AHMETOV ISI: MEMLEKETKE KELGEN ZALAL ÓTELDI
Eks-premier Serik Ahmetov sot "memleketke zalal keltirdi" degen qarjysyn ótedi. Ahmetovting advokaty Nikolay Lesnikting Azattyqqa aituynsha, Ahmetovting isi boyynsha memleketke 2 milliard 225 million tenge (shamamen alty jarym million dollar) tólengen. Lesnikting sózinshe, Ahmetovting dostary zalal qarjyny eki transh arqyly tólegen.
- Qarjyny onyng (Ahmetovting - red.) taghdyryna bey-jay qaray almaytyn dostary qaytardy. Erteng ne bolatyny belgisiz ghoy. Olar múny sot eskersin degen niyetpen ghana istedi. Shyghyndy tolyq óteu jazany taghayyndaghanda esepteledi. Ony zang qarastyrady. Biraq baghany sot beredi, - dedi Azattyqqa Lesnikting advokaty Serik Ahmetov.
10 nauryzda Qaraghandy oblystyq sotynda Serik Ahmetovting isi boyynsha apellyasiyalyq shaghym qaralady. Eks-premier, búrynghy qorghanys ministri Serik Ahmetovty sot ótken jyldyng jeltoqsanynda korrupsiya aiybymen on jylgha sottap, dýniye-mýlkin tәrkileu jәne bes jyl memlekettik qyzmetpen ainalysugha tyiym salu turaly ýkim kesken. Sotqa deyin ýiqamaqta bolghan Ahmetov ýkimnen song sot zalynda tútqyndalghan.
Ahmetov jәne onyng isine qatysty sottalghan Qaraghandy oblysy men qalasynyng búrynghy birneshe sheneunigi taghylghan aiyptardy moyyndaghan joq. Sottaghy songhy sózinde Ahmetov Qazaqstan preziydenti Núrsúltan Nazarbaevtan keshirim súrady. Ol Nazarbaevty ózining "ústazy" әri "jol bastaushysy" dep atap, "onyng senimin aqtay almaghany ýshin" keshirim súraghan.
Abay-aqparat
