Qarjysy tausylghan Mәsimov Ýkimeti endi zeynetkerlerding qaltasyna qol súgha bastaydy.

QR premier-ministri Kәrim Qajymúqanúly tizginin ústap otyrghan jogharghy Ýkimet qazaqstandyqtardyng zeynetaqy qorlaryna qol súghuy mýmkin. Atap aitqanda, zeynetaqy qorynan 100 milliardtan astam tenge bankterge berilmekshi. Búl turaly Astana arnasyna súhbat bergen Qazaqstannyng kәsipkerler palatasynyng tóraghasy Abylay Myrzahmetov mәlimdegen.

Esterinizde bolsa, bas partiyanyng ótken siezinde Memleket basshysy Núrsúltan Ábishúly qordaghy qarajatqa qol súqpaudy qatang tapsyryp edi. QR Kәsipkerler palatasy birazdan beri BAQ betinde bajaylap, tengening tapshylyghyn aityp, zeynetaqy qoryndaghy qarajatty «qolqalap» jýrgeni de jasyryn emes.

Al Ýkimet ýiinde ótken jiynda «Atameken» ÚKP basqarma tóraghasy Abylay Myrzahmetov myrza qarjylyq qiyndyq kezenindegi qajetti qarajattyng shetin shygharghan.

«Jiyn osydan bir apta búryn ótti. Búl әriyne bank salasyna qatysty. Mening oiymsha, qordan 100 milliard tenge alynady» deydi basqarma tóraghasy Abylay Myrzahmetov myrza.

Myrzahmetov myrzanyng búl uәjine QR Qarjy ministrining óz aitary bar bolyp shyqty.

«Mýlik pen aqshany zandastyru kezinde sol bankterding qazynasyna 150 milliard tengeden astam qarajat týsti. Basynda bankke salynghan aqsha bes jyl alynbay saqtalady jәne sol somadan budjetke 10 payyz tólenedi delingen. Jeltoqsan aiynan bastap búl shekteuler joyyldy. Endi aqshany tirkese boldy. Týk talap etilmeydi. Tipti búghan deyin 10 payyz tólep qoyghandar qaytyp alady. Respublika boyynsha barlyghy 3 milliardtan astam tenge týsti. Kóbi esty qoymaghan shyghar. Minberdi paydalanyp, azamattardy memlekettik kiris organdaryna baryp, búghan deyin tólep qoyghan alymdardy qaytyp alugha shaqyramyn», - dedi Qarjy ministri Baqyt Súltanov myrza.

Júrttyng jyldar boyy tirnektep jighan zeynetaqy qoryndaghy milliardttaghan qarjy qaytyp kelip-kelmesi belgisiz bankterge nesiyege berilmekshi. 

Qarjy birinshi kezekte kommersiyalyq bankterge ýlestiriletinge úqsaydy. Sóitip, budjet kirisi ózining qúrdymdyq shegine jetkende, Ýkimet túralap qalghan ekonomikany әldendirmek. Últtyq bank әlemdegi múnay baghasynyng qúldyrauynan bolghan daghdarysqa qarsy túrugha zeynetkerlerding qaltasyna týsuinen basqa jol tappaghanday.

Qalay bolghanda da, búl mәsele atýsti qaraugha bolmaytyn, milliondaghan salymshynyng taghdyryna qatysty ózekti sharua ekendigin baghamdaghanymyz jón bolmaq. 

Núrgeldi Ábdighaniyúly

Abai.kz