Redaksiyamyzgha jurnalist  Biybigýl Dәuletbekqyzy habarlasyp, Shymkent qalasynda 20 aqpan kýni mektepten shyqqan bette joghalyp ketip kýni keshe tabylghan bala turaly tómendegidey jazba úsyndy. Áriptesimizding sózine qaraghanda, balany tauyp alugha jәrdemdesken jan (әzirge aty-jón atamaudy ótindi) әldekimderden qorqyp otyrghan kórinedi. Nege? Búl súraqtyng jauabyn aldaghy kýnderi anyqtay jatarmyz, aldymen Bibigýlding jazghanyn oqiyq:

20 aqpan kýni mektepten shyqqan 6 jasar Múhammed Qamshybekti (surette) belgisiz bir әiel úrlap ketken bolatyn. Neshe kýnnen beri el sabylyp, izdedi.  Ol balaqay keshe mening Instagram jelisindegi bir oqyrmanym arqyly  tabyldy. Shymkenttegi balaqaydyng tabylghanyna QAZAQSTAN halqy quanuda. Al, osy balany tauyp beruge sebepshi bolghan qyzdyng jaghdayy qanday kýide ekenin men ghana bilem. Qazir ol ýiinen tysqa shygha almay qorqyp otyr.

Tanghy 4-ke deyin onyng taghdyryna alandap  kóz ilmedim. Árdayym telefonmen sóilesip, halyn súraudamyn. El shulap jatqan oqigha bylay bolghan:

Bir balasy bar kelinshek, pәterine OLH arqyly adamdar túrghyzatynyn jazady. Sodan birden telefonyna er kisi zvondap, anasy men balasyn uaqytsha túrghyza túruyn súraydy. Ayaghyn syltyp kelgen apay: "Kelinimmen úrysyp qaldym. Mynau nemerem", -dep tanystyrady. Júmyssyz otyrghan kelinshek olargha onsha mәn bermeydi.

- Pәtershiler:"3-aq kýnge qonyp ketemiz", - degende, birtýrli bolyp qaldym. Kórpe-jastyghym joq ekenin aityp edim. Olar eshtene etpeydi dedi. "Endeshe qújattarynyzdy berinizder " degenim sol edi, olar birden ketetinin aitty. Sodan esikten shyghyp bara jatqan erkek: "Bizdi sen kórgen joqsyn!" - dep eskertti. Ózderining otbasylyq kiykiljini bolar dep, bastapqyda onsha mәn bermedim.

Osy jayttardy telefon arqyly bayandaghan kuәger mening instagramdaghy jazbalarymdy ghana oqidy eken. Televizor kóruge uaqyty joq. Kýndiz balasymen jýredi. Qoly qalt etse, sabaghyna dayyndalady. Múhammedting joghalghany turaly postymdy oqyghan boyda ol maghan birden habarlasyp:

-Biybigýl apay, men búl balany kórdim. Ony úrlaghan hidjabtaghy әiel emes, basqa. 50-55 jastaghy әiel. Áyeldin  janynda 35-40 jas shamasyndaghy er kisi boldy, -dedi.

Men shúghyl týrde polisiya bólimine habarlasuyn ótindim. Bastapqyda qyz qoryqsa da, IIB-ne habarlasty (mende audiojazba da bar). Keshe týnde, saghat 1.30-da,  Shymkent qalasyndaghy Ishki ister basqarmasynyng qyzmetkerleri er kisining fotorobotyn jasaugha kómektesu ýshin әlgi qyzdy ýiinen alyp ketti.   Men IIB qyzmetkerlerimen sóilesip, bala úrlyghyna qatysy bar adamdardyng fotobeynelerin jasaugha jәrdem etip jatqan kuәgerding ómirine qauip tónbeytindey jaghday jasauyn súradym.

Alayda, iyә, alayda... bayghús qyz býgin ýiinen shygha almay otyr. Dýkenge baryp nan satyp alugha qorquda. Sebebi, balany úrlaghan erkek bostandyqta jýr. Dostarymmen sóilesip, 102 bólimine habarlasuyn aittym. Ol Shymkenttegi tiyisti oryngha habarlasty. Biraq, atalghan bólimdegiler IIB  keluin talap etken. Al, kuәger jogharyda aitqanymday, kóshege shyghugha qorqyp otyr.   

Mening týsinbeytinim, nege Shymkent qalasyndaghy IIB qyzmetkerleri kuәgerding qauipsizdigin qamtamasyz etpeydi?   Marapattamay-aq qoysyn. Onsyzda keshe ghalamtorgha ózderi tapqanday sýiinshiletip, súhbat berdi. Biraq, búl qyz da adam balasy emes pe?! Sonda joghalghan balany tauyp beruge atsalysqan kuәgerdi paydalandy da, әri qarayghy ómirine jauap bermeymiz degenderi me búl? Qúqyq qorghau qyzmetkerleri osylay istese, erteng el ishinde ózinen basqanyng taghdyryna selt etip, sergek qaraytyn jan qala ma?

Biybigýl Dәuletbekqyzy

Abai.kz