenin aitty. Óitkeni kýrdeli ekonomikalyq jaghday strategiyalyq sheshimderdi talap etedi.  

Onyng pikirinshe, sayasy jýie sayasy elita janarghan jaghdayda ilgeri basady.

«Qazirgi Qazaqstandaghy saylau eldegi kadrlyq qúramdy janartudyng jaqsy mýmkindigi. Búl túraqtylyqqa ziyanyn tiygizbeydi, degenmen ary qaray damugha serpin beredi», - dedi ol.

«Sever-yg» sayasattanu ortalyghynyng jetekshi sarapshysy Aleksandr Karavaev Mәjilis saylauynan bólek jergilikti biylik organdarynyn- mәslihat saylauy ótetinin, oghan 3 395 adam saylanatynyn eske saldy.  Ol qzirgi saylaudy atqarushy biyliktegi sheneunikterding biliktiligine synaq jýrgizu sekildi deputattyq korpusty qayta attestasiyalaudyng balamasy retinde salystyryp kórsetti.

EAEO Institutynyng diyrektory Vladimir Lepehin Qazaqstan postkenestik kenistiktegi janghyrudy bastan keshirip otyrghan jalghyz el ekenin aitty.  

Abay-aqparat