Senbi, 21 Qırküyek 2019
Käsip-tübi näsip 2974 0 pikir 28 Säuir, 2016 sağat 16:09

Almatı twrğındarın oblısta öndiriletin azıq-tülik önimderimen qamtamasız etu qajet

Almatı  siyaqtı eñ iri megapolisti öñirlerden jetkiziletin sapalı azıq-tülikpen qamtamasız etu  importtı almastıru mäselesiniñ şeşimin tabuğa da septigin tigizedi

Almatı qalasında alğaş ret auılşaruaşılıq tauarların tikeley ötkizudi kooperaciyalar arqılı damıtu jöninde aymaqaralıq jiın ötti. «Atameken» Wlttıq käsipkerler palatası men Almatı qalasınıñ äkimdigi birlesip wyımdastırğan jiınğa Qazaqstannıñ är aymağınan 300-den asa käsipker keldi. Keñeske «Atameken» WKP Töralqasınıñ törağası Timur Qwlıbaev,  Almatı qalasınıñ äkimi Bauırjan Baybek jäne Almatı oblısınıñ äkimi Amandıq Batalov qatıstı.

Almatı äkiminiñ aytuınşa, bügingi tañda elimizdegi eñ iri megapolis bolıp otırğan Almatı qalası aymaqtıq auılşaruaşılıq önimderin twtınğısı keledi eken.  Twrğındardı taza ekologiyalıq otandıq önimdermen qamtamasız etu maqsatı közdelude. «Sapalı tauar öndirip, onıñ logistikalıq mäselesin jolğa qoyıp jäne onı saudağa şığarudıñ tikeley joldarın qarastıru qajet. Käsipkerlerge seriktester tauıp, bilikti mamandarmen qamtamasız etip, jwmıssızdıq mäselesin de şeşuge boladı.  Sonday-aq, sauda deldaldarınsız jwmıs jasauğa köşken jön. Aymaqtıq auılşaruaşılıq käsiporındarınıñ elimizge belgili sauda jelilerimen kelisimge keluine jäne olardıñ önimderin tasımaldauğa kömek körsetilui tiis. Auıl şaruaşılığı önimderiniñ satılımğa şığaru jolın jaña qalıpqa tüsirip, innovaciyalıq damuğa qadam jasau kerek, – dedi qala äkimi jeksenbi sayın ötkiziletin auılşaruaşılıq järmeñkesi turalı taqırıpqa oyısıp. – Aymaqtardan jetkiziletin auıl şaruaşılığı önimderine arnalğan järmeñkelerdiñ sanın osı jılı 800-ge jetkizu josparlanğan.  Mäselen, ötken jılı 750-i ötkizildi. Ötip jatqan järmeñkelerdegi azıq-tülikterdiñ bağası narıqtağı bağadan 20-30%-ğa arzan».

Al, Almatı oblısınıñ äkimi Amandıq Batalovtıñ sözine qarağanda, Almatı oblısı tirşilikke qajetti barlıq azıq-tülik önimderin öndiredi jäne Almatı qalasın mümkindiginşe qamtamasız etip otır. Dese de logistikalıq ortalıqtardı jüyelep, olardıñ qızmet körsetu sapasın arttıru qajet.  Sonday-aq, azıq-tülik qoymaların jäne olardı saqtau mäselesin retteu kerek. Odan keyin sauda ortalıqtarına tikeley jetkizu özekti bolıp otır eken.

Bügingi tañda Almatı oblısı wsaq käsiporındardı irilendiruge baylanıstı nauqandı sätti atqarıp keledi.  Mäselen, kooperaciyağa biriktirudiñ nätijesinde 74 200 gektar jerge qant qızılşası egilip, bwrın-soñdı bolmağan ülken körsetkişke qol jetkizilude.  Barlığı 125 mıñ tonna qant qızılşası jinalıp, dayın önim şetelge eksporttalğan.  Osı jılı tek qana şağın jäne orta käsipkerliktiñ özinen jergilikti byudjetke 132 mlrd teñge payda tüsken. Aldağı uaqıtta bwl jwmıs jalğasın tappaq.

abai.kz

0 pikir