Kezdeysoqtyq pa, zandylyq pa ony patsha kónildi oqyrman ózi payymday jatatyn shyghar. Al, bizding biletinimiz – «tau men tau kezdespeydi, adam men adam kezdesedi» degen halyqtyng qaltqysyz aitqan sózi ghana...

Jaqynda  Aqtóbe qalasyna janadan әkim taghayyndaldy. Qamal alar shaghynda eken әkim. Qamaldy baghyndyryp, jergilikti halyqtyng әleumettik jaghdayyn jaqsartyp ghana qoymay, salafitterdi de sabasyna týsirer dep ýmittenemiz endi. Onyng bolashaghyn boljaytyn balshy emespiz, bizding biletinimiz su jana әkimning tasqa basylghan ómirbayany...

Osydan qyryq jyl búryn Ontýstikting Bógen audanynda dýniyege kelgen azamattyng alghan asuy bir kisi armandaytynday-aq: enbek jolyn esepshilikten bastaghan Iliyas  Ispanov songhy lauazymy QR Jogharghy sotynyng Sottardyng qyzmetin qamtamasyz etu jónindegi departamentting diyrektorlyghyna deyin dara joldan ótipti.

«...Adam adammen kezdesedi» degendey, Aqtóbe oblysynyng әkimi Berdibek Saparbaevpen de  Iliyas Ispanovtyng iyin tirese júmys istegen kezi bolypty. Berdibek Mashbekúly Ontýstik Qazaqstan oblysynyng tizginin ústap túrghan tústa (1999-2002) Iliyas әueli bas maman, sosyn oblys әkimining kómekshisi qyzmetin atqarypty. Talapshyl әri halyqshyl әkimning kónilinen shyqqan boluy kerek, әri qaray «duet» jalghasyn tauypty da.  Saparbaev Ontýstikten Astanagha attanyp, QR Kedendik baqylau  agenttigi tóraghasynyng oryntaghyna jayghasqan sәtte  kómekshilikke taghy da Saparbaev  Saparbekting balasyn qolay kóripti. Keyin Berdibek Mashbekúly Qarjy viyse-ministri-Kedendik baqylau agenttigining tóraghasy (2002-2006) bolghanda,  Iliyas Ispanov Astana qalasy boyynsha Kedendik baqylau departamenti kedendik basqarmasynyng orynbasary, birinshi orynbasary lauazymynda qyzmet atqarypty. Osydan keyingi ómir  aghysy ekeuin eki salada enbek etudi nәsip etken kórinedi.

Bir-birine degen yqylas-peyili týzu, syilastyghy men senimi joghary jandardyng týbinde  joly qayta týiisetini anyq. Bizding soghan әbden kózimiz jetti. Qúdanyng qúdyreti, ekeuining joly on jyldan keyin Aqtóbe ónirinde  taghy da toghysty. Osydan keyin dýniyening dóngelek ekendigine, toghyzynshy territoriya túrghyndarynyng qytaylyqtar әzildep aitpaqshy, «bir-birin jaqsy tanityndyghyna» tanghalmay kóriniz.

Endigi jerde  Aqtóbe oblysynyng әkimi Berdibek Saparbaev pen Aqtóbe qalasynyng әkimi Iliyas Saparbekúlynyng osynday ýilesimdi tandemi talaylargha ýlgi bolar degen senimdemiz.

Aytpaqshy, Aqtóbe qalasynyng әkimi Iliyas Ispanovtyng Ásem (1997), Zere (2010) atty qyzdary men Shynghys (2000), Berdibek (2005) atty úldary bar. Osylaysha Berdibekting әkesi endi Berdibek Saparbaevtyng qúzyrynda oblystyng ortalyghyn basqaratyn bolady.

P.S. Berdibek Mashbekúlynyng Aqtóbeden qala basshysyna layyqty kadr taba almay, Astanadan attay qalap aldyrghanyna qaraghanda Iliyas Ispanovtyng iskerligi keremet bolyp túr ghoy. Jana әkimning alghyrlyghyna aldaghy uaqytta kuә bola jatarmyz-daghy. Ázirge Aqtóbe shaharynyng su jana әkimine, Berdibektin  әkesine aq jol tileymiz.

Ghabit ISKENDERÚLY

Abai.kz