Qarasu audanynyng jeke kәsipkeri atanyp ýlgergen Joldybay Osupov – on bes jyldyq enbek ótili bar ayaq kiyim tigu sheberi.  

Ol biznesmen degen mәrtebege endi ghana boy ýiretude, óitkeni ayaq kiyim jóndeuge arnalghan jeke sheberhanasyn bir ay búryn ghana ashqan-dy. Búghan deyin servis jaghy birshama aqsap túrdy. Joldybaygha auyldastary telefon shalu arqyly tapsyrys beretin, sodan keyin ol qonyrau kelip týsken ýilerdi aralay jýrip, býlingen ayaq kiyimderdi ýiine jinap alyp keledi. Ol ayaq kiyimderdi jóndeuge baryn salady: jamaydy, tigedi, jelimdeydi, bir sózben aitqanda, óz betimen ýirenip alghan, әri jyldar boyy shyndalghan әdisterding bәrin qoldanady. Ýy jaghdayynda júmys istep kelgen sheberding kliyentteri jeterlik boldy. Ásirese, kóktem men kýzde.

Onyng búl talanty audandyq әkimdikke de, Kәsipkerler palatasyna da jetti. Sóitip, Qarasuda Kenes ýkimeti taraghannan beri ayaq kiyim jóndeytin bir de bir sheberhana bolmaghandyqtan, Joldybaygha osy olqylyqtyng ornyn toltyrugha úsynys jasaldy.

Ol «Biznesting jol kartasy – 2020» baghdarlamasy boyynsha grantqa ótinish bildirip, 660 myng tengedey qarajatqa ie boldy. Búl qarajatty ol tigin mashinasy jәne basqa da qajetti qúral-jabdyqtar satyp alugha júmsady.

«Qazir dýken ghimaratynan bir bólmeni jalgha alyp otyrmyn.  Adam kóp jýredi, al tólem 10 myng tenge. Artyqshylyqtary kóp. Endi kliyentterge ózim barmaymyn, olar maghan keledi.  Búdan el ayaghy azayghan joq, elder jana sheberhana baryn bilip alghan, kýnine 5-6 adamnan keledi.  Búl tabysy jyl on eki ay boyy týsip túratyn mamandyq», – deydi Joldybay Osupov.

Biznesin jana bastaushy Joldybay mamandardyng kómeginsiz jana isti dóngeletu mýmkin emes ekenin moyyndaydy.  Buhgalterlik jәne salyqtyq esep-qisapty Kәsipkerlikti qoldau ortalyghynyng mamandary jasap beredi.  Olar kәsipkerding kez kelgen súraqtaryna jauap berip, prosesti jenildete týsedi.

 «Men qaghaz júmystargha basymdy qatyrmaymyn, óz júmysymdy atqaramyn.  Uaqyt óte kele, әriyne, barlyq qyr-syryn mengerip alam», – deydi kәsipker.

Kәsipkerler palatasynyng filialynda osy jyldyng basynan bastap Qarasu audanynyng túrghyndaryna 300-den astam tegin biznes-kenester berilgen.  Al oblys boyynsha barlyghy 6 mynday adam kenes alghan. Sonyng nәtiyjesinde  220 adam jeke isin ashyp nemese búrynnan bar biznesin keneytip ýlgerdi.

Abai.kz