Elbasy sonday-aq, halyq arasynda týsindiru júmystarynyng dúrystap jýrgizilmegenin de aitty. 

«Halyqqa ashyq Ýkimetti týsindiru júmystary aqsap jatyr. Biz óndiretin, jasaytyn isterdi halyqqa týsindiru qajet. Barlyghy birdey keshke qaray teledidar aldynda otyrmaydy. Olargha júmys isteu kerek. Barlyghy birdey gazet te oqymaydy. Bizde «Núr Otan» partiyasy, Assambleya, jergilikti atqarushy organdar bar. Olar auyldarda, audandarda múnyng ne ýshin qabyldanghanyn týsindirui kerek. Aldymen QR Bilim jәne ghylym ministrligi atalghan mәselelerdi oqytushylarmen talqylauy qajet. Mening oiymsha, qazaq tili men әdebiyetin bir pәn jasaugha, orys tili gramatikasy men әdebiyetin, tarih pen geografiyany bir pәn retinde qosqan dúrys», - deydi N.Nazarbaev.

Ayta keteyik, juyrda QR Bilim jәne Ghylym ministri Erlan Saghadiyev jana oqu jylynan bastap mektepter 5 kýndik oqytu jýiesine kóshetinin jәne jazghy demalystyng uaqyty bir aigha qysqaratynyn aitqan bolatyn. Sonday-aq, reformagha sәikes, 2019 jyldan bastap býkil mektepter ýshtildi bilim beru jýiesine kóshui tiyis. Alayda, atalghan reformalar halyq arasynda qoldau tappay, ata-analar Elbasynyng atyna qarsylyq petisiyasyn jazghan edi.

Endi qalyng búqara qazaq tili men әdebiyeti pәnderining biriktirilgenin qolday ma? Ýsh tildi mektepter jýiesin qalyptastyrghan kezde negizgi tehnikalyq pәnder aghylshyn tilinde ótetini belgili. Qazaq tilinde ótetin eki birdey pәn bir pәnge qysqaryp qalsa, mekteptegi qazaq tilining ayasy taghy da taryla týspey me? Geografiya men tarih pәnderi de bir pәn boluy mýmkin. Bastapqyda geografiya pәni aghylshynsha, Qazaqstan tarihy pәni qazaqsha ótetini aitylghan. Búl pәn sonda aghylshynsha óte me, qazaqsha ma? Aghylshynsha ótse, qazaq tilinde oqityn pәn qalmayyn dep túr.

Shәriphan Qaysar

Abai.kz