K.Mәsimov: Aqtóbedegi jaghday tolyq baqylaugha alyndy
Aqtóbede QR Premier-Ministri Kәrim Mәsimovting qatysuymen qauipsizdik mәseleleri boyynsha kenes ótti. Kenes aldynda Kәrim Mәsimov 5 mausymda lankester shabuylyna úshyraghan 6655 әskery bólimshesining qasynda gýl shoqtaryn qong rәsimine qatysyp, qaza tapqan aqtóbelikterdi bir minut ýnsizdikpen eske aldy.
«Juyrda elimizde qayghyly oqighalar boldy, onyng saldarynan beybit túrghyndar men әskery qyzmetkerler ajal qúshty. Biz qaza tapqandardy aza tútamyz jәne óz halqyn qorghaghan әskery qyzmetkerlerding batyrlyghyn maqtan etemiz. Memleket basshysy atap ótkendey, beybitshilik pen kelisim – bizding memleketimizding eng manyzdy qúndylyqtardy», - dedi Premier-Ministr.
Aymaqtaghy qauipsizdikti qamtamasyz etu boyynsha oblystyq ÚQKD jәne IID basshylarynyng bayandamalarynan song Kәrim Mәsimov jiyndy qorytyndylady:
«Jaghda y tolyghymen baqylaugha alyndy, terrorister auyzdyqtaldy. Aymaqtaghy qauipsizdik qamtamasyz etu boyynsha Memleket basshysy qoyghan tapsyrmalar oryndaldy. Endi qalany búrynghy qalpyna keltirip, әleumettik mәselelerge, júmyspen qamtugha, jastar sayasatyna, kәsipkerlikti damytugha kónil bólgen manyzdy».
Eske salayyq, QR Premier-Ministrining Aqtóbe oblysyna júmys sapary barysynda Astanada ótken Qauipsizdik kenesining otyrysynda aitylghan Memleket basshysynyng tapsyrmalaryn jýzege asyru mәseleleri boyynsha kenes ótti. Dәl osy kýni Kәrim Mәsimov terakti saldarynan qaza tapqan aqtóbelikterding otbasylarymen kezdesip, olargha kónil aitty. Sonymen qatar Ministrler kabiynetining basshysy Aqtóbedegi jedel medisinalyq jәrdem auruhanasyn baryp, jaralanghan azamattardyng kónilin súrady.
Abay-aqparat
